12/31/2008

Среќна нова 2009 година

Пред да се одјавам во оваа 2008 година...

Photobucket

...на сите блогери, мои драги пријатели и останати посетители на мојата КАКТУСАРНИЦА, Ви посакувам убава вечер, нека Ви биде Среќна Новата 2009 година, многу здравје, љубов, насмевки и сите желби во неа нека Ви станат реалност!

Поздрав до следната година! :-)

12/28/2008

Избор на Кактус/Сукулент на 2008 година

Крајот на годината е период кога се организираат разно, разни избори...во тој контекст решив и јас во мојата КАКТУСАРНИЦА да организирам избор на Кактус/Сукулент на 2008 година. Од отворањето на блогот до денес преку серијалот Кактус/Сукулент на денот, Ве запознав со изгледот, имињата и други информации поврзани со 26 различни сукулентни билки.

Листата од која треба да го направите изборот е малку подолга, но сепак решив да ги ставам сите досега објавени...па ако не Ве мрзи и притоа сте подготвени да се изложите на ризик да научите уште нешто ново за кактусите и сукулентите, може да ги погледнете повторно и да гласате за Вашите фаворити!
Поединечно секој од нив може да го видите со кликање врз името, а сите одеднаш доколку кликнете овде.

Гласањето ќе заврши на 15.01.2009 во 23.59.


Кои се Вашите фаворити за кактус/сукулeнт на 2008 година? (означете најмногу 3 од понудените)
Зајачки уши (Opuntia microdasys)
Глувчешка опашка (Disоcаctus flagelliformis)
Златна топка (Echinоcаctus grusonii)
Чувар на куќа (Sеmpеrvivum tеctоrum)
Еленов рог (Euphorbia lactea)
Eсhinоpsis hybrid
Century Plant (Agаvе americana)
Пајажина (Sеmpеrvivum аrachnoideum)
Sempervivum macedonicum
Долар дрво (Crassula ovata)
Зебра (Haworthia fasciata)
Старецот (Cephalocereus senilis)
Јужноафриканска пирамида (Crassula Pyramidalis)
Живи камења (Lithops)
Saguaro (Carnegiea gigantea)
Пламена Кети (Kalanchoe blossfeldiana)
Бебешки прсти (Fenestraria rhopalophylla)
Призма (Leuchtenbergia principis)
Воздушно растение (Kalanchoe pinnata)
Магарешка опашка (Sedum morganianum)
Пустинска рoза (Adenium obesum)
Молив (Euphorbia tirucalli)
Бејзбол палка (Sansevieria hallii)
Змија (Sansevieria trifasciata)
Бодликава спирала (Eulychnia castanea)
Празничен кактус

12/27/2008

Лампиони, кактуси...

Продолжувам со украсување на мојата КАКТУСАРНИЦА, денска со неколку фотографии на кактуси и агаве во празнично издание.

Photobucket

Photobucket

Photobucket

Photobucket

Photobucket

Среќни празници!

12/20/2008

Божиќен кактус

Како продолжение на Празничните кактуси, денес споделувам со Вас уште една интересна фотографија на Божиќен кактус...

Photobucket

12/16/2008

Празничен кактус

Празниците само што не стигнале, а во Скопје и годинава сеуште изгледа како да не е така. Јас денеска ќе си ја украсам мојата КАКТУСАРНИЦА со една цела група на кактуси...

Кактус на денот, 351 се...

Holiday cactus

Во оваа група на кактуси спаѓаат (Thanksgiving Cactus, Christmas Cactus, Easter Cactus). Од сите нив најпознат е Божиќниот кактус. Празничните кактуси се составени од неколку видови од родот Schlumbergera и видот Hatiora gaertneri, кој може да се сретне и како Zygocactus. Овие кактуси потекнуваат од Бразил и таму може да се сретнат како "Flor de maio" (May Flower). Многу од модерните Празнични кактуси кои денес се одгледуваат, се хибриди помеѓу Schlumbergera truncata и Schlumbergera russelliana.

  • Christmas Cactus, (Schlumbergera bridgesii, Schlumbergera x buckleyi, Epiphyllum x buckleyi).
  • Thanksgiving Cactus, Yoke Cactus, Linkleaf Cactus, Crab Cactus, Claw Cactus, (Schlumbergera truncata, порано познат како Zygocactus truncatus).
  • Easter Cactus, (Rhipsalis gaertneri или Hatiora gaertneri - порано познат како Rhipsalidopsis gaertneri).

