9/29/2011

Дилдо кактус

Acanthocereus tetragonus (Акантоцереус тетрагонус) е вид на кактус кој потекнува од Јужна Флорида, ниските делови на долината Рио Гранде во Тексас, Мексико, Централна Америка, Карибите и северниот дел на Јужна Америка. Најчесто кај народот е познат како Dildo Cactus, Triangle Cactus или Barbed-wire Cactus. Неговите млади гранки може да се јадат свежи или варени, а се јадат и неговите плодови кои имаат сладок вкус.

Кактус на денот 272/11 е...

Acanthocereus tetragonus

Photobucket

Фамилија: Cactaceae
Род: Acanthocereus
Вид: A. tetragonus
Народнo имe: Dildo Cactus, Night-blooming Cereus, Barbed-wire Cactus, Sword Pear, Triangle Cactus, Nun-tsusuy, Pitahaya Anaranjada, Órgano-alado de Pitaya
Синоними: Cactus tetragonus, Cactus tetragonus, Acanthocereus pentagonus, Cactus prismaticus, Acanthocereus princeps, Cereus princeps, Cereus pentagonus, Acanthocereus pitajaya, Acanthocereus floridanus, Acanthocereus columbianus, Cereus acutangulus, Acanthocereus acutangulus, Acanthocereus brasiliensis, Cactus pitajaya, Cereus variabilis, Cereus dussii
Потекло: Јужна Флорида, ниските делови на долината Рио Гранде во Тексас, Мексико, Централна Америка, Карибите и северниот дел на Јужна Америка
Боја на цветот: Бела, зеленкасто-бела
Сезона на цветање: Кон крајот на летото (навечер)
Висина: до 6 m (може да се сретнат и повисоки примероци)
Дијаметар: 6-8 cm (има 3-5 агли)

Photobucket

Photobucket

Одгледување:
Овој кактус се одгледува во супстрат со добра дренажа. Може да се одгледува и на директно сонце, но се препорачува одгледување во блага или целосна сенка. Толерира суша. Има просечна потреба за вода. Се полева редовно, а помеѓу две полевања супстратот се остава да се исуши. Температура на која се препорачува да се чува во зимскиот период е 7 °C. Минималната температура која може да ја толерира е -4 °C.

Photobucket

Размножување:
Се размножува со семе и со режење.

Надворешен линк: Овде

Освен основниот вид на овој кактус, може да се сретнат и неколку други сорти...

Acanthocereus tetragonus var. variegata

Photobucket

Фамилија: Cactaceae
Род: Acanthocereus
Вид: A. tetragonus var. variegata
Синоними: Cereus tetragonus var. variegata
Висина: 45 - 120 cm

Acanthocereus tetragonus 'Fairy Castles'

Photobucket

Фамилија: Cactaceae
Род: Acanthocereus
Вид: A. tetragonus 'Fairy Castles'
Народнo имe: Fairy Castle Cactus
Потекло: Бразил
Висина: до 1,8 m

Забелешка: Освен генерално како Acanthocereus tetragonus 'Fairy Castles', овој кактус, овде и на неколку други страници и форуми може да се сретне и како Cereus hildmannianus subsp. uruguayanus 'Fairy Castle'. Поради тоа тој е обработен и во записот Кралица на ноќта, во рамки на претставувањето на кактусот Cereus hildmannianus.

Доколку не ви е страв :-), овде може да се соочите со еден атрактивен Дух, кој потекнува од Мексико. Него, заедно со уште 96 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

КАКТУСАРНИЦА фото на денот

Photobucket

9/28/2011

Приказна

Просторот во мојата КАКТУСАРНИЦА и денес е посебно убав благодарение на вашите кактуси и сукуленти. Фотографиите кои денес имате можност да ги видите се од албумот на Симона Кириќ од Скопје.

Нејзината сукулентна приказна започнала пред неколку години кога добила еден кактус на подарок. Остатокот од приказната, во продолжение преку фотографииите ја раскажуваат нејзините миленици...

Photobucket

Photobucket

Photobucket

Photobucket

Photobucket

Photobucket

Photobucket

Благодарам Симона!

