10/27/2011

Машки палец

Parodia mammulosa (Пародија мамулоза) е кактус кој е многу варијабилен во однос на изгледот, односно може да се сретне во разни форми. Помалку или повеќе стеблото му е покриено со вкрстени боцки. Неговото име “mammulosa“ укажува на тоа дека има многу видливи брадавици. Важи за кактус-самотник, односно во природни услови најчесто расте сам. Потекнува од делови на Јужна Америка и е еден од најраспространетите видови од родот Parodia.

Кактус на денот 300/11 е...

Parodia mammulosa

Photobucket

Фамилија: Cactaceae
Род: Parodia
Вид: P. mammulosa
Народнo имe: Tom Thumb, Tom Thumb Cactus, Lemon Ball
Синоними: Parodia mammulosa subsp. mammulosa, Notocactus megalanthus, Notocactus ritteranus, Notocactus roseoluteus, Notocactus mammulosus var. pampeanus, Notocactus submammulosus var. pampeanus, Echinocactus pampeanus, Notocactus pampeanus, Notocactus mueller-moelleri, Ritterocactus megalanthus, Echinocactus hypocrateriformis, Notocactus hypocrateriformis, Echinocactus floricomus, Notocactus floricomus, Notocactus cristatoides, Malacocarpus mammulosus, Ritterocactus mammulosus, Echinocactus mammulosus, Notocactus macambarensis, Notocactus mammulosus
Потекло: Јужна Америка (Аргентина, Бразил, Уругвај)
Боја на цветот: Светло розева до златно жолта
Сезона на цветање: Пролет-лето
Висина: 5-10 cm
Дијаметар: 7-13 cm

Photobucket

Одгледување:
Овој кактус е растение кое лесно се одгледува. Се сади во супстрат кој има добра дренажа и се чува на места изложени на директно сонце или во блага сенка. Толерира суша. Во периодот кога расте се полева редовно, но умерено. Во зима супстратот се одржува сув (може лесно да дојде до трулење ако тој е влажен и студен). Температурата на која се препорачува да се чува во зимските месеци е околу 8-10° C. Во кратки временски периоди може да толерира и температури до -5° C.

Photobucket

Размножување:
Се размножува со семе и со режење.

Надворешен линк: Овде

Има голем број на сорти и форми на овој многу варијабилен вид на кактус, но сите тие не се општо признаени. Покрај основниот вид (Parodia mammulosa ssp. mammulosa), некои стручњаци како посебни подвидови ги признаваат и...

Parodia mammulosa ssp. brasilensis

Photobucket

Фамилија: Cactaceae
Род: Parodia
Вид: P. mammulosa ssp. brasilensis
Синоними: Notocactus mammulosus var. brasiliensis, Ritterocactus mammulosus ssp. brasiliensis, Parodia mammulosa var. brasiliensis
Потекло: Бразил (Santos)
Боја на цветот: Светло розева до златно жолта
Сезона на цветање: Пролет-лето
Висина: под 15 cm
Дијаметар: 7-22 cm

Parodia mammulosa ssp. erythracantha

Photobucket

Фамилија: Cactaceae
Род: Parodia
Вид: P. mammulosa ssp. erythracantha
Синоними: Notocactus erythracanthus, Ritterocactus mammulosus ssp. erythracanthus
Потекло: Уругвај (Tacuarembó)
Боја на цветот: Светло розева до златно жолта
Сезона на цветање: Пролет-лето
Висина: под 15 cm
Дијаметар: 7-22 cm

Parodia mammulosa ssp. submammulosa

Photobucket

Фамилија: Cactaceae
Род: Parodia
Вид: P. mammulosa ssp. submammulosa
Синоними: Parodia submammulosa ssp. minor, Ritterocactus mammulosus ssp. submammulosus, Echinocactus mammulosus var. submammulosus, Notocactus submammulosus, Echinocactus submammulosus, Parodia submammulosa
Потекло: Уругвај, Аргентина
Боја на цветот: Светло жолта
Сезона на цветање: Пролет-лето
Висина: под 15 cm
Дијаметар: 7-22 cm

Освен овие четири, може да се сретнат и повеќе други подвидови, сорти и форми...

