5/31/2010

Пустински цветови, градници и мини сукњи

Во 1940 година со цел да го промовираат својот град Тусон (Аризона) и привлечат туристи во него, Tucson Sunshine Climate Club во соработка со локалниот фотограф Roy P. Drachman (локална легенда) ги направиле овие фотографии кои биле објавени во повеќе од 500 весници меѓу кои LIFE и некои од Кина и Јужна Африка.

Photobucket

Двете локални девојки кои биле дел од таа интересна промотивна кампања се Mary Thorebecke и Merri Ciochetti.

Photobucket

Носеле градници кои биле направени од исечени врвови на вистински Saguaro кактуси и сукњи од кактуси од родот Opuntia.

Photobucket

Кактусоt на кој седи Merri Ciochetti е Barrel cactus (некој Echinocactus или Ferocactus). За да не биде боцната, пред да седне на него врвот му бил исечен.

Photobucket

КАКТУСАРНИЦА фото на денот

Photobucket

5/30/2010

ЕPICON XII

Во организација на Cactus and Succulent Society of America вчера во Калифорнија се одржала EPICON XII - The Epiphyllum Societies Conference. На конференцијата излагањата на говорниците поврзани со кактусите од родот Epiphyllum биле пропратени и со изложба на кактуси и цветови од истите (по кои овој кактус е и препознатлив и на кои всушност се должи неговата голема популарност)...

Photobucket

Photobucket

Photobucket

Photobucket

Photobucket

КАКТУСАРНИЦА фото на денот

Photobucket

5/29/2010

Живи камења

Lithops bromfieldii (Литопс бромфилди) е сукулент од родот Lithops. Овие интересни сукуленти потекнуваат и во природа може да се сретнат во поголема област на Намибија и Јужна Африка, мала погранична област во Боцвана, а можно е да се сретнат и во Ангола. Lithops доаѓа од старогрчките зборови “lithos“, што значи “камен“ и “-ops“, што значи “лице“…што во превод на македонски би му дошло нешто како камено лице. Сукулентите од овој род може да се сретнат и како Pebble plants или Living stones.

Сукулент на денот 149/10 е...

Lithops bromfieldii

Photobucket

Фамилија: Aizoaceae
Род: Lithops
Вид: L. bromfieldii
Народнo имe: Living Stone, Stone plant
Синоними: Lithops bromfieldii var. bromfieldii
Потекло: Јужна Африка
Боја на цветот: Жолта
Сезона на цветање: Средина на есен, почеток на зима
Висина: до 15 cm
Дијаметар: 2x2,5 cm

Photobucket

Одгледување
Се одгледува на директно сонце или во блага сенка, во супстрат со добра дренажа. Во летниот период се полева умерено и тоа само кога е топло. Не ги полевајте кога е ладно. Во зима не се полеваат воопшто. Во тој период овие сукуленти ја извлекуваат водата од надворешните листови со што им овозможуваат да се исушат, а водата ја распоредуваат во новите листови и остатокот од билката. Минималната температура која ја толерираат овие “камења“ е -4 °C.

Размножување:
Со семе.

Photobucket

Надворешен линк: Овде

Освен основниот вид на овој сукулент, може да се сретнат и повеќе други негови сорти и форми. Во продолжение и неколку од нив...

Lithops bromfieldii var. insularis

Photobucket

Фамилија: Aizoaceae
Род: Lithops
Вид: L. bromfieldii var. insularis
Народнo имe: Living Stone
Синоними: Lithops insularis
Боја на цветот: Жолта
Сезона на цветање: Доцна пролет, средина на есен
Висина: до15 cm

Lithops bromfieldii var. glaudinae

Photobucket

Фамилија: Aizoaceae
Род: Lithops
Вид: L. bromfieldii var. glaudinae
Народнo имe: Living Stone
Синоними: Lithops glaudinae
Боја на цветот: Жолта
Сезона на цветање: Средина на есен, почеток на зима
Висина: до 15 cm

Lithops bromfieldii var. mennellii

Photobucket

Фамилија: Aizoaceae
Род: Lithops
Вид: L. bromfieldii var. mennellii
Народнo имe: Living Stone
Синоними: Lithops mennellii
Боја на цветот: Жолта
Сезона на цветање: Средина на есен, почеток на зима
Висина: до 15 cm

КАКТУСАРНИЦА фото на денот

Photobucket

5/27/2010

Прихрана

Како и другите видови на домашни билки, така и кактусите и сукулентите имаат потреба од хранливи материи, но не во големи количини. На кактусите им е потребно прихрана само еднаш или двапати годишно (во доцна пролет или лето) кога тие активно растат. Може да се користи ѓубриво (половина од препорачаната количина) за собни билки, кое има повеќе фосфор отколку азот. На истиот начин, сукулентите можат да се прихрануваат три или четири пати во летните месеци.

