4/29/2010

Нега на балконските и на собните цвеќиња

Вчера налетав на интересно четиво за нега на балконските и собните цвеќиња. Голем дел од работите кои ќе ги прочитате во него може да ви бидат од корист и при одгледување на кактуси и сукуленти.

Текстот бил објавен во 2006 година во Дневник и овде ви пренесувам дел од него.

Photobucket

Ако во станот немате балкони, не треба да се одречете од одгледување летни цветни украси. Потребна е само доволно широка прозорска штица за поставување саксии со украсни билки. Ако таа не е доволно широка, може да се купат разни видови држачи за саксии. Саксиите за садење на билките може да бидат од различен материјал: пластика, дрво и теракот...

Полевање на билките - За полевање на билките никогаш не треба да употребувате ладна вода од водовод. Тоа се однесува и за балконските билки и за собните растенија. Секогаш имајте отстоена вода.

Секоја билка за да биде украсна треба да е здрава и со буен раст. Затоа треба да и се обезбеди доволно храна. Најдобро е да употребувате течно гноиво, богато со фосфор. Во зависност од видот на билката, прехраната треба да се врши седмично или на секои осум до десет дена. Важно е кога се става течното ѓубре, земјата да биде влажна. Значи најдобро е да прихранувате по полевањето...

Полевање на растенијата - Полевањето разни растенија е различно во зависност од сезоната и од условите во кои егзистираат. Во зимскиот период, кога вегетацијата на билките е намалена, полевањето може да се врши од еден до трипати месечно. Лете се полева и до трипати неделно во зависност од местоположбата и од транспирацијата на билката.

Запомнете: Ако листовите почнат да се виткаат и да стануваат жолтеникави, цветот брзо венее или ги испушта латиците, ако старите листови почнат обилно да паѓаат или ако почетокот на новите листови гнијат, тоа е знак дека на растението му недостига вода. Ако забележите дека листовите пожолтуваат, а врвовите се сушат, младите и старите листови паѓаат истовремено, цветот не се отвора доволно - преобилно го залевате растението. Но, ако листовите се зелени, но краевите се сушат и стануваат кафеави - воздухот во кои егзистираат растенијата е сув.

Текстот во целост може да го прочитате овде.

КАКТУСАРНИЦА фото на денот

Photobucket

4/28/2010

Страници

Календар за кактусари(к)и со информации кои се карактеристични за секој месец во годината, како и предходно обајвени записи кои како Корисно четиво ви го препорачувам да ги прочитате доколку одгледувате кактуси и сукуленти, може наједноставно да ги најдете преку страниците погоре со истите наслови.

Кога сте веќе таму, учествувате и во Анкетата на КАКТУСАРНИЦА. :-)

Photobucket

КАКТУСАРНИЦА фото на денот

Photobucket

4/27/2010

Јужноафриканска пирамида

Кога ќе се спомнат пирамиди, најчесто се помислува на пирамидите во Египет. Освен овие, една малку поинаква пирамида може да се сретне и во Јужна Африка. Таа сукулентна пирамида е Crassula pyramidalis (Красула пирамидалис).

Сукулент на денот 117/10 е...

Crassula pyramidalis

Photobucket

Фамилија: Crassulaceae
Род: Crassula
Вид: C. pyramidalis
Народнo имe: Pagoda Mini Jade
Потекло: Јужна Африка
Боја на цветот: Бела
Сезона на цветање: Средина на пролет до лето (за жал билките умираат после цветањето)
Висина: до 10-25 cm
Дијаметар: до 20-50 cm

Photobucket

Одгледување
Овој сукулент генерално се одгледува во блага сенка, но може да се одгледува и на места изложени на директно сонце, во супстрат кој има добра дренажа. Во периодот кога расте се полева редовно, но со умерени количини на вода. Помеѓу две полевања препорачливо е супстратот да се остави да се исуши. Во зима се полева само повремено.

Размножување:
Со семе и режење на гранки.