Parodia mammulosa ssp. eugeniae

Photobucket

Фамилија: Cactaceae
Род: Parodia
Вид: P. mammulosa ssp. eugeniae
Синоними: Ritterocactus mammulosus ssp. eugeniae, Notocactus eugeniae
Потекло: Уругвај (Tacuarembó)
Боја на цветот: Жолта со темно виолетова чашка
Сезона на цветање: Пролет-лето
Висина: под 15 cm
Дијаметар: 7-22 cm

Parodia mammulosa 'Red blooming'

Photobucket

Фамилија: Cactaceae
Род: Parodia
Вид: P. mammulosa 'Red blooming'
Синоними: Notocactus mammulosus 'Red flowers', Parodia mammulosa 'Red flowering'
Потекло: Северна Аргентина (многу ретка сорта)
Боја на цветот: Светло розево-магента
Висина: 5-10 cm
Дијаметар: 7-13 cm

Parodia mammulosa 'Orthacanthus'

Photobucket

Фамилија: Cactaceae
Род: Parodia
Вид: P. mammulosa 'Orthacanthus'
Синоними: Malacocarpus orthacanthus, Notocactus orthacanthus, Echinocactus orthacanthus, Notocactus mammulosus var. orthacanthus, Parodia orthacantha, Wigginsia orthacantha
Потекло: Бразил, Уругвај
Боја на цветот: Лимон-жолта
Сезона на цветање: Пролет
Висина: до 15 cm
Дијаметар: до 15 cm

Parodia mammulosa 'Megalantha'

Photobucket

Фамилија: Cactaceae
Род: Parodia
Вид: P. mammulosa 'Megalantha'
Синоними: Notocactus megalanthus, Notocactus concinnus var. mosquitensis, Ritterocactus megalanthus
Потекло: Уругвај
Боја на цветот: Светло жолта
Сезона на цветање: Пролет-лето
Висина: до 15 cm
Дијаметар: 7-22 cm

Африканско млечно дрво може да видите овде. Него, заедно со уште 101 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

КАКТУСАРНИЦА фото на денот

Photobucket

10/25/2011

Шверц на кактуси

Светските и некои од македонските медиуми денес пренесоа информација дека во Мексико двајца Германци се уапсени заради криумчарање на кактуси, откако обезбедувањето на аеродромот во нивните куфери открило (ни помалку, ни повеќе, туку) 543 кактуси.

Photobucket

Според Канцеларијата на главниот мексикански обвинител, некои од пронајдените кактуси биле на листата на загрозени видови.

Германската амбасада во Мексико Сити веднаш не ја потврдила нивната националност и местото на живеење.

Мексико е земја каде што растат едни од најважните видови на кактуси во светот.

КАКТУСАРНИЦА фото на денот

Photobucket

10/20/2011

Африканско млечно дрво

Euphorbia trigona (Еуфорбија тригона) е сукулент кој многу често се меша со Euphorbia lactea. Конфузијата е разбирлива, бидејќи стеблата им се многу слични. Разликите помеѓу нив, јасно може да се воочат дури кога ќе се разгранат. Гранките кај Euphorbia trigona растат паралелно со стеблото, додека кај Euphorbia lactea гранките се шират од стеблото под одреден агол и заземаат поголем простор. Euphorbia trigona е како некој микс од грмушка и дрво. Неговото стебло има 3-4 страни (најчесто 3) и е со изразени ребра, мали боцки на рабовите и со мали листови на врвовите.

Сукулент на денот 293/11 е...

Euphorbia trigona

Photobucket

Фамилија: Euphorbiaceae
Род: Euphorbia
Вид: E. trigona
Народнo имe: African Milk Tree
Потекло: Западна Африка
Боја на цветот: Бела, жолтеникава (цвета само во природни услови)
Висина: до 1,8 m
Дијаметар: до 6 cm

Photobucket

Одгледување
Се одгледува на места изложени на директно сонце или во делумна сенка, во супстрат со добра дренажа. Во летните месеци се полева редовно и обилно. Со намалување на температурите, се намалува и полевањето. Според некои препораки, во летниот период полевањето треба да се врши на една недела, а во поладниот период на секои две недели. Мојата препорака е, при полевањето да се раководите според супстратот, односно помеѓу две полевања да го оставите да се исуши. Во зима не се полева или се полева само повремено со мала количина на вода. Просечната температура на која треба да се чува во зимските месеци е 12 °C. Бидејќи не е отпорен на смрзнување, треба да се заштити од можност за изложување на температури од околу (и под) 0 °C.