Ѓубривата ги содржат состојките неопходни за здрав раст на билките. Тие може да бидат од органско или неорганско потекло, во течна или во цврста состојба (во облик на прав и гранули). Органските ѓубрива содржат многу корисни елементи, но од друга страна имаат недостаток на потребните елементи за раст. Поради тој недостаток, долготрајната употреба на органски ѓубрива може да доведе до негативни последици за билките.

Главни елементи и нивно дејство на билките:
(N)
Азот - го стимулира растот во висина, помага во изградбата на протоплазмата, протеини и други компоненти на ќелиите/клетките на билката.
(P)
Фосфор (фосфати) - го стимулира кореновиот раст. Помага при формирањето на плодот и семето.
(K)
Калиум - го стимулира цветањето и давањето на плодови.

Во рана пролет се препорачува користење на ѓубриво со низок процент на азот. Односот NPK (5-10-5) е најдобар. Измешајте го ѓубривото со супстратот и ќе ги храни кактусите во текот на целото лето. Друг начин на прихрана е со користење на ѓубрива кои се растворливи во вода. Schultz и некои други производители прават течни ѓубрива за кактуси и сукуленти. Овој метод подразбира ѓубрење на секои една (или две) недели во текот на сезоната на растење). На пустинските кактуси повеќе им одговара течното ѓубриво во споредба со тоа во гранули, но може да се заклучи и дека на кактусите генерално повеќе им одговара течното ѓубриво.

Photobucket

Течно ѓубриво за кактуси кое може да се најде во Македонија (барем јас само тоа сум го сретнал) е производ на Семенарна од Љубљана од истата програма Valentin од која беше и супстратот за кактуси за кој пишував пред некое време и кој може да го најдете во Реплек Хубо Маркет. И ова ѓубриво може да го најдете таму, но и низ цвеќарниците, пазарите и земјоделски аптеки низ градот и државата. Односот NPK на ова ѓубриво е 3-5-7.
Photobucket

Доколку не може да најдете ѓубриво специјално за кактуси и сукуленти, алтернатива може да биде ѓубриво за домати со мал процент на азот (NPK 8-20-10).

Кактуси и сукуленти кои не се закоренети или се штотуку пресадени не се прихрануваат. Не се ѓубрат воопшто и во периодот на мирување (од ноември до март).

Извори: CactusInfo, NebGuide

КАКТУСАРНИЦА фото на денот

Photobucket

5/25/2010

Спас во последен час

Многу често се случува од преголема грижа (полевање) на кактусите и сукулентите, тие да почнат да скапуваат. Во денешната Видео лекција, Cindy Arredondo од Desert to Tropics ќе ви покаже (доколку се соочите со таков проблем) како да ги спасите вашите билките...

КАКТУСАРНИЦА фото на денот

Photobucket

5/24/2010

Кикириките на Магдалена

Во рубриката Вашите кактуси и сукуленти во мојата КАКТУСАРНИЦА денес со вас споделувам две фотографии кои ми ги испрати Магдалена од нејзиниот расцветан Echinopsis chamaecereus, кој е познат и како Кикирики кактус...

Photobucket

Photobucket

Благодарам Магдалена! :-)

Фотографии од вашите сукулентни миленици може да ми праќате на kaktusarnica@gmai.com.

КАКТУСАРНИЦА фото на денот

Photobucket

5/21/2010

Поштенска марка од Куба

Уште една марка во мојата дигитална колекција на поштенски марки. Издадена е во Куба во 1978, со кактус Opuntia militaris (Opuntia triacantha) на неа...

