4/25/2012

Црвеникава боцкава круша

Opuntia rufida (Опунција руфида) е кактус кој потекнува од делови на Мексико и САД. Понекогаш може да се сретне како сорта на Opuntia microdasys, под името Opuntia microdasys var. rufida. Името му е изведено од латинскиот збор “rufus“ кој во превод значи “црвеникав“. Поради тоа што се верува дека неговите ситни боцки (кои при дување на ветар или удар лесно се одделуваат од него) може да предизвикаат слепило кај животните, меѓу народот е познат и како Blind Prickly Pear, Blind Pear или Cow blinder.

Кактус на денот 116/12 е...

Opuntia rufida

Photobucket

Фамилија: Cactaceae
Род: Ountia
Вид: O. rufida
Народнo имe: Blind Prickly Pear, Blind Pear, Cow blinder, Rufida Cactus, Cactus Red Bunny Ears, Cinnamon Bunny Ears, Cinnamon Pear, Clock Face Cactus, Nopal Cegador, Nopalillo Cegador, Nopal Rojizo, Fuchsrote, Fuchsrote Opuntie, Fuchsroter, Fuchsroter Feigenkaktus
Синоними: Opuntia herfeldtii, Opuntia lubrica
Потекло: Мексико (Coahuila и Chihuahua) и САД (Тексас)
Боја на цветот: Светло жолта до портокалова
Сезона на цветање: Средина на пролет
Висина: до 1,5 m
Ширина: до 1,8 m

Photobucket

Одгледување
Се одгледува во супстрат со добра дренажа. Најдобро место за неговото одгледување е отворен простор изложен на сонце. Толерира суша. Во периодот кога расте се полева редовно. Помеѓу две полевања, супстратот треба добро да се исуши. Во зима се полева само доколку се примети појава на брчки по него. Во тој период, во услови на сув студ и сув супстрат, во краток временски период може да толерира и температури до -8°C. Сепак не се препорачува негово изложување на температури под 0°C.

Photobucket

Размножување:
Сe размножува со режење и со семе.

Надворешен линк: Овде

Освен во основниот вид, овој кактус може да се сретне и во некои други форми, како што е...

Opuntia rufida f. dwarf

Photobucket

Фамилија: Cactaceae
Род: Ountia
Вид: O. rufida f. dwarf
Народнo имe: Desert Gem
Синоними: Opuntia rufida var. minor, Opuntia microdasys var. rufida f. monstruosa
Висина: 15 - 30 cm

Овде е патот кој води до едно Слатко срце. Него, заедно со уште 115 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.
Opuntia rufida

КАКТУСАРНИЦА фото на денот

Photobucket

4/20/2012

Тоалетна масичка

Сте го освежиле просторот дома со нов мебел и не знаете што да правите и како да се ослободите од стариот?

Photobucket

Не го фрлајте! Дајте му нов живот и разубавете со него некој друг дел од вашиот дом!

Photobucket

Детални инструкции како да го напрвите тоа и повеќе фотографии, може да најдете овде.

КАКТУСАРНИЦА фото на денот

Photobucket

4/06/2012

Слатко срце

Hoya kerrii (Хоја кери) е интересно растение со сукулентни листови кои се во форма на срце. Потекнува од југо-источниот дел на Азија. Името го носи во чест на Arthur Francis George Kerr, британски собирач на растенија и автор на книги од областа на ботаниката. Поради обликот на листовите, ова растение често се нарекува и Sweetheart Hoya или Lucky-heart. Неговите листови се и причина во Европа најмногу да се продава за Свети Валентин.

Сукулент на денот 97/12 е...

Hoya kerrii

Photobucket

Фамилија: Apocynaceae
Род: Hoya
Вид: H. kerrii
Народнo имe: Wax Hearts, Sweetheart Hoya, Valentine Hoya, Sweetheart Plant, Wax Plant, Porcelain Flower, Heart leaf, Lucky-heart, Heart-Shaped Hoya
Потекло: Јужна Кина, Виетнам, Лаос, Камбоџа, Тајланд и островот Јава во Индонезија
Боја на цветот: Бела со виолетово-кафеава круна
Сезона на цветање: Лето
Висина: до 4 m

Photobucket

Одгледување:
Се одгледува на места кои се целосно или делумно изложени на сонце. Може да се одгледува и на места кои се во блага сенка. Супстратот во кој е засаден, треба да биде средно порозен. Има просечна потреба за вода. Се полева редовно, а притоа треба да се обезбеди вишокот на вода да се исцеди од супстратот. Помеѓу две полевања супстратот се остава да се исуши. Просечната температура на која се препорачува да се чува во зимскиот период е околу 10 °C. Треба да се избегнува негово изложување на температури под 4,5 °C.

Photobucket

Размножување:
Се размножува со семе и со режење на стебло или лист (се одрежува заедно со мал дел од стеблото)

Надворешен линк: Овде

Освен во основниот вид, ова Слатко срце може да се сретне и во уште една друга сорта...

Hoya kerrii 'Variegata'

Photobucket

Фамилија: Apocynaceae
Род: Hoya
Вид: H. kerrii 'Variegata'
Народнo имe: Wax Hearts, Sweetheart Hoya, Valentine Hoya, Wax Plant, Porcelain Flower
Боја на цветот: Бела со виолетово-кафеава круна
Сезона на цветање: Лето
Висина: 2,4 - 3 m

Овде можете да откриете една Боливиско-аргентинска грмушка. Неа, заедно со уште 114 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

КАКТУСАРНИЦА фото на денот

Photobucket
Related Posts Plugin for WordPress, Blogger...