Photobucket

Размножување:
Лесно се размножува со режење.

Надворешен линк: Овде

Белиот млечен сок на овој сукулент е токсичен и поради тоа треба да се избегнува неговиот директен допир со кожата.

Освен основниот вид може да се сретнат и некои други сорти и форми...

Euphorbia trigona 'Red Devil'

Photobucket

Фамилија: Euphorbiaceae
Род: Euphorbia
Вид: E. trigona 'Red Devil'
Висина: до 1,8 m

Euphorbia trigona f. rubra

Photobucket

Фамилија: Euphorbiaceae
Род: Euphorbia
Вид: E. trigona f. rubra
Народнo имe: African Milk Tree
Висина: 3 - 4,7 m

Еден Позлатен Боливиец може да видите овде. Него, заедно со уште 100 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

Euphorbia trigona 'Ghost'

КАКТУСАРНИЦА фото на денот

Photobucket

10/17/2011

Позлатен Боливиец

Espostoa guentheri (Еспостоа гeнтери) е висок кактус во форма на столб и златно жолти боцки на него. Потекнува од Боливија и може да достигне височина до 2 m и дебелина до 10 cm. Порано бил познат под името Vatricania guentheri.

Кактус на денот 290/11 е...

Espostoa guentheri

Photobucket

Фамилија: Cactaceae
Род: Espostoa
Вид: E. guentheri
Синоними: Cereus guentheri, Vatricania guentheri, Cephalocereus guentheri
Потекло: Боливија
Боја на цветот: Светло жолта
Сезона на цветање: Пролет-лето
Висина: до 2 m
Дијаметар: 10 cm

Photobucket

Одгледување:
Се одгледува на места изложени на директно сонце, во супстрат кој обезбедува исцедување на вишокот на вода, односно има добра дренажа. Многу е склон кон гниење и затоа треба да се внимава да не се претера со полевањето. Може да толерира суша. Во периодот кога расте се полева редовно, но умерено. Помеѓу две полевања супстратот треба да се остави да се исуши. Во зима не се полева воопшто или се полева само повремено со мала количина на вода. Просечната температура во просторијата во која се чува во зимските месеци треба да биде околу 12 °C. Не е препорачливо да се изложува на температури под 0 °C.

Photobucket

Размножување:
Се размножува со семе и со режење.

Надворешен линк: Овде

Овде има една Футрола за стрели која ја користат Бушманите кога одат на лов. Неа, заедно со уште 99 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

КАКТУСАРНИЦА фото на денот

Photobucket

10/14/2011

Пустинска роза (Адениум)

Adenium (Адениум) е мал род (околу 5 видови) на повеќегодишни сукулентни листопадни грмушки. Името на родот е изведено од името на градот-пристаниште Аден во Јемен, местото каде што за првпат е пронајдено и регистрирано растение од овој род. Овие сукуленти растат многу бавно, но и многу долго. Како што стареат, нивната вредност и убавина се зголемуваат.

Photobucket

Опис:
Карактеристични за сукулентите од родот Adenium се нивните мазни, заоблени и набабрени стебла, кои често имаат многу необични и чудни форми. Понекогаш стеблата им се целосно под земја, а видливи им се само дебелите гранки. Осетливи се на мраз и на многу влажна почва. Листовите обично им паѓаат во зима или во текот на сувата сезона. Ладното време го поттикува нивното мирување во текот на зимските месеци.

Сите видови од овој род имаат впечатливи и атрактивни цветови кои се групирани на врвовите на гранките. Тие може да бидат во бела, црвена, виолетова, розева или слезова боја. Често може да се видат двобојни (бело-црвени) цветови. Кога ќе се појават ѕвездените цветови, изгледот на растението целосно се трансформира. Листовите се распоредени наизменично или во едноставни спирали. Често се групирани и имаат кратки дршки. Делот од плодовите (mericarp) во кој има семе е долг и тенок. Семките се во темно-кафеава боја и имаат влакненца на краевите.