Schlumbergera truncata

Photobucket

Фамилија: Cactaceae
Род: Schlumbergera
Вид: S. truncata
Народно име: Thanksgiving Cactus, Holiday Cactus, Crab Cactus, Zygocactus
Синоним: Epiphyllum bridgesii, Epiphyllum ruckeri, Zygocactus delicatus, Schlumbergera truncata var. delicata, Epiphyllum delicatum, Zygocactus bridgesii, Epiphyllum ruckerianum, Epiphyllum truncatum var. bridgesii, Schlumbergera truncata var. altensteinii, Epiphyllum altensteinii, Zygocactus truncatus, Cactus truncatus, Epiphyllum truncatum, Zygocactus truncatus var. altensteinii, Schlumbergera bridgesii
Потекло: Бразил (Рио де Женеиро)
Боја на цветот: Розова, виолетова, црвена, портокалова, бледо жолта, бела...
Сезона на цветање: Ноември до февруари
Висина: 15-30 cm

Schlumbergera russelliana

Photobucket

Фамилија: Cactaceae
Род: Schlumbergera
Вид: S. russelliana
Синоним: Schlumbergera epiphylloides, Epiphyllum russellianum, Phyllocactus russelianus
Потекло:
Бразил (Рио де Женеиро)
Боја на цветот:
Розова, розево-виолетова
Сезона на цветање:
Ноември до февруари
Висина:
15-30 cm

Schlumbergera x buckleyi

Photobucket

Фамилија: Cactaceae
Род: Schlumbergera
Вид: S. x buckleyi
Народно име: Christmas Cactus
Синоним: Epiphyllum buckleyi
Потекло: хибрид на Schlumbergera russelliana и Schlumbergera truncata
Боја на цветот: Виолетова, црвена, бела
Сезона на цветање: Зима
Висина: 15-30 cm

Hatiora gaertneri 

Photobucket

Фамилија: Cactaceae
Род:
Hatiora
Вид:
H. gaertneri
Народно име:
Easter Cactus
Синоним:
Epiphyllopsis gaertneri, Epiphyllum russellianum var. gaertneri, Rhipsalis gaermeri, Schlumbergera gaertneri, Epiphyllum makoyanum, Rhipsalidopsis gaertneri, Epiphyllum gaertneri
Потекло:
Бразил
Боја на цветот:
Розова, црвена
Сезона на цветање:
Пролет
Висина:
30-45 cm

Празничните кактуси се одгледуваат во супстрат со добра дренажа. За разлика од другите, овие кактуси не сакаат сув супстрат, но не толерираат и постојано голема влажност и недостаток на вентилација. Во периодот кога може да се чуваат надвор, при високи температури треба да се полеваат на 2-3 дена. Доколку водухот е влажен полевањето треба да се врши еднаш неделно. Во текот на есента и зимата полевањето треба да биде помалку фреквентно.

Овие кактуси многу лесно се размножуваат, со едноставно одделување на еден сегмент од билката и негово засадување. Не сакаат многу директна изложеност на сонце и најдобро растат во индиректно осветлен простор.

Ова е период кога дел од Празничните кактуси цветаат. Можат да се сртнат со цветови во различни бои. Деновиве може да ги најдете и низ цвеќарниците и пазарите во Скопје. Сепак за да расцветаат потребно е таму некаде после октомври да се чуваат во осветлени простории во кои температурата се движи од 10-14 °C.

Празници се ближат, време е за подароци...еве Ви идеја што да им подарите на блиските!

Photobucket

Надворешен линк: Овде

12/13/2008

Бодликава спирала

Кактусот кој денес Ви го презентирам е сорта од овој вид произведена во расадник. Според изгледот може да се сретне со неколку различни имиња, како што се spiralis, varispiralis, spiraliforme.

Кактус на денот, 348 е...

Eulychnia castanea var. varispiralis

Photobucket

Фамилија: Cactaceae
Род: Eulychnia
Вид: E. castanea var. varispiralis
Народнo имe:
Синоними: Eulychnia castanea f. varispiralis, Eulychnia mostruosa v. spiraliforme, Eulychnia aurata f. monstrosa cristata, Eulychnia spiralis, Eulychnia varispiralis
Висина: до 4 m

Photobucket

Одгледување:
Толерира директно изложување на сонце и високи температури, но е чувствителен на смрзнување и не смее да се чува на места каде температурите паѓаат под 0°C. Се одгледува во супстрат со добра дренажа кој е препорачливо да се менува на 1-2 години во зависност од големината на билката, односно саксијата. Во зимскиот период не треба да биде изложен на температура под 0°C.

