1/29/2011

Виетнамки

Во мојата колекција на поштенски марки со кактуси и сукуленти, вечерва додавам уште седум издадени во Виетнам...

PhotobucketPhotobucket
PhotobucketPhotobucket
PhotobucketPhotobucket
Photobucket

Ако имате некоја слична на овие, може да се менуваме :-), особено ако ја имате марката која била издадена во 1986 од поштата на тогашна Југославија, со голем Cereus во средината.

КАКТУСАРНИЦА фото на денот

Photobucket

1/28/2011

Текила

Текила е мексикански национален алкохолен пијалок. Како се пие, претпоставувам дека повеќето од вас знаат, но бројот на тие кои знаат како и од што се прави е веројатно многу помал.

Photobucket

Текила се добива од сукулент од родот Agave, поточно од видот Agave tequilana, кој е познат и како blue agave, tequila agave, mezcal или maguey. Повеќе за процесот на правење на текилата, може да дознаете ако го погледнете видеото...

КАКТУСАРНИЦА фото на денот

Photobucket

1/27/2011

Морска ѕвезда

Сукулентите од родот Stapelia (околу 40 видови) мегу кои е и Stapelia variegata (Стапелија вариегата), се препознатливи по атрактивноста на нивните цветови. Со својот изглед тие едноставно мамат да биде помирисани. Ако го направите тоа, ќе се соочите со еден малку непријатен (на расипано месо) мирис.

Препорака: гледајте, но не мирисајте! Оваа недела, во убавината на цветовите на различни видови од родот Stapelia, освен преку овој запис може да уживате и гледајќи ги во рубриката КАКТУСАРНИЦА Фото на денот...нив слободно може и да ги помирисате! :-)

Сукулент на денот 17/11 е...

Stapelia variegata

Photobucket

кој беше и Сукулент на денот 145/09.

Фамилија: Apocynaceae
Род: Stapelia
Вид: S. variegata
Народнo имe: Starfish Plant, Starfish Cactus, Carrion cactus, Carrion flower, Toad Cactus, Toad Plant
Синоними: Orbea variegata, Stisseria variegata
Потекло: Јужна Африка
Боја на цветот: Црвеникаво-костенлива/виолетово-кафеава
Сезона на цветање: Крај на лето или есен
Висина: до 30 cm

Photobucket

Одгледување:
Овој сукулент е многу лесен за одгледување, идеален е за почетници. Се одгледува на места директно изложени на сонце или во блага сенка, во супстрат со добра дренажа. Во сезоната кога расте се полева редовно, а во текот на зимата супстратот се одржува сув. Отпорен е на високи температури. Толерира и прилично ниски температури, дури и благо смрзнување доколку билката е во добра кондиција.

Размножување:
Претежно се размножува со режење. Семето изртува само доколку се засее додека е свежо.

Photobucket

Надворешен линк: Овде

КАКТУСАРНИЦА фото на денот

Photobucket

1/26/2011

Разгледница од Тренто

Во средината на овој месец поминав неколку дена во северниот дел на Италија, поточно во Тренто и неколку други помали места во неговата околина.

Photobucket

При една од прошетките низ градот, наидовме на овие кактуси кои беа поставени пред еден мексикански ресторан во Тренто. Признавам дека не се баш карактеритични за тој дел од Италија, но се надевам дека ќе имате разбирање зошто токму тие се дел од мојата разгледница од Тренто. :-)

КАКТУСАРНИЦА фото на денот

Photobucket

1/24/2011

Пејоти

Пејоти (Peyote) или Lophophora williamsii (Лофофора вилијамси) е кактус кој со векови се користи поради психоделичните ефекти кои ги предизвикува при неговото конзумирање. Од цветовите на кактусот понекогаш се развиваат розеви овошки, кои личат на феферонки и имаат сладок вкус. Растението има мали, црни семки на кои им треба влажност и топлина за да изртат. Токму тоа е една од главните причини зошто овој кактус се поретко може да се најде на своите природни наоѓалишта. Нивниот број се намалува и поради нивната комерцијална експлоатација. Пејоти содржи многу типови на фенетиламин алкалоиди, од кои најзастапен е мескалинот. Сите видови од родот Lophophora во природа растат многу споро, често им се потребни и до триесет години додека да почнат да цветаат (до тој момент без коренот имаат големина колку едно топче за голф).