Photobucket

Одгледување:
Сукулентите од овој род лесно се размножуваат со семе и режење. Семките благодарение на влакненцата кои ги имаат, ветерот лесно ги разнесува и на тој начин се врши нивното природното размножување.

Има една мала “тајна“ како да се создаде необичен облик на стеблото: при секое пресадување растението се поткрева, односно горните делови на коренот се вадат над земјата. На тој начин растението создава повеќе корења кои одат надолу. Набрекнатата основа на стеблото ќе биде формирана само ако сукулентот е одгледан од семе.

Во светот има повеќе одгледувачи, кои произведуваат и одгледуваат голем број на различни сорти и хибриди. Често се организираат голем број на изложби, на кои се истакнуваат природните варијации на формата на стеблото, обликот и бојата на цветовите, како и нивната целокупната големина и изглед. Различни видови и сорти цветаат во различни периоди од годината.

Потекло:
Во природни услови сукулентите од овој род се прилагодени на топли и суви средини и се среќаваат во песоклива почва, на отворени и сончеви позиции. Сукулентните стебла и гранки имаат улога на магацини за вода, кои на растенијата им овозможуваат да преживеат подолг период без вода.

Членовите од овој род потекнуваат од полупустинските предели на Арапскиот полуостров и регионите од источниот до југозападниот дел на Африка.

Photobucket
Adenium obesum
во Сокотра, Јемен

Царство: Plantae
Ред: Gentianales
Фамилија: Apocynaceae
Подфамилија: Apocynoideae
Племе: Wrightieae
Род: Adenium

Видови:
Во родот Adenium било прифатено дека има 12 различни видови. Меѓутоа некои автори сметале дека тие се само подвидови или сорти. Според некои од нив, сите други видови се само подвидови на Adenium obesum. Ниту еден од видовите кои се среќаваат во разни листи, не е дел од International IUCN Red List. Класификацијата на Plazier која била направена кон крајот на дваесетиот век, препознава само 5 видови:

Adenium arabicum
Adenium boehmianum
Adenium multiflorum
Adenium obesum
Photobucket

Adenium swazicum

*Видовите под кои има фотографија се детално обработени во КАКТИПЕДИЈА и може да ги отворите со кликнување врз нивното име или фотографија.

Adenium multiflorum и Adenium obesum се двата најпознати и најраспространети видови од овој род. Има голем број на спектакуларни хибриди. Тие може да бидат мулти-калемени, со неколку сорти и видови (со различни бои на цветови) на едно исто растение.

Порано дел од овој род под името Adenium namaquanum бил и Pachypodium namaquanum.

Примена:
Сите сукуленти од овој род имаат отровен сок. Сокот од Adenium boehmianum, Adenium multiflorum и Adenium obesum е многу горчлив и содржи токсични срцеви гликозиди. Тој се употребува како отров на стрелите кои се користат при лов на животни во Африка. Отровот се вади во зима, откако растенијата ќе прецветаат.

Нема регистрирани случаи на диви животни кај кои отровните компоненти кои ги соджат овие сукуленти имале влијание, но има пријавено случаи на домашни животни кои умреле по конзумирање на делови од растението на некои видови на Adenium.

Листовите на Adenium oleifolium (Adenium obesum subsp. oleifolium) се користат за подготовка на маст која се користи при каснување од змии и убоди од скорпии. Чај направен од коренот се користи како тоник и за лекување на треска.

Исто како и за Кинескиот насмеан Буда со голем стомак и за Adenium-ите со набрекнато стебло (caudex) се смета дека носат среќа.

