8/27/2009

Кикирики

Echinopsis chamaecereus (Ехинопсис хамецереус) е кактус кој потекнува од Аргентина. Неговото народно име произлегува од изгледот на неговите израстоци кои наликуваат на неизлупени кикирики. Карактеристично за него е тоа што многу се разгранува, лесно се одгледува и лесно се размножува.

Кактус на денот 239/09 е...

Echinopsis chamaecereus

Photobucket

Фамилија: Cactaceae
Род: Echinopsis
Вид: E. chamaecereus
Народни имиња: Peanut cactus
Синоними: Chamaecereus sylvestrii, Chamaecereus silvestrii, Lobivia silvestri, Cereus silvestrii
Потекло: Аргентина
Боја на цветот: Портокалово-црвена
Сезона на цветање: Крај на пролет - почеток на лето
Висина: до 15 cm

Photobucket

Одгледување:
Овие Кикирики се одгледуваат во супстрат со добра дренажа на места изложени на сонце или блага сенка. Бараат умерено полевање во лето, а зимскиот период не се полеваат. Минимална температура на која треба да се чува во текот на зимата е 8°C. Може да преживее и на температури од -8°C, но во таков случај може да дојде до оштетување, особено на коренот што може да доведе до гниење на билката.

Размножување:
Се размножува со семе или со израстоци.

Photobucket

Надворешен линк: Овде

Во продолжение и една сорта на овој кактус добиена со предизвикана мутација...

Echinopsis chamaecereus f. lutea 'Yellow Peanut'

Photobucket

Фамилија: Cactaceae
Род: Echinopsis
Вид: E. chamaecereus f. lutea 'Yellow Peanut'
Народни имиња: Peanut cactus
Синоними: Chamaecereus sylvestrii, Chamaecereus silvestrii, Lobivia silvestri, Cereus silvestrii
Боја на цветот: Портокалово-црвена
Сезона на цветање: Крај на пролет - почеток на лето
Висина: до 15 cm

8/25/2009

Шливки

Овој млад кактус кој е познат како Бодликава круша (Opuntia engelmannii), излгледа како да добил многу бакнежи од некој/а со жолто-зелен кармин на усните...

Photobucket

...но во суштина тој не само што бил бакнуван, туку бил и шмукан од инсекти познати како Cactus Bugs (Chelinidea vittiger aequor).

Photobucket

8/20/2009

Инспирација

На мое големо задоволство друштвото на одгледувачи и љубители на кактуси постојано се зголемува. Емона од Прилеп ми испрати маил со неколку фотографии во кој вели дека мојата КАКТУСАРНИЦА и била инспирација пред извесно време да почне да одгледува кактуси. Според нејзините зборови...таа (засега) има скромна колекција која ја прави многу среќна. За вниманието што им го посветува, дел од кактусите кои ги има ја наградиле со цветови.

Во продолжение неколку фотографии од нејзината колекција...

Photobucket

Photobucket

Photobucket

Photobucket

Photobucket

Благодарам Емона, поздрав до тебе и Диме!

8/15/2009

Боенка

Две весели другарчиња за сите мали и големи деца кои сакаат кактуси и боенки...уживајте во викендот и боењето!

Photobucket

8/14/2009

Ориз (не е кочански)

Rhipsalis cereuscula (Рипсалис цереускула) е кактус кој е од истиот род и е многу сличен со Разиграните коски. Потекнува од Јужна Америка и е познат како Coral Cactus или Rice Cactus.

Кактус на денот 226/09 е...