Оние видови кои ги одгледуваат луѓето растат значително побрзо. Вообичаено им се потребни шест до десет години од никнувањето додека да ги дадат првите цветови. Поради многу спориот раст на Пејоти и прекумерното берење, се смета дека постои опасност од истребување на овој кактус.

Пејоти е и тема на есејот "Врати на перцепција (The Doors of Perception)" од Aldous Huxley. Токму овој есеј го инспирирал Jim Morrison да и го даде името на својата група The Doors.

Кактус на денот 24/11 е...

Lophophora williamsii

Photobucket

кој беше и Кактус на денот 138/09.

Фамилија: Cactaceae
Род: Lophophora
Вид: L. williamsii
Народнo имe: Peyote, Mescal Button, Dumpling Cactus, Peyotl, Jiculi
Синоними: Echinocactus lewinii, Lophophora williamsii var. lutea, Echinocactus williamsii var. luteus, Mammillaria lewinii, Lophophora williamsii var. lewinii, Lophophora lewinii, Anhalonium lewinii, Lophophora jourdaniana, Lophophora diffusa ssp. fricii, Peyotl zacatensis var. fricii, Lophophora fricii, Lophophora williamsii var. echinata, Lophophora echinata, Lophophora lutea, Mammillaria williamsii, Anhalonium williamsii, Lophophora williamsii var. fricii
Потекло: Тексас и Ново Мексико во САД и централниот дел на Мексико
Боја на цветот: Розева
Сезона на цветање: Мај до Септември
Висина: до 6 cm
Дијаметар: до 12 cm

Photobucket

Одгледување:
Пејоти е мал кактус без стебло, кој расте добро во секој супстрат со добра дренажа. Се одгледува на места кои се директно изложени на сонце. Освен во зимскиот период, бара редовно полевање. Притоа супстратот се остава целосно да се исуши помеѓу две полевања. Минималната температура на која е препорачливо да се чува во текот на зимата е 8 °C, а во краток временски интервал може да толерира и пониски температури.

Photobucket

Размножување:
Се размножува со семе и од израстоци.

Надворешен линк: Oвде

Освен во основниот вид, Пејоти може да се сретне и во повеќе други сорти и форми...

Lophophora williamsii var. caespitosa

Photobucket

Фамилија: Cactaceae
Род: Lophophora
Вид: L. williamsii var. caespitosa
Народнo имe: Peyote, Mescal Button, Dumpling Cactus
Синоними: Lophophora williamsii f. caespitosa
Сезона на цветање: Пролет до есен
Висина: до 15 cm

Lophophora williamsii f. cristata

Photobucket

Фамилија: Cactaceae
Род: Lophophora
Вид: L. williamsii f. cristata
Народнo имe: Crested peyote, Crested Lophophora
Висина: до 15 cm

Lophophora williamsii var. texana

Photobucket

Фамилија: Cactaceae
Род: Lophophora
Вид: L. williamsii var. texana
Народнo имe: Peyote, Mescal Button, Dumpling Cactus
Синоними: Lophophora williamsii f. texana, Lophophora williamsii subsp. texensis
Боја на цветот: Розева, светло розева
Сезона на цветање: Пролет до есен
Висина: до 15 cm

Lophophora williamsii f. variegata

Photobucket

Фамилија: Cactaceae
Род: Lophophora
Вид: L. williamsii f. variegata
Народнo имe: Peyote, Mescal Button, Dumpling Cactus
Сезона на цветање: Пролет до есен
Висина: до 15 cm

<a href="http://s281.photobucket.com/albums/kk221/KAKTUSARNICA/?action=view&amp;current=LophophorawilliamsiivartexanaSmall.jpg" target="_blank"><img src="http://i281.photobucket.com/albums/kk221/KAKTUSARNICA/LophophorawilliamsiivartexanaSmall.jpg" border="0" alt="Photobucket"></a>

