12/27/2011

Рогат јарец

Astrophytum capricorne (Астрофитум каприкорне) e кактус кој потекнува од северните делови на Мексико. Може да достигне височина до 1,2 m и најчесто има 8 ребра. Има 5 до 10 боцки кои можат да бидат долги до 7 cm. Тие се во сива до кафеава боја, искривени се и заоблени и многу наликуваат на рогови на коза, односно јарец. Поради тоа најчесто е познат како Goat’s Horns Cactus.

Кактус на денот 361/11 е...

Astrophytum capricorne

Photobucket

Фамилија: Cactaceae
Род: Astrophytum
Вид: A. capricorne
Народни имиња: Goat's Horns Cactus, Bishop's Hat, Bishop's Cap
Синоними: Echinocactus capricornis, Astrophytum senile, Astrophytum capricorne var. capricorne
Потекло: Северно Мексико (Coahuila)
Боја на цветот: Жолта (златно жолта) со црвен центар
Сезона на цветање: Лето
Висина: до 1,2 m
Дијаметар: до 10 (15) cm

Photobucket

Одгледување:
Се одгледува во супстрат со добра дренажа, на места изложени на директно сонце или во блага сенка. Толерира суша. Од март до октомври треба да се полева редовно, но умерено. Доколку во зимскиот период се чува на температура од 5 - 15 °C, не треба да се полева воопшто. Отпорен е и на смрзнување и во краток временски период може да толерира температури и до -7 °C. Се препорачува негово пресадување на секои 3 години.

Photobucket

Размножување:
Лесно се размножува со семе. Се размножува и со режење.

Надворешен линк: Овде

Astrophytum capricorne и неговите вариетети се многу променливи. Растенијата се разликуваат како во однос големината на стеблата, така и во однос на формата и бојата на боцките. Сето тоа често доведува до потешкотии при нивната идентификација.

Во продолжение ви презентирам и неколку од најпопуларните вариетети  и сорти...

Astrophytum capricorne cv. Crassispinoides

Photobucket

Фамилија: Cactaceae
Род: Astrophytum
Вид: A. capricorne cv. Crassispinoides
Синоними: Astrophytum capricorne f. crassispinoides, Astrophytum capricorne subsp. crassispinoides
Боја на цветот: Жолта
Сезона на цветање: Лето
Висина: до 30 cm

Astrophytum capricorne var. crassispinum

Photobucket

Фамилија: Cactaceae
Род: Astrophytum
Вид: A. capricorne var. crassispinum
Синоними: Astrophytum capricorne f. crassispinum
Боја на цветот: Жолта со црвен центар
Сезона на цветање: Лето
Висина: до 30 cm

Astrophytum capricorne var. minor

Photobucket

Фамилија: Cactaceae
Род: Astrophytum
Вид: A. capricorne var. minor
Синоними: Echinocactus capricornis v. minor, Astrophytum capricorne f. minor, Astrophytum capricorne var. minus
Боја на цветот: Жолта со црвен центар
Сезона на цветање: Април до октомври, имаат способност да цветаат многу млади (3 години)
Висина: 10 - 12 cm
Дијаметар: 6 - 8 cm

Astrophytum capricorne var. niveum

Photobucket

Фамилија: Cactaceae
Род: Astrophytum
Вид: A. capricorne var. niveum
Синоними: Astrophytum capricorne subsp. niveum
Боја на цветот: Жолта со црвен или портокалов центар
Сезона на цветање: Лето
Висина: до 50 cm
Дијаметар: до 20 cm

Astrophytum capricorne var. senilis

Photobucket

Фамилија: Cactaceae
Род: Astrophytum
Вид: A. capricorne var. senilis
Синоними: Astrophytum senile, Astrophytum capricorne var. senile, Astrophytum capricorne subsp. senile
Боја на цветот: Жолта (или често портокалова и розева) со црвен центар
Сезона на цветање: Лето
Висина: 15 - 30 cm

Astrophytum capricorne var. aureum

Photobucket

Фамилија: Cactaceae
Род: Astrophytum
Вид: A. capricorne var. aureum
Синоними: Astrophytum capricorne f. aureum, Astrophytum aureum
Боја на цветот: Жолта со црвен центар
Сезона на цветање: Лето
Висина: 35 - 40 cm
Дијаметар: до 15 cm

Овде може да видите една необична Диња. Неа, заедно со уште 109 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

КАКТУСАРНИЦА фото на денот

Photobucket

12/21/2011

Диња

Euphorbia meloformis (Еуфорбија мелоформис) е спорорастечки сукулент кој потекнува од Јужна Африка. Има стебло со 8 до 12 ребра. Познат е како Melon Spurge и наликува на Euphorbia obesa. Карактеристични за Euphorbia meloformis се неговата потемна боја и цветните стебленца кои на него се задржуваат долго време по прецветувањето. И тој и E. obesa имаат еднополни цветови и за да се добие семе од нив, потребно е да има и машко и женско растение.

Сукулент на денот 355/11 е...