Photobucket

Освен тие 7 од Танзанија и 6 од Бенин за марката која била издадена во 1986 од поштата на тогашна Југославија, со голем Cereus во средината, давам и уште 6 од Суринам. :-)

КАКТУСАРНИЦА фото на денот

Photobucket

5/20/2010

Џинот од Аризона

Carnegia gigantea (Карнегија гигантеа) е кактус кој се вбројува во групата на најголемите кактуси, односно пустински билки. Воедно веројатно е и најславниот кактус во светот. Речиси секој има слушнато за овој величествен симбол на пустината. Многу е попознат како Saguaro. Неговиот цвет е state flower на Аризона. Еден Saguaro (изговорено на македонски јазик ќе му дојде нешто како Савароу) произведува дестици илјади семки во годината или повеќе од 40 милиони (но само многу мал дел од нив доживуваат зрелост) во текот на неговиот животен век, кој се движи од 175 до 200 години.

Кактус на денот 140/10 е...

Carnegiеa gigantea

Photobucket

Фамилија: Cactaceae
Род: Carnegiea
Вид: C. gigantea
Народнo имe: Saguaro, Sahuaro, Sahuara, Giant Cactus
Синоними: Cereus giganteus, Pilocereus engelmanii, Pilocereus giganteus
Потекло: Сонорската пустина во Аризона, сојузните држави Сонора и Баја Калифорнија во Мексико и мала област во Калифорнија
Боја на цветот: Бела
Сезона на цветање: Мај до јуни
Висина: 12-15 m (може да се сретнат и повисоки примероци)
Дијаметар: 30-65 cm

Photobucket

Одгледување
Се одгледува во супстрат со добра дренажа, на места изложени на директно сонце. Се полева редовно во летниот период, притоа како и кај најголемиот број на кактуси и сукуленти супстратот се остава да се исуши помеѓу две полевања. Во зимските месеци подобро е да не се полева или тоа да биде минимално. Бидејќи станува збор за големи билки, овој кактус бара и поголем простор за своите корења. Се препорачува пресадување секоја втора година или кога корењата ќе му излезат надвор од саксијата.

Размножување:
Со семе и израстоци.

Photobucket

Овој кактус расте екстремно споро. За 15 години може да достигне само околу 35 cm. Дури после 30 години Saguaro почнува да цвета и да раѓа плодови. Во 50ата година може да достигне околу 2 m, а некаде на 75 години ги добива и првите гранки, односно “раце“. За 100 години може да достигне висина до 7,5 m. За возрасен Saguaro се смета кактус кој е стар околу 125 години. Saguaro може да живее најмалку 150 години. Најголемите примероци кои може да се сретнат достигнуваат повеќе од 15 m во височина и повеќе од 10 тони во тежина.
Еве како изгледа Saguaro на 7, 20 и 27 години...

Photobucket

Photobucket

Photobucket

Надворешен линк: Овде

Освен во основниот вид, овој кактус може да се сретне и во други сорти, односно форми...

Carnegiea gigantea f. monstruosa

Photobucket

Фамилија: Cactaceae
Род: Carnegiea
Вид: C. gigantea f. monstruosa
Народнo имe: Saguaro
Боја на цветот: Бела
Сезона на цветање: Средина на пролет до средина на лето
Висина: 4,7-6 m

Carnegiea gigantea f. cristate

Photobucket

Фамилија: Cactaceae
Род: Carnegiea
Вид: C. gigantea f. cristate
Народнo имe: Crested Saguaro
Синоними: Carnegia gigantea f. cristata, Cereus giganteus f. cristate, Pilocereus giganteus f. cristate, Pilocereus engelmanii f. cristate
Боја на цветот: Бела
Сезона на цветање: Крај на пролет, почеток на лето
Висина: до 12 m

КАКТУСАРНИЦА фото на денот

Photobucket

5/18/2010

Прошетка низ едно царство

Денеска ве носам на видео прошетка низ сукулентното царство на Jeff Pavlat, член на Austin Cactus & Succulent Society.

Додека се восхитувате од изобилството на кактуси и сукуленти кои ќе ги сретнете низ неговите фасцинантно уредени двор, тераса, стакленик...ќе ја слушнете и неговата приказна за откривањето на страста кон овие билки и создавањето на неговото сукулентно царство ...

КАКТУСАРНИЦА фото на денот

Photobucket
Related Posts Plugin for WordPress, Blogger...