Рубриката Вашите кактуси и сукуленти во мојата КАКТУСАРНИЦА е секогаш отворена за фотографии од вашите миленици. Може да ми ги праќате на kaktusarnica@gmail.com, Facebook

КАКТУСАРНИЦА фото на денот

Photobucket

9/23/2011

Четири Филипинки

Мојата дигитална колекција од вечерва е побогата за уште еден сет од 4 поштенски марки со кактуси и сукуленти на нив. Марките се издадени во 2003 година во Филипини и се со вредност од 6 филипински пеза.

Првите две марки се со сукулентите Aloe humilis и Euphorbia golisana, а на другите две се кактуси, Gymnocalycium spinosissima!? и Mammillaria spinosissima.

Освен поради тоа што овие поштенски марки се со кактуси и сукуленти на нив, сетот е интересен и поради уште еден момент. Имено, кактус од родот Gymnocalycium со име “spinosissima“ (кое може да се прочита на едната од марките) нема или барем не можат да се сретнат информации за таков вид. Веројатно станува збор за печатна грешка која се провлекла поради името на видот на кактусот Mammillaria spinosissima, кој е на другата поштенска марка.

Photobucket

Потрагата по марката која била издадена во 1986 од поштата на тогашна Југославија, со голем Cereus во средината продолжува! :-)

КАКТУСАРНИЦА фото на денот

Photobucket

9/21/2011

Дух

Graptopetalum paraguayense (Граптопеталум парагуаензе) е сукулент кој потекнува од Мексико. Познат е како Mother-of-pearl-plant или Ghost plant и има бели цветови во форма на ѕвезда петокрака.

Сукулент на денот 264/11 е...

Graptopetalum paraguayense

Photobucket

Фамилија: Crassulaceae
Род: Graptopetalum
Вид: G. paraguayense
Народнo имe: Mother of Pearl Plant, Ghost plant
Синоним(и): Sedum weinbergii
Потекло: Мексико
Боја на цветот: Бела, црвена
Сезона на цветање: Средина на лето
Висина: до 30 cm

Photobucket

Одгледување:
Се одгледува во супстрат со добра дренажа, на места изложени на директно сонце или во блага сенка. Во периодот кога расте се полева редовно, но умерено. Супстратот помеѓу две полевања треба да се остави да се исуши. Не заборавајте да го намалите полевањето во текот на зимата. Во овој период потребно е да се полева само повремено, колку да не дојде до сушење на неговите листови. Минималната температура која може да ја толерира е -5°C.

Photobucket

Размножување:
Со семе. Лесно се размножува и со режење на листови и гранчиња.

Надворешен линк: Овде

Освен основниот вид може да се сретнат и неколку други сорти и хибриди...

Graptopetalum paraguayense 'Pinky'

Photobucket

Фамилија: Crassulaceae
Род: Graptopetalum
Вид: G. paraguayense 'Pinky'
Народнo имe: Ghost Plant, Mother of Pearl Plant
Боја на цветот: Светло розева
Сезона на цветање: Средина на пролет
Висина: 30-45 cm

Graptopetalum paraguayense 'Variegata'

Photobucket

Фамилија: Crassulaceae
Род: Graptopetalum
Вид: G. paraguayense 'Variegata'
Народнo имe: Ghost Plant, Mother of Pearl Plant
Боја на цветот: Розева, кремава
Сезона на цветање: Лето-есен
Висина: 15-30 cm

X Graptoveria paraguayense x ciliata

Photobucket

Хибрид помеѓу Graptopetalum paraguayense и Echeveria ciliata.

Фамилија: Crassulaceae
Род: X Graptoveria (хибрид помеѓу Graptopetalum и Echeveria)
Вид: X Graptoveria paraguayense x ciliata
Висина: до 15 (15-30) cm

X Graptoveria paraguayense x gigantea

Photobucket

Хибрид помеѓу Graptopetalum paraguayense и Echeveria gigantea.