Rhipsalis cereuscula

Photobucket

Фамилија: Cactaceae
Род: Rhipsalis
Вид: R. cereuscula
Народни имиња: Coral Cactus, Rice Cactus
Синоними: Hariota cereuscula, Erythrorhipsalis cereuscula, Hariota saglionis, Rhipsalis saglionis, Rhipsalis brachiata, Rhipsalis penduliflora, Rhipsalis simmleri
Потекло: Аргентина, Боливија, Бразил, Парагвај, Уругвај
Боја на цветот: Бела
Сезона на цветање: Крај на зима до почеток на есен
Висина: до 60 cm

Photobucket

Одгледување:
Овој вид на “Ориз“ се одгледува во супстрат со добра дренажа, на сенка или на места со делумна и блага сенка. Супстратот треба да се одржува влажен (но не претерано), односно потребно е да се полева редовно. Во зимскиот период интензитетот и количината на полевање треба да се намали. Минималната температура на која е препорачливо да биде изложен во текот на зимата е 5°C. Во пократок временски интервал може да толерира и пониски температури.

Photobucket

Размножување:
Се размножува со семе или со одделување на гранчиња од примарната билка.

Надворешен линк: Овде

8/12/2009

МА-КЕ-ДОНИЈА!

И јас сум еден од тие што не успеаја да дојдат до карти за фудбалскиот натпревар Македонија : Шпанија и нема да бидам директно на арената “Филип Втори“, ама тоа не значи дека нема и да навивам...денес како поддршка [не на Фуријата :-)] на нашата репрезенатција во навивачки бои ја украсувам и мојата КАКТУСАРНИЦА...НАПРЕД МАКЕДОНИЈА!

Photobucket

Photobucket

Photobucket

8/07/2009

Проект "Сукулентна градина" 2

Проектот "Сукулентна градина" или поточно Сукулентна тераса, почна да се шири и надградува. Пред околу еден месец бев во контрола на работата на Координаторот на проектот (мајка ми) и морам да признаам дека сум многу задоволен од нејзината посветеност и совесно извршување на проектните задачи :-)...не се ни сомневав со оглед на нејзината љубов кон цвеќињата. Кактусите и другите сукуленти одлично напредуваат. Поради тоа што нивниот број континуирано се зголемува, користејќи ги расположливите средства што ги најдов по дома направив уште по еден спрат од двете страни...

Photobucket

Photobucket

Освен нивнаата разновидност која восхитуваше, дополнително задоволство беше тоа што неколку од нив уловив и во расцетано издание...

Photobucket

Photobucket

Photobucket

Photobucket

8/05/2009

Круна од трње

Името на сукулентот кој Ви го презентирам денес е поврзано со легендата дека круната од трње која Христос ја имал на главата при негото распетие била направена токму од овој сукулент.

Сукулент на денот 217/09 е...

Euphorbia milii

Photobucket

Фамилија: Euphorbiaceae
Род: Euphorbia
Вид: E. milii
Народнo имe: Crown of Thorns, Christ Plant, Christ Thorns, Siamese Lucky Plant
Синоними: Euphorbia splendens var. milii
Потекло: Мадагаскар
Боја на цветот: Розева, црвена, светло жолта, бела
Сезона на цветање: Цвета постојано во текот на цела година
Висина: до 1,8 m (може да се сретнат и повисоки примероци)

Photobucket

Одгледување:
Овој џбунест сукулент се одгледува во супстрат со добра дренажа, преферира да биде изложен на директно сонце, но ќе преживее и во блага сенка. Редовното полевање го намалува опаѓањето на листовите и го поттикува цветањето. Како и сите други сукуленти и Круната од трње не сака мокри нозе. Препорачлива температура за одгледување во текот на зимата е 10°C. Може да издржи и на температири од -1°C, но приота може да дојде до оштетувања на билката.

Photobucket

Размножување:
Лесно се размножува со режење.

Надворешен линк: Овде

8/02/2009

Честит празник!

За многу години Македонијо и Македонци каде и да сте...ЧЕСТИТ ИЛИНДЕН!

Photobucket

8/01/2009

Коцка, коцкица

Пред некој ден јапонците објавија дека е произведена лубеница во облик на пирамида, претходно беше произведена и лубеница во облик на коцка. Трендот го продолжува и еден австриец, кој успеал да произведе кактус во форма на коцка.

Photobucket

Се разбира кактусот е производ на Photoshop и умешноста на авторот. :-)

Уште многу други слични скоцкани форми може да видите овде.
Related Posts Plugin for WordPress, Blogger...