Размножување:
Се размножува со режење.

Надворешен линк: Овде

12/10/2008

Калеидоскоп

Денеска со Вас споделувам едно PowerPoint Slide Show на расцветани кактуси...доколку го симнете и отворите, ќе имате можност да уживате во 32 прекрасни фотографии на различни кактуси со цветови во различни бои, облици...

Photobucket

Фајлот може да го најдете овде.

12/09/2008

Квиз “Упс ама боли“

Квизовите се многу присутни на ТВ екраните и во најголем дел повеќе или помалку се слични еден со друг...сепак овој што бил прикажан на Vh1 барем по едно нешто бил целосно оригинален...“пуснете го клипчето“ и ќе видите за што станува збор.

12/08/2008

Monterey 2008

Преку овие фотографии Ве водам на Monterey Cactus & Succulent Sale and Show 2008...

Photobucket

Photobucket

Photobucket

Photobucket

Photobucket

...доколку сакате да видите што се друго можело да се види и купи таму, можете да направите подолга прошетка преку сите 97 фотографии.

12/06/2008

Змија

Ова змијовидно растение потекнува од Нигерија и источниот дел на Конго. Поради обликот на листовите, може да сретне како Snake plant или поради нивната острина како Mother-in-law's tongue, односно Свекрвин јазик, како што е познато и кај нас. Во Јапонија се нарекува Tigers Tail, во Бразил espada-de-são-jorge (sword-of-saint-george)...

Сукулент на денот, 341 е уште еден вид од родот Sanseveria...

Sansevieria trifasciata

Photobucket

Може да се сретнат повеќе форми на овој вид...на сликата тргнувајќи од горе-лево во правец на стрелките на часовникот, ги гледате Sansevieria trifasciata 'Black Coral', 'Laurentii' и 'Futura'.

Фамилија: Ruscaceae, Agavaceae
Род: Sansevieria
Вид: S. trifasciata
Народнo имe: Snake plant, Mother in law's tongue, Espada de São Jorge (Sword of Saint George), Espada de Santa Barbara (Sword of Saint Barbara)
Потекло: Тропскиот запад на Африка (од Нигерија до Конго)
Боја на цветот: Зеленкасто бела
Сезона на цветање: Пролет
Висина: 60-70 cm

Photobucket

Одгледување:
Sansevieria trifasciata е многу популарно собно растение поради тоа што толерира мала светлина и нередовно полевање. Во периодот кога расте треба да се полева еднаш на две недели, а во зимскиот период само еднаш на неколку месеци. Доколку се предозира со вода лесно може да му скапат корењата.

Photobucket

Photobucket

Размножување:
Се размножува во било кое време од годината со режење и одделување на израстоци.

Надворешен линк: Овде

Овој сукулент се користи и како филтер на воздухот бидејќи има тенденција да ги апсорбира отровните супстаници од него.

12/04/2008

Кактусот на David Bowie


Песнава David Bowie ја снимил и објавил во својот албум Heathen, а станува збор за песна на Американскиот бенд Pixies, која ја објавиле во својот албум Surfer Rosa...затоа во продолжение и нивниот Кактус...

Уживајте...убав ден!

12/03/2008

Девушка и кактус - секс возможен???

Барајќи информации поврзани со кактуси налетав на една руска страница за возрасни, а таму и на една многу екстремна комбинација...кактус и распалена девушка...насловот го презедов во оригинал...а дали гореспоменатата активност е возможна!? Доколку сте љубопитни и имате над 18 години, кликнете на девушката подолу...

Photobucket
 
Внимание! Страницата изобилува со еротски а богами и порнографски содржини, затоа внимавајте доколку кликате во присуство на мали деца или додека сте на работа!

11/28/2008

Сукулентна желка

...многу редок вид...идеална за одгледување како домашно милениче...освен што треба одвреме навреме да ја освежите со течности, не бара никакво посебно внимание...

Photobucket

11/26/2008

Dance of the cacti

Од извори кои инсистираа на својата анонимност добив ексклузивно видео од една луда журка на кактуси и други сукуленти...


П.С. Бидете стрпливи...журката почнува таму негде после 17ата секунда :-)

11/24/2008

Бејзбол палка

Оваа “бејзбол палка“ не е за играње бејзбол, ниту се користи за самоодбрана, тепање, демолирање и слични активности. Нејзината намена е да го разубавува просторот. Станува збор за Sansevieria hallii (Сансеверија хали), сукулент кој потекнува од Зимбабве. Поради тоа што листовите му личат на бејзбол палка, познат е и како Baseball Bat Sansevieria.