Фамилија: Crassulaceae
Род: X Graptoveria (хибрид помеѓу Graptopetalum и Echeveria)
Вид: X Graptoveria paraguayense x gigantea
Висина: до 15 (15-30) cm

Со едно Брадесто џуџе може да се сретнете овде. Него, заедно со уште 95 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

КАКТУСАРНИЦА фото на денот

Photobucket

9/20/2011

Сите дејства на Aлое вера

За Aloe vera веќе пишував, а во неколку наврати и пренесов текстови кои ги среќавав низ македонските портали, а се однесуваа на неговите лековити својства и неговата хранлива вредност. Денес во Вест наидов на уште еден интересен текст, од кој меѓу другото може да научите и неколку корисни рецепти за напитоци со Алое вера. Во продолжение ви го пренесувам текстот во целост...
Заради хранливата вредност и лековитите својства, алое верата ја нарекуваат кралица на лековитите билки. Веќе 2500 години човештвото ги познава нејзините драгоцени својства. Ја користеле индијанците од средна и јужна Америка. Традиционално ја земале и за мачнини во желудникот, артирисот, дијабетисот и ослабениот имунитет од долготрајни болести.

Photobucket

Алое верата ја чува младоста и витоста. Научниците докажале дека гелот алое содржи повеќе од 240 хранливи и лековити состојки, меѓу кои и витамините А, Б1, Б2, Б3, Б6, Б9, Б12, Ц, и Е. Содржи и повеќе од 20 минерали, седум од осумте есецијални киселини и 14 неесенцијални аминокиселини.

Напитоци за слабеење
Алое верата, заедно со овошјето делува како вистинско средство за слабеење. Во таа комбинација не доаѓа до напад на глад, затоа што организмот ги добива потребните витамини и минерали.
* Во текот на денот напијте се по два пијалока со алое вера, ваше е да одберете кој. Идеално време : наутро на празен желудник, навечер пред спиење или 2 часа по јадење.
* Пред, за време и по оброкот напијте се 2-3 литри вода.

Фрапе од смокви
Ако имате проблеми со варење, ова е идеален пијалок. Има лесно дијаретично делување, го јакне желудникот и ја ослободува работата на цревата.
* Измиксајте: 3 големи свежо излупени смокви, 50 милилитри сок од алое вера, една лажичка мед и 10 грама инстант интегрални овесни снегулки. Напитокот можете да го освежите со минерална вода.
* Содржи: 150 калории, 1 грам маснотии, 30 грама јаглехидрати, 3 грама белковини

Пијалок од грепфурт и ѓумбир
Алое верата ги излачува отровните материи од телото, ѓумбирот го разбудува метаболизмот, а витаминот Ц од грепфуртот и од лимонот го поттикнува согорувањето на калориите.
* Измиксајте: два до три грејпфурта и пола лимон, 20 грама изрендан ѓумбир и 50 милилитри сок од алое вера.
* содржи: 150 калории, 1 грам маснотии, 20 грама јаглехидрати, 2 грама велковини.

КАКТУСАРНИЦА фото на денот

Photobucket

9/13/2011

Екстра колекција

Лазар Плетварски (оригинал кавадарчанец кој веќе 5 години е аеродромец :-)) со растенијата е од кога знае за себе. Поради ограничениот простор на терасата и станот во кој сега живее, решил во него да најдат место само растенија кои се (како што ќе каже) екстра добри и посебни.

Токму тоа е и причината зошто Лазар во последните години им се посветил само на кактусите и сукулентите. Набавува исклучиво мали билки, па си ги расте. :-) Во својата екстра колекција има 35-40 видови на кактуси и 3 други сукуленти.

Вечерва во КАКТУСАРНИЦА имате екстра можност да видите неколку од нив...

Photobucket

Photobucket

Photobucket

Photobucket

Photobucket

Рубриката Вашите кактуси и сукуленти во мојата КАКТУСАРНИЦА е секогаш отворена за фотографии од вашите миленици. Може да ми ги праќате на kaktusarnica@gmail.com, Facebook

Благодарам Лазар!

КАКТУСАРНИЦА фото на денот

Photobucket
Related Posts Plugin for WordPress, Blogger...