Надворешни линкови:
Wikipedia, PlantZAfrica.com, Top Tropicals, Adeniums India

КАКТУСАРНИЦА фото на денот

Photobucket

10/13/2011

Футрола за стрели

Aloe dichotoma (Алое дихотома) е веројатно еден од најпознатите видови на Aloe кои може да се најдат во Јужна Африка и Намибија. Кај народот најчесто е познат како Quiver tree или Kokerboom. Младите цветни пупки на овој сукулент кои имаат сличен изглед и вкус како аспарагусот, може да се јадат. Староста која може да ја доживее Aloe dichotoma е околу 80 години. Од неговите гранки, Бушманите прават футроли за нивните стрели, а со длабење на дебелите трупци прават природни фрижидери во кој чуваат вода, зеленчук и месо.

Сукулент на денот 286/11 е...

Aloe dichotoma

Photobucket

Photobucket

Фамилија: Asphodelaceae
Род: Aloe
Вид: A. dichotoma
Народнo имe: Quiver tree, Kokerboom, Tree Aloe, Choje
Синоним(и): Aloe montana, Aloe ramosa, Aloe dichotoma var. montana, Rhipidodendrum dichotomum
Потекло: Јужна Африка (Namaqualand, Bushmanland), Намибија
Боја на цветот: Светло жолта
Сезона на цветање: Зима (првите цветови се појавуваат кога билките ќе наполнат околу 20-30 години)
Висина: до 9 m
Дијаметар: до 1 m

Photobucket

Одгледување:
Лесно се одгледува во супстрат со добра дренажа, на места изложени на директно сонце или во блага сенка. Во лето толерира полевање еднаш неделно. Во зимските месеци се полева еднаш месечно или воопшто не се полева. Може да издржи подолг период без вода. Редовното полевање во сезоната кога расте е во прилог на подобро напредување и цветање. Неправилно полевање, слаба дренажа или премногу сенка може да доведе до појава на болести и штетници. Во зимскиот период се препорачува да се чува во простории на температура од околу 10°C. Минималната температура која може да ја толерира е -5°C.

Photobucket

Размножување:
Лесно се размножува со семе. Се размножува и со режење и израстоци (доколку ги има)

Надворешен линк: Овде

Почнувајќи од мај оваа година, Kew World Checklist of Selected Plant Families препознава три подвидови на овој сукулент: Aloe dichotoma subsp. dichotoma, Aloe dichotoma subsp. pillansii и Aloe dichotoma subsp. ramosissima. Предходно тие беа третирани како три посебни видови: Aloe dichotoma, Aloe pillansii и Aloe ramosissima. Во продолжение следува кратка презентација и на другите два...

Aloe dichotoma subsp. pillansii

Photobucket

Photobucket

Фамилија: Asphodelaceae
Род: Aloe
Вид: A. dichotoma subsp. pillansii
Народнo имe: Giant Quiver Tree
Синоним(и): Aloe pillansii
Потекло: Јужна Африка, Намибија
Боја на цветот: Светло жолта
Сезона на цветање: Пролет
Висина: до 12 m

Надворешен линк: Овде

Aloe dichotoma subsp. ramosissima

Photobucket

Photobucket

Фамилија: Asphodelaceae
Род: Aloe
Вид: A. dichotoma subsp. ramosissima
Народнo имe: Maiden's Quiver Tree
Синоним(и): Aloe ramosissima
Потекло: Јужна Африка, Намибија
Боја на цветот: Светло жолта
Сезона на цветање: Зима
Висина: до 1,8 (може да се сретнат и примероци до 2,4) m

Надворешен линк: Овде

Mоже да се сретнат и неколку хибриди добиени со вкрстување на овој сукулент со други видови на Aloe. Два од нив се добиени со вкрстување на Aloe dichotoma и Aloe barberae...

Aloe dichotoma x barberae 'Rex'

Photobucket

Photobucket

Фамилија: Asphodelaceae
Род: Aloe
Вид: A. dichotoma x barberae 'Rex'

Aloe barberae x dichotoma 'Hercules'

Photobucket

Photobucket

Фамилија: Asphodelaceae
Род: Aloe
Вид: A. barberae x dichotoma 'Hercules'
Боја на цветот: Портокалова
Сезона на цветање: Зима
Висина: до 12 m

Една малку поинаква Орхидеја може да видите овде. Неа, заедно со уште 98 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.
Related Posts Plugin for WordPress, Blogger...