Сукулент на денот 329 е...

Sansevieria hallii

Photobucket

Фамилија: Ruscaceae
Род: Sansevieria
Вид: S. hallii
Народнo имe: Baseball Bat Sansevieria
Потекло: Зимбабве
Боја на цветот: Зелкансто бела
Сезона на цветање: Билките кои се чуваат во домашни услови ретко се случува да расцветаат. Цветот може да се види само кај билките кои се чуваат во стакленици.
Висина: Над 50 cm

Photobucket

Одгледување:
Може да издржи долго време без вода, препорачливо е да се одгледува во супстрат кој ќе овозможи добра дренажа. Директна изложеност на силно сонце може да доведе до оштетување на листовите. Освен полевање и пресадување кога саксијата ќе му стане мала, овој сукулент не бара некое посебно внимание. Во зима, во краток временски интервал може да толерира и температура до -6°C.

Photobucket

Размножување:
Најлесниот начин за размножување е со режење.
Надворешен линк: Кликнете овде

Освен основниот вид овој сукулент може да се сретне и во две други сорти, добиени со предизвикана мутација...

Sansevieria hallii 'Variegated'

Photobucket

Фамилија: Ruscaceae
Род: Sansevieria
Вид: S. Hallii 'Variegated'
Народнo имe: Baseball Bat Sansevieria
Висина: Над 15-30 cm

Sansevieria hallii 'Pink Bat'

Photobucket

Фамилија: Ruscaceae
Род: Sansevieria
Вид: S. Hallii 'Pink Bat'
Народнo имe: Baseball Bat Sansevieria
Висина: Над 15-30 cm

11/21/2008

Oд зора до самрак...

...сумирано во 26 секунди...фази низ кои поминуваат цветовите на еден кактус...

11/20/2008

Наследство

Еден ден се ќе биде на малиот...а до тогаш (ако сопственикот во меѓувреме не го пресади во друга саксија) ќе мора да остане во сенка(та) на неговиот родител...

Photobucket

11/17/2008

Необичен молив

Пред некое време Леонастефани ми испрати фотографија од еден од нејзините миленици за кој не знаеше како се вика...до пред некој ден кога случајно налетав на него, не знаев и јас...

...затоа денеска за Леонастефани и сите Вас, Сукулент на денот, 322 е...

Euphorbia tirucalli

Photobucket

Фамилија: Euphorbiaceae
Род: Euphorbia
Вид: E. tirucalli
Народнo имe: Indian Tree Spurge, Naked Lady, Pencil tree, Milk bush, Finger tree, Pencil Euphorbia, Rubber-hedge Euphorbia, Kraalmelkbos, Petroleum plant
Синоними: Euphorbia rhipsaloides, Euphorbia viminalis
Потекло: Тропските делови на источна и јужна Африка
Боја на цветот: Жолта
Сезона на цветање: Септември до декември
Висина: 3-5 m, но можат да се сретнат и примероци високи до 10 метри.

Photobucket

Одгледување:
Освен гранките кои личат на молив овој сукулент има и ситни ливчиња. Се одгледува на места целосно изложени на сонце, во супстрат кој овоможува добра дренажа бидејќи и овој сукулент не сака мокри нозе, особено не во зима. Минималната темератира на која е препорачливо да се чува во текот на зимата е 10°C, а во пократок временски интервал може да толерира и температура од -4°C.

Размножување:
Се размножува со режење на гранки од стеблото.

Надворешен линк: Овде


Латексот кој го содржи е отровен и може да предизвика иритација на кожата и очите. Може дури да биде и фатален ако се проголта поголема количина...затоа не си играјте! :-) Во традиционалната медицина се користи како лек за сексуална импотенција и како противотров при каснување од змија.

Од овој сукулент може да се произведува и биогориво и затоа може да се сретне и како Petroleum plant.

Во продолжение две фотографии од моливот на Леонастефани...

Photobucket

Photobucket

11/15/2008

Колекцијата на Тивериопол

И денеска Вашите кактуси и сукуленти се во мојата КАКТУСАРНИЦА. Пред некој ден Тивериопол ми испрати фотографии од неговата, како што тој вика скромна збирка, но јас би рекол дека станува збор за една многу интересна и убава за око збирка...

Photobucket

Photobucket

Photobucket

Photobucket

Photobucket

Photobucket

Благодарам Тивериопол!