КАКТУСАРНИЦА фото на денот

Photobucket

1/21/2011

Живи прозорци

Голем број на сукуленти кои потекнуваат од Јужна Африка (Lithops и Haworthia), за да ја избегнат убиствената пустинска жештина, речиси целосно растат под земја. Тие имаат развиено специјални листови кои растат под површината на земјата и имаат мазни врвови кои се речиси целосно провидни (прозорци). Само тие се во допир со атмосферата и најчество се во линија со нивото на земјата.

Ова овозможува билките да го ублажат ефектот на високите температури и долготрајните суши во пустината.


На фотографијата подолу може да видите како овие два сукуленти Haworthia emelyae v. comptoniana и Lithops salicola изгледаат во надолжен пресек.

Photobucket

КАКТУСАРНИЦА фото на денот

Photobucket

1/20/2011

Долга брадавица

Родот Mammillaria е еден од најбројните (171 видови и сорти) во фамилијата кактуси (Cactaceae). Повеќето видови, меѓу кои и Mammillaria longimamma (Мамиларија лонгимама), потекнуваат од Мексико. Името на овој кактус произлегува од латинскиот јазик, "longus - долг/а" и "mamilla - брадавица".

Кактус на денот 20/11 е…

Mammillaria longimamma

Photobucket
кој беше и Кактус на денот 103/09.

Фамилија: Cactaceae
Род: Mammillaria
Вид: M. longimamma
Народни имиња: Nipple Cactus, Finger Mound, Peyotillo
Синоними: Dolichothele uberiformis, Mammillaria longimamma var. uberiformis, Dolichothele longimamma ssp. uberiformis, Cactus uberiformis, Mammillaria longimamma, Mammillaria uberiformis, Neomammillaria uberiformis, Cactus alpinus, Mammillaria alpina, Neomammillaria longimamma, Cactus longimamma, Dolichothele longimamma, Mammillaria laeta
Потекло: Мексико, Тексас
Боја на цветот: Светло жолта
Сезона на цветање: Мај до Јули
Висина: до 15 cm

Photobucket
Одгледување:
Бидејќи има голем корен, овој кактус се одгледува во подлабоки саксии, во супстрат со многу добра дренажа, на места директно изложени на сонце или во блага сенка. Во периодот на активно растење се полева редовно, но внимателно, бидејќи и тој како и другите кактуси, не сака “мокри нозе“. Во зима ако се чува на температура од околу 10 °C, супстратот се остава сув. Билките кои се чуваат на собна температура треба да се полеваат повремено (еднаш месечно) со мала количина на вода. Минималната температура која овој кактус во краток временски интервал може да ја толерира е -5 °C.

Photobucket

Размножување:
Се размножува со семе и од израстоци.

Надворешен линк: Oвде

Освен основниот вид, може да се сретнат и други сорти и форми на овој кактус...

Mammillaria longimamma var. uberiformis

Photobucket

Род: Mammillaria
Вид: M. longimamma var. uberiformis
Синоними: Dolichothele uberiformis, Dolichothele longimamma subsp. uberiformis, Cactus uberiformis, Mammillaria uberiformis, Neomammillaria uberiformis
Висина: до 15 cm

Mammillaria longimamma f. cristata

Photobucket

Фамилија: Cactaceae
Род:
Mammillaria
Вид: M. longimamma f. cristata
Боја на цветот:
Светло жолта
Сезона на цветање:
Мај до jули

КАКТУСАРНИЦА фото на денот

Photobucket

1/19/2011

Дополнително осветлување

Од условите во кои се одгледуваат кактусите и другите сукуленти, зависи дали тие нормално ќе се развиваат или ќе стагнираат. Најважен фактор за нивниот раст е адекватната светлина.