Photobucket

Надворешен линк: Овде
Фамилија: Crassulaceae
Род: Crassula
Вид: C. Ovata
Народнo имe: Jade Plant, Jade Tree, Money Plant, Money Tree, Dollar Plant, Dollar Tree
Синоними: Crassula argentea, Crassula portulacea, Crassula obliqua
Потекло: Јужна Африка (Источен ‘рт)
Боја на цветот: Розева
Сезона на цветање: Средина на зима
Висина: до 1,2-1,8 m
Дијаметар: до 60-90 cm

КАКТУСАРНИЦА фото на денот

Photobucket

4/26/2010

Вонземјани

Многу луѓе знаат да кажат и во многу текстови може да се прочита дека кактусите делуваат вонпланетарно...верувам дека после оваа фотографија ви е многу појасно зошто е тоа така. :-)

Photobucket

КАКТУСАРНИЦА фото на денот

Photobucket

4/25/2010

Стар велосипед

Старите работи кои ги имате по дома може да ги искористите и да ги претворите во атрактивни саксии за вашите сукулентни билки. Еве како стариот велосипед да го претворите во една таква уникатна саксија...

Photobucket

КАКТУСАРНИЦА фото на денот

Photobucket

4/23/2010

Трик со парче стиропор

Доколку немате соодветен алат и заштитни средства, еве ви уште еден трик како да пресадите кактус а притоа да не се избоцкате...

Photobucket

Слични трикови:
Парче сунѓер и нема боцкање
Старите добри весници

КАКТУСАРНИЦА фото на денот

Photobucket

4/22/2010

Дрво на парите

Crassula ovata (Красула овата) е сукулент кој е познат како Долар дрво, поради неговите меснати и заоблени листови кои потсетуваат на некогашните кованици од еден долар. Познат е и како Дрво на парите, поради верувањето дека има магична моќ да ги привлече парите.

Сукулент на денот 112/10 е...

Crassula ovata

Photobucket

Фамилија: Crassulaceae
Род: Crassula
Вид: C. ovata
Народнo имe: Jade Plant, Jade Tree, Money Plant, Money Tree, Dollar Plant, Dollar Tree
Синоними: Crassula argentea, Crassula portulacea, Crassula obliqua
Потекло: Јужна Африка (Источен 'рт)
Боја на цветот: Розева
Сезона на цветање: Средина на зима
Висина: до 1,2-1,8 m
Дијаметар: до 60-90 cm

Photobucket

Одгледување
Се одгледува на директно сонце или во блага сенка, во супстрат со добра дренажа. Премногу силно сонце може да доведе до оштетување (изгореници) на листовите. Во периодот кога расте треба да се полева редовно со умерена количина на вода. Помеѓу две полевања супстратот треба да се остави да се исуши. Во зима се полева многу малку или воопшто не се полева доколку е во простории со пониска темература. Премногу вода може да доведе до опаѓање на листовите. Минималната температура која ја толерира е околу -1 °C.

Размножување:
Со режење на гранчиња и листови.

Photobucket

Надворешен линк: Овде

Освен основниот вид на Дрвото на парите, подеднакво атрактивни и популарни се и повеќе други сорти. Во продолжение ви презентирам и дел од оние кои најчесто може да се сретнат...

Crassula ovata
‘Gollum’

Photobucket

Фамилија: Crassulaceae
Род: Crassula
Вид: C. ovata ‘Gollum’
Народни имиња: Gollum Jade, Trumpet Jade, Hobbit’s Pipe Jade, ET’s Fingers, Dollar Plant, Jade Plant, Jade Tree, Money Tree, Finger Jade
Синоними: Crassula portulaceae 'Gollum', Crassula 'Argenta', Crassula convoluta, Crassula portulacea, Crassula argentea
Боја на цветот: Бела, розево бела
Сезона на цветање: Крај на есен, почеток на зима
Висина: 30-40 cm
Дијаметар: до 45-60 cm

Оваа сорта детално е презентирана во записот Прстите на Е.Т кој може да го отворите овде.

Crassula ovata
‘Hobbit’

Photobucket

Фамилија: Crassulaceae
Род: Crassula
Вид: C. ovata ‘Hobbit’
Народни имиња: Dollar Plant, Jade Plant, Jade Tree, Money Tree
Боја на цветот: Бела, розево бела
Сезона на цветање: Крај на зима, почеток на пролет
Висина: 45-60 cm

Сортата Hobbit е речиси идентична со Gollum. Разликата помеѓу нив е во тоа што листовите кај Hobbit се завиткани наназад, додека кај Gollum се речиси цилиндрични и изгледаат како цевки поставени во чаша.