11/12/2008

Пустинска рoза

Ова мало дрво е познато како Mock Azalea, Impala Lily, Sabi Star, Kudu или Desert-rose. Потекнува од Источна Африка и Јужна Арабија, од регионите каде има чести врнежи во текот на летото, но е и многу суво во текот на зима.

Сукулент на денот 317 е...

Adenium obesum

Photobucket

Фамилија: Apocynaceae
Род: Adenium
Вид: A. obesum
Народнo имe: Sabi Star, Kudu, Desert-rose
Синоним/и:
Потекло: Источна Африка и Јужна Арабија
Боја на цветот: Црвена/розева
Сезона на цветање: Пролет и по вторпат во септември
Висина: до 1,5 m

Одгледување:
Супстратот во кој се одгледува и полевањето е исто како и кај кактусите. Помеѓу две полевања супстратот треба да се исуши. Во зимските месеци само повремено треба да се полева со мала количина на вода. На почетокот на зимата, (освен ако се чува во идеални услови), му паѓаат листовите. Минималната температура на која треба да се чува во текот на зимата е 10°C.

Размножување:
Се размножува со семе или со режење...најдобро време за тоа и во двата случаи е пролет.

Надворешен линк: Овде

Внимание! Сите делови на Пустинската роза се отровни.

11/10/2008

Стаклена градина

Ако сакате да имате своја стаклена градина, еве ви идеја како да си ја направите...

Photobucket

11/08/2008

Млади дечки

Се сеќавате ли на бебињата кактуси? Ако после еден месец почнаа да ги покажуваат првите боцки, сега после четири месеци тие веќе се млади дечки кои пројавуваат желба и да боцкаат.

Photobucket

Во меѓувреме пред повеќе од еден месец, бидејќи на површината на супстратот во кој ги посеав покрај нив почна да се развива и друга зелена култура, направив уште еден експеримент...во таа фаза ги пресадив во друг супстрат. Операцијата ја извршив со пинцета и можам да кажам дека заврши многу успешно...жртви беа само неколку од нив...во моментов ги има осумдесетина и сите добро напредуваат.

Супстратот во кој сега растат е оној класичен кој го користам за сите кактуси и сукуленти. Садот е од сладолед...од капакот е исечен средниот дел, а за да биде затворен просторот и воедно да има повеќе воздух внатре, со него е прицврстена најлон кеса.

Photobucket

11/07/2008

Голем избор

Кактуси и сукуленти во Плантас! 

Има голем избор (барем вчера имаше), со одличен квалитет...малите примероци можат да се купат за 70 денари, а поголемите за 250 денари.

Може да најдете и голем избор на Каландива (хибрид на Kalanchoe blossfeldiana)

Навалете! :-)

Photobucket

11/05/2008

Секси комбинација

Овој млад љубител на кактуси преку нив креативно си се изразил и содржински си го збогатил дворот...

Photobucket

11/03/2008

Календар за кактусари/ки: Ноември-Декември

Во овој период од годината кактусите и другите сукуленти би требало веќе да бидат во затворен простор, подготвени за зимски сон. Но бидејќи времето се поремети и надвор преку ден има пролетни температури, а и ноќните не се ризично ниски, дел од моите билки се сеуште надвор. Доколку и Вашите сеуште ги чувате надвор, внимавајте на ноќните температури!

Photobucket

Доколку ги чувате билките во подрум, пред да ги сместите таму, треба да искречите, за да ги уништите сите габички кои можат да се пренесат на билките. Не знам зошто, но имам прочитано дека никогаш не смеат во истата просторија да бидат кактуси и компири!?

За кактусите и сукулентите кои се сместени во суви и ладни простории, потребна е само минимална нега. Еднаш неделно може да ги прегледате и доколку воочите некој трулеж, треба веднаш да го отсечете заразениот дел. Таквата билка треба да ја пренесте во топла просторија додека не се залечи раната.

Ова е период кога може да се направи скратување на корењата...извадете ги билките од сакасиите, исчистете го супстратот, скратете ги корењата и оставете ги неколку денови да зараснат раните. Следно што треба да направите е да ги наместите така што ќе внимавате жилите на корењата да не бидат свиткани и да ги пренесете на местото каде што ќе останат до пролет. Секоја билка посебно можете да ја завиткате во хартија и така да ги сместите во некоја кутија, куфер или сл.

Извор: Gajenje kaktusa - Fleischer/Schütz
Related Posts Plugin for WordPress, Blogger...