Euphorbia meloformis

Photobucket

Фамилија: Euphorbiaceae
Род: Euphorbia
Вид: E. meloformis
Народнo имe: Melon Spurge
Синоними: Euphorbia falsa, Euphorbia infausta, Euphorbia pyriformis
Потекло: Јужна Африка
Боја на цветот: Жолта, светло жолта, жолто-зелена
Сезона на цветање: Од лето до зима
Висина: до 20 cm
Дијаметар: до 12 cm

Photobucket
горе: машко растение, доле: женско растение

Одгледување:
Супстрат со добра дренажа е неопходен за одгледување на овој сукулент. Во топлите периоди од годината се полева редовно, но умерено. Толерира суша и преферира да биде на места изложени на директно сонце. Бидејќи е спорорастечки сукулент, не бара често пресадување, односно во истата саксија и истиот супстрат може да остане и повеќе години. Може да толерира и умерена сенка. Растенијата кои подолго време биле на сенка, пред да се преселат на сонце треба постепено да се прилагодат на новите услови, бидејќи може да дојде до изгореници доколу преселувањето се направи одеднаш. Просечната температура на која треба да се чува во зимскиот период е 7°C. Не толерира смрзнување и треба да се избегнува изложување дури и на температури кои се околу 0°C.

Photobucket

Размножување:
Се размножува со семе, режење и со израстоци.

Надворешен линк: Oвде

Освен основниот вид на Euphorbia meloformis, може да се сретнат и еден подвид и една форма...

Euphorbia meloformis ssp. valida

Photobucket

Овој подвид во минатото бил познат како Euphorbia valida и бил сметан за посебен вид, се до 1998 година кога бил деградиран во подвид на Euphorbia meloformis. за разлика од основниот вид, овој подвид може да достигне височина и до 45 cm.

Фамилија: Euphorbiaceae
Род: Euphorbia
Вид: E. meloformis ssp. valida
Синоними: Euphorbia valida
Потекло: Јужна Африка
Боја на цветот: Светло зелена
Сезона на цветање: Од лето до есен
Висина: до 45 cm

Освен овој подвид може да се сретне и...

Euphorbia meloformis f. cristata

Photobucket

Фамилија: Euphorbiaceae
Род: Euphorbia
Вид: E. meloformis f. cristata

Една Бразилска имела може да видите овде. Неа, заедно со уште 108 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

КАКТУСАРНИЦА фото на денот

Photobucket

12/13/2011

Бразилска имела

Rhipsalis ewaldiana (Рипсалис евалдиана) е редок вид на кактус кој своето име го добил по Ernst Ewald, ентузијаст, собирач на кактуси, кој прв ја воочил неговата посебност и го испратил на проучување во Универзитетот во Бон. Нема точни информации за неговото потекло. Се претпоставува дека потекнува од Бразил.

Кактус на денот 347/11 е...

Rhipsalis ewaldiana

Photobucket

Фамилија: Cactaceae
Род: Rhipsalis
Вид: R. ewaldiana
Потекло: Веројатно Бразил (Rio de Janeiro)
Боја на цветот: Бела
Сезона на цветање: Пролет и есен (во зависност од условите, може да цвета и цела година)
Висина: 30 - 60 cm
Дијаметар: 14 - 20 mm

Photobucket

Одгледување:
Се одгледува на места во делумна или блага сенка, во супстрат кој обезбедува вишокот на вода да се исцеди од саксијата. Во летниот период се полева редовно, но умерено. Во овој период, супстратот помеѓу две полевања може да се остави да се исуши, но може да се одржува и влажен. Во зима се полева само повремено, со мала количина на вода. Не е отпорен на смрзнување и затоа треба да се заштити од изложување на температури под 0°C.

Photobucket

Размножување:
Се размножува со семе или со режење на стебла и гранчиња.

Надворешен линк: Овде

Овде има едно Наежено агаве, внимавајте да не се боцнете! :-) Него, заедно со уште 107 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

КАКТУСАРНИЦА фото на денот

Photobucket

12/07/2011

Цвеќе кое расте од љубов, а преку цветот искажува благодарност

За Вики Цветановска, кактусот е цвеќе кое расте во зависност од тоа колку љубов ќе му понудите, а цвета како благодарност за целиот труд и целото внимание кое низ годините ќе му ги посветите.

Вики има кактуси и сукуленти во различна големина од 15-тина различни видови. Почнала да ги одгледува пред 15 години, кога имала само неколку од нив. Со времето, како што растела нејзината љубов кон нив, се зголемувал и нивниот број.

Денеска во КАКТУСАРНИЦА имате можност да уживате гледајќи дел од нејзините кактуси и сукуленти преку фотографиите направени во нејзината градина...

Photobucket

Photobucket

Photobucket

Photobucket

Photobucket

Photobucket

Photobucket

Photobucket

Photobucket

Благодарам Вики!

Рубриката Вашите кактуси и сукуленти во мојата КАКТУСАРНИЦА е секогаш отворена за вашите приказни и фотографии од вашите миленици. Може да ми ги праќате на kaktusarnica@gmail.com, Facebook
Related Posts Plugin for WordPress, Blogger...