Crassula ovata ‘Tricolor’

Photobucket

Фамилија: Crassulaceae
Род: Crassula
Вид: C. ovata ‘Tricolor’
Народни имиња: Dollar Plant, Jade Plant, Jade Tree, Money Tree
Боја на цветот: Бела, розево бела
Сезона на цветање: Доцна есен, почеток на зима
Висина: 1,2-1,8 m

Crassula ovata
'Hummel's Sunset'

Photobucket

Фамилија: Crassulaceae
Род: Crassula
Вид: C. ovata 'Hummel's Sunset'
Народни имиња: Golden Dollar Plant, Golden Jade Plant, Golden Jade Tree, Golden Money Tree
Боја на цветот: Бела, розево бела
Сезона на цветање: Доцна есен, средина на зима
Висина: 45-60 m
Дијаметар: до 40-90 cm

КАКТУСАРНИЦА фото на денот

Photobucket

4/21/2010

Уметност од коњски потковици

Кактусите постојано се инспирација за голем број на уметници. Особено инспиративни се за уметниците кои работат и своите дела ги прават со коњски потковици.

Вечерва во КАКТУСАРНИЦА изложба на уметнички дела инспирирани од кактусите, а направени од коњски потковици...повелете, влезот е слободен! :-)

Photobucket

Photobucket

Photobucket

Photobucket

Photobucket

КАКТУСАРНИЦА фото на денот

Photobucket

4/19/2010

Бела персиска мачка

Cephalocereus senilis (Цефалоцереус сенилис) е еден малку поразличен вид со специфичен изглед кој не е својствен за најголемиот дел од кактусите. Токму поради изгледот, овој кактус е многу популарен кај колекционерите и одгледувачите, но и ретко кој друг може да остане рамнодушен кога ќе го види.

Кактус на денот 109/10 е...

Cephalocereus senilis

Photobucket

Фамилија: Cactaceae
Род: Cephalocereus
Вид: C. senilis
Народнo имe: Old Man Cactus, Old Man of Mexico, Cabeza de Viejo, Viejo, Bunny Cactus, White Persian Cat Cactus
Синоними: Cactus senilis, Cereus senilis, Pilocereus senilis, Cephalophorus senilis, Cactus bradypus, Echinocactus staplesiae
Потекло: Источно Мексико (Guanajuato и Hidalgo)
Боја на цветот: Розева (црвена), жолта и бела
Сезона на цветање: Пролет-лето
Висина: до 11-15 m
Дијаметар: до 45-60 cm

Photobucket

Одгледување
Овој кактус бара многу светлина која го поттикува растењето на косата (волната). Се одгледува на директно сонце, во супстрат со добра дренажа. Толерира суша. Во периодот кога расте треба да се полева редовно, но во умерени количини. Во зимскиот период ако се чува во простории со пониски температури не треба да се полева воопшто. Препорачлива температура на која треба да се чува во зима е 10 °C, но може да толерира и температури до -10 °C.

Размножување:
Со семе и режење.

Photobucket

Надворешен линк: Овде

Освен во основниот вид, Белата персиска мачка често може да се сретне и една друга форма...

Cephalocereus senilis f. cristata

Photobucket

Фамилија: Cactaceae
Род: Cephalocereus
Вид: C. senilis f. cristata
Народнo имe: Crested Old Man of Mexico, Crested Old Man Cactus, Crested Old Man of Mexico, Crested White Persian Cat Cactus
Синоними: Cephalocereus senilis f. cristatus, Cephalocereus senilis f. fasciatus
Висина: до 30-45 cm
Дијаметар: до 30-60 cm

КАКТУСАРНИЦА фото на денот

Photobucket

4/14/2010

Два во еден

Klaus Weber е германски уметник кој меѓу другото работи и со кактуси. Еднo од неговите уметнички дела е и Double Cactus, кое во суштина e целина формирана од два San Pedro кактуси (Echinopsis pachanoi) накалемени еден на друг...

Photobucket

Photobucket

КАКТУСАРНИЦА фото на денот

Photobucket

4/13/2010

Собирам поштенски марки

Вчера случајно налетав на една страница каде на продажба покрај билки и книги се нудат и поштенски марки со кактуси и сукуленти на нив. Излезе дека бројот на вакви поштенски марки бил многу голем, а листата на држави кои ги имаат издадено прилично долга.

Ми се видоа интересни и решив да почнам да си ги собирам...засега колекција ми е скромна, ама така се почнува. :-)

Photobucket
Photobucket
Photobucket
Photobucket
Photobucket

Ако имате некоја слична на овие, може да се менуваме. Давам 7 од Танзанија и 6 од Бенин, за поштенската марка која била издадена во 1986 во тогашна Југославија (во која беше и Македонија) со голем Cereus во средината. :-)
Related Posts Plugin for WordPress, Blogger...