За собните кактуси, најмалата количина на светлина која се препорачува е 150 вати на метар квадратен. Флуо-цевките треба да бидат оддалечени од 25 до 30 cm од врвот на билката. Ако користите сијалици со висок интензитет, треба да ги оддалечите во сразмер со јачината. Билките растат подобро ако (во зависност од годишното време) дневната светлина е помалку или повеќе константна. Користете тајмер подесен на 12 до 18 часа дневно. Најголемиот дел од билките најдобро се развиваат доколку светло-темниот период одговара на нивното природно опкружување. Кога користите вештачко осветлување, светлината со рефлектори треба да ја насочите кон билките. Билките треба да се ротираат (свртуваат) на секои две недели, за да бидат рамномерно осветлени. Кактусите, како и повеќето други билки, се осетливи на одредени фреквенции (бои) на светлината, особено на син и црвен спектар. Најдобри резултати се постигнуваат со користење на grow-light или metal-halide цевки. Овие цевки произведуваат повеќе светлина која им одговара на билките. Metal-halide осветлувањето дава и топлина и UV зрачење кои кактусите ги сакаат.

Photobucket

Светлината е извор на енергија која им е потребна на билките да произвдуваат храна. Осветлувањето се изразува во фут-кандела (foot-candel, ft-c) според англо-саксонските мерни единици, односно во лукс (lux) во SI метричкиот систем. Внатрешноста на добро осветлена просторија, обично е помалку од 100 ft-c, додека светлината на еден сочев ден е повеќе од 10.000 ft-c. Билките имаат различни потреби за светлина. Собните билки се делат според количината која им е потребна за раст:
  • Ниска (најмалку 100 ft-c, 150 до 200 за добар раст ≈ 1.500 до 2.000 лукса)
  • Средна (најмалку 100 до 150 ft-c, 200 до 500 за добар раст ≈ 2.000 до 5.000 лукса)
  • Висока (најмалку 150 до 1.000 ft-c, 500 до 1.000 за добар раст ≈ 5.000 до 10.000 лукса)
  • Многу висока (најмалку 1.000 ft-c, односно повеќе од 10.000 лукса).
Foot-candle не е SI мерка, но сеуште се користи во САД, Велика Британија и нејзините бивши колонии. Околу 100 ft-c во текот на 12 часа дневно на билката и е потребно за раст во текот на целата година, а најмалку 200 ft-c во текот на 12 часа дневно за билките да ги искористат хранливите материи. За планиран раст на билките е важна јачината на светлината. Мерната единица lux претставува количник од осветлувањето (lumen) и осветлената површина (lux = lm/m²). Ако како мерка за јачина на осветлувањето користиме lux, вредноста изразена во ft-c треба да се помножи со 10,764 (за полесно пресметување ≈10).

За полесна ориентација и одредување колку светлина им е потребна на билките, еве неколку параметри:
  • Полна дневна светлина над 10.760 lux
  • Утринска светлина 10.760 lux
  • Осветлена соба 3.500 lux
  • Прозор свртен на север 2.000 lux.
Вештачкото осветлување се користи да ја замени или дополни природната светлина. Многу собни билки растат добро под вештачка светлина од флуо-цевки и други специјални ламби и сијалици. Понудата на вакви разноразни ламби е широка. Philips прави ламби под називот "Agro-Lite" , кои се помала варијанта на Gro-Lux (ламба со широк спектар на светлина). На пример, цевките на Philips овозможуваат од 2 до 10 % поголем раст, отколку што овозможуваат други слични решенија (тврдат дека експериментите се потврдени во нивните лаборатории).

Photobucket

Генерално, обичните сијалици и флуо-цевките не се препорачуваат за билки. Ефектот не е потполн и доаѓа до деформација на билките (обично се издолжуваат). Недостатокот на светлина може да се надокнади со продолжување на времето на изложување на вештачка светлина. Шеснаесет часа светлина (8 часа мрак) е доволна за повеќето билки. Пожелно е користење на тајмер за добивање на дневен циклус кој ќе им одговара на билките.

