10/10/2011

Боцкава свеќа (Акантоцереус)

Acanthocereus (Акантоцереус) е мал род на кактуси. Во него има само 6 видови, кои растат во форма на грмушки и достигнуваат височини од по неколку метри. Генеричкото име на овие кактуси е изведено од грчкиот збор άκανθα (acantha), кој значи трн или боцка, и латинскиот збор cereus, кој значи свеќа.

Photobucket
1. Acanthocereus tetragonus со цвет, 2. Acanthocereus subinermis со цвет, 3. Acanthocereus subinermis со плод
Опис:
Стеблата на овие кактуси имаат од 3 до 5 ребра. Тие се обично тенки, со кратки и цврсти боцки на нив. Имаат убави бели цветови, кои се отвараат навечер. Цветовите имаат форма на инка и достигнуваат должина од 12 - 25 cm и дијаметар од 6 - 12 cm. Плодовите на кактусите од родот Acanthocereus имаат топчеста форма. Кога се зрели имаат црвена боја и се полни со семе кое е измешано во црвена каша.

Потекло:
Кактусите од родот Acanthocereus потекнуваат и може да се најдат во тропските предели на јужниот дел на Мексико, Централна Америка, северниот дел на Јужна Америка, Карибите, па дури и на Флорида.

Photobucket
Acantocereus tetragonus во Јужен Тексас
Царство: Plantae
Ред: Caryophyllales
Фамилија: Cactaceae
Подфамилија: Cactoideae
Племе: Pachycereeae
Род: Acanthocereus

Синоним(и):
Dendrocereus и Monvillea се синоними на родот Acanthocereus.

Видови:
*Видовите под кои има фотографија се детално обработени во КАКТИПЕДИЈА и може да ги отворите со кликнување врз нивното име или фотографија.
 
Acanthocereus baxaniensis
Acanthocereus colombianus
Acanthocereus horridus
Acanthocereus occidentalis
Acanthocereus subinermis
Acanthocereus tetragonus
Photobucket


Видот Acanthocereus tetragonus, кој е познат како Barbed-wire Cactus, Dildo Cactus, Nun-tsusuy или Night-blooming Cereus е најраспространетиот и најголемиот кактус од овој род. Достигнува височина од 2 - 7 m.

Некаде може да се сретнат информации дека во листата на видови кои се дел од овој род на кактуси е и Acanthocereus chiapensis. Во 2005 година анализите на двајца биолози (C. Gómez-Hinostrosa и H. M. Hernández) од Мексико, покажале дека овој кактус повеќе му припаѓа на родот Peniocereus. Врз основа на тоа, од 2005 година тој е дел од родот Peniocereus, а неговото име е Peniocereus chiapensis.

Надворешни линкови:
Wikipedia, CactiGuide.com, Desert Tropicals

No comments:

Post a Comment

Related Posts Plugin for WordPress, Blogger...