1/31/2009

Црвена боја ми е најмила...

Photobucket

...особено во комбинација со жолта!

Photobucket

Со овој цвено-жолт пост се придружувам и јас кон честитките за Македонската машка ракометна репрезентација за успехот на Светското првенство!

1/30/2009

Тасма

Кога на Кактус ќе му фати око згодна и мазна Алое Вера, се ќе направи за да излезе со неа...

Photobucket

1/29/2009

Јадица

Некако во последно време ги запоставив кактусите и повеќе се фокусирав на другите сукулентни билки...денес повторно, преку Mammillaria dioica (Мамиларија диоика) му се навраќам на чудесниот свет на кактусите.

Станува збор за еден популарен вид на кактуси од родот Мammillaria, кој поради карактеристичниот облик на боцките во народот е познат и како Јадица кактус...знатоа внимавајте да не се фатите на јадицата, од искуство Ви кажувам! :-)

Кактус на денот 29/09 е...

Mammillaria dioica

Photobucket

Фамилија: Cactaceae
Род: Mammillaria
Вид: M. dioica
Народно име: Strawberry cactus, Pincushion cactus, California fishhook cactus или Fishhook cactus
Синоним: Ebnerella dioica, Chilita dioica, Mammillaria rectispina, Mammillaria fordii, Cochemiea dioica, Mammillaria angelensis var. estebanensis, Mammillaria dioica var. incerta, Mammillaria incerta, Chilita fordii, Cochemiea dioica ssp. estebanensis, Mammillaria estebanensis, Cochemiea dioica, Neomammillaria dioica, Ebnerella dioica
Потекло: Калифорнија и Северозападно Мексико
Боја на цветот: Бела, жолта
Сезона на цветање: Пролет - лето
Висина: 15-30 cm

Photobucket

Одгледување:
Се одгледува во класичен супстрат за кактуси, кој има добра дренажа. Толерира суша и не бара многу вода. Треба да се внимава да не се претера со полевањето. Може да се одгледува на места кои се директно изложени на сонце или во блага сенка. Во зимскиот период се препорачува да се чува во простории во кои температурата е околу 10°C. Во помал временски интервал може да толерира и температура до -4°C.

Размножување:
Mammillaria dioica се размножува со режење, израстоци и семе.

Photobucket

Надворешен линк: Овде

1/28/2009

I heart you, #7

Денес малку љубов во мојата КАКТУСАРНИЦА...нова епизода од серијалот I heart you...

Photobucket

1/27/2009

Бележник

Освен што го разубавуваат просторот, го апсорбираат компјутерското зрачење, го освежуваат сувиот воздух и го заситуваат со кислород...кактусите може да ги искористите и како место за Вашите белешки...

Photobucket

1/25/2009

Црна ружа

Оваа година серијалот Кактус/Сукулент на денот го започнувам со еден од највпечатливите сукуленти од родот Aeonium. Интересна комбинација на разгранет сукулент и розети на крајот од гранките, со листови во темно црвена, речиси црна боја.

Сукулент на денот 25/09 е...

Aeonium arboreum 'Schwarzkopf'

Photobucket

Фамилија: Crassulaceae
Род: Aeonium
Вид: A. arboreum 'Schwarzkopf'
Народно име: Aeonium 'Blacktop, Black rose, Black Beauty, Black Tree Aeonium, Purple Crest Aeonium
Синоним: Aeonium manriqueorum, Aeonium arboreum var. atropurpureum f. nigrum, Aeonium arboreum var. atropurpureum f. cristata, Aeonium arboreum var. atropurpureum, Aeonium arboreum
Боја на цветот: Светло жолта
Сезона на цветање: Лето
Висина: 60-180 cm

Одгледување:
Се одгледува во супстрат со добра пропустливост на вода. Се полева обилно, но не често...супстратот треба да се исуши помеѓу две полевања. Во зимскиот период фреквенцијата на полевање се намалува на еднаш месечно или само колку да не се исушат листовите. Се чува на места изложени на директно сонце или во блага сенка. Во зискиот период треба да се заштити од смрзнување...може да издржи температира до -2°C, дури и пониска во пократок временски период.

Размножување:
Овој сукулент се размножува со режење и семе. Размножувањето со режење е многу лесно и се прави во пролет, притоа се што треба да се направи е да се пресече розетата со мал дел од гранката и да се посади.

Photobucket

Надворешен линк: Овде

1/24/2009

Видео прошетка: Moorten Botanical Gardens

Денеска Ви нудам можност да прошетате низ Moorten Botanical Gardens...


...уживајте!

1/21/2009

Календар за кактусари/ки: Јануари

Јануари е месец кога кактусите треба да бидат во мирување. Ако ги чувате во ладна просторија, треба да внимавате температурата да не падне под критичната точка, која за најголем дел од нив се движи од 3 до 5°C. Во деновите кога не е екстремно ладно може да проветрите. Препорачливо е еднаш неделно да ги прегледате сите билки и доколку приметите трулеж, нападнатата билка веднаш да ја изолирате и да и дадете соодветна нега. Кај кактусите и сукулентите кои се чуваат во топли простории постои поголема опасност од напад на разни штетници. Во таков случај треба ведаш да се делува и штетниците да се уништат.

Билките кои се прилагодени на потопли услови, како и кактусите и сукулентите кои растат и цветаат во зима, треба да бидат во топла средина, а супстратот да се одржува умерено влажен.

Билките кои планирате да ги пресадите може да почнете да ги вадите од земја. Притоа, премногу долгите корења треба да ги скратите, а болните делови да ги отстраните. После таа постапка препорачливо е билките да ги оставите два-три дена во топла просторија.

Доколку имате семе, јануари е период кога можете да започнете со сеење.

Сега е време кога можете да направите план за садење, да го утврдите бројот на потребни саксии...

Во слободно време можете да прочитате некоја стручна литература и се разбира да ја посетите мојата КАКТУСАРНИЦА!

Photobucket

Извор: Gajenje kaktusa - Fleischer/Schütz

1/19/2009

Кактус/Сукулент на 2008

Со мало задоцнување да го прогласам победникот на Изборот за Кактус/Сукулент на 2008 година на мојата КАКТУСАРНИЦА.

Имавте можност да избирате помеѓу 26 понудени сукулентини билки. Според Вашите гласови Сукулент на 2008 година е Воздушно растение (Kalanchoe pinnata).

Photobucket

1/14/2009

Засеаните кактуси наполнија 6 месеци

Полека но сигурно, Бебињата кактуси си растат и веќе наполнија 6 месеци.

Досега беа во затворен простор, но бидејќи приметив дека неколку од нив врз кои паѓале какпи од водата веќе се расипале или покажуваат знаци на скапување, решив да ги отворам и да ги оставам да растат на собна температура.

Денеска направив една фотографија...ќе приметите и еден денар, за да имате појасна слика за нивната големина :-)

Photobucket

1/05/2009

Среќен Божиќ

Здраво во новата 2009, се надевам дека добро Ви тргна во неа и Ви посакувам така да Ви се одвиваат работите и во текот на целата година!

Нема да бидам деновиве многу покрај компјутеров...

...затоа денес со оваа Божиќна фотографија (кактуси и Божиќна звезда) на сите оние кои го слават, Ви посакувам Среќен Божиќ!

Photobucket
Related Posts Plugin for WordPress, Blogger...