Бидејќи цветањето на многу тропски кактуси (кактуси на кои им е потребно малку светлина) директно зависи од должината на денот, на билките кои растат под вештачка светлина во текот на зимата треба да им се намали времето на осветлување. Тајмерот треба да се подеси, така што ќе бидат во мрак и повеќе од 12 часа дневно. Во спротивно кактусите нема да цветаат.

Извор: CactusInfo

КАКТУСАРНИЦА фото на денот

Photobucket

1/18/2011

Кактусите и сукулентите во јануари

Јануари е месец кога кактусите треба да бидат во мирување. Ако ги чувате во ладна просторија, треба да внимавате температурата да не падне под критичната точка, која за најголем дел од нив се движи од 3 до 5°C.

Кај кактусите и сукулентите кои се чуваат во топли простории постои поголема опасност од напад на разни штетници. Во таков случај треба ведаш да се делува и штетниците да се уништат.

Билките кои се прилагодени на потопли услови, како и кактусите и сукулентите кои растат и цветаат во зима, треба да бидат во топла средина, а супстратот да се одржува умерено влажен.

Повеќе може да прочитате во Календар за кактусар(к)и.

КАКТУСАРНИЦА фото на денот

Photobucket

1/17/2011

Палма од Мадагаскар

Иако наликува и на кактус и на палма, Pachypodium lamerei (Пахиподиум ламери) не е ниту едното, ниту другото. Станува збор за атрактивен сукулент со големи боцки и листови кои ги има претежно само на врвот. Потекнува од Мадагаскар и е еден од најпознатите видови од родот Pachypodium. Кај народот е познат и често може да се сретне како Madagascar Palm.

Сукулент на денот 17/11 е...

Pachypodium lamerei

Photobucket

кој беше и Сукулент на денот 129/09.

Фамилија: Apocynaceae
Род: Pachypodium
Вид: P. lamerei
Народни имиња: Madagascar Palm, Club Foot
Синоними: Pachypodium ramosum, Pachypodium menabeum, Pachypodium champenoisianum, Pachypodium rutenbergianum f. lamerei
Потекло: Мадагаскар
Боја на цветот: Бела (цветаат само постарите билки кои достигнале височина до 1.8 m или повеќе)
Сезона на цветање: Од рана пролет до рана есен
Висина: до 2,4 m
Дијаметар: до 30 cm

Photobucket

Одгледување:
Овој сукулент е релативно лесен за одгледување, како во надворешни услови, така и во собни услови. Годишниот прираст му е околу 10 cm. Во зима му паѓаат листовите, освен ако е во многу топли области/средини. Се одгледува во супстрат за кактуси со добра дренажа, на места изложени на директно сонце или во блага сенка. Бара редовно полевање во периодот кога има листови. Има зачудувачки регеративни способности. Кај поголемите билки со сечење на врвот може да се стимулира негово разгранување. Препорачливо е да се пресадува на секои 3 години.

Размножување:
Се размножува со семе, со одделување на мали израстоци кои израснуваат во основата на старата билка и со одрежување на врвот.

Photobucket

Надворешен линк: Oвде

Освен во основниот вид, овој сукулент може да се сретне и во неколку други сорти и форми...

Pachypodium lamerei 'Variegata'

Photobucket

Фамилија: Apocynaceae
Род: Pachypodium
Вид: P. lamerei 'Variegata'
Народни имиња: Madagascar Palm
Боја на цветот: Бела
Висина: 15-45 cm

Pachypodium lamerei f. cristata

Photobucket

Фамилија: Apocynaceae
Род: Pachypodium
Вид: P. lamerei f. cristata
Народни имиња: Crested Madagascar Palm, Crested Club Foot

Pachypodium lamerei f. inermis

Photobucket

Фамилија: Apocynaceae
Род: Pachypodium
Вид: P. lamerei f. inermis

Pachypodium lamerei f. mostruosa

Photobucket

Фамилија: Apocynaceae
Род: Pachypodium
Вид: P. lamerei f. mostruosa
Народни имиња: Madagascar Palm, Club Foot
Висина: 0,5 - 2,5 m
Related Posts Plugin for WordPress, Blogger...