11/29/2011

Висечки терариуми

Да се засадат растенијата во овие тесни стаклени садови бара и многу време, и многу нерви, но кога работата ќе се заврши, задоволството е огромно...

Photobucket

КАКТУСАРНИЦА фото на денот

Photobucket

11/28/2011

Златна опашка на стаорец

Cleistocactus winteri (Клеистокактус винтери) е еден од трите видови (Cleistocactus winteri, Disocactus flagelliformis, Cylindropuntia leptocaulis) на кактуси кои се познати како Rat Tail Cactus. Карактеристични за овој атрактивен (особено ако е засаден во висечка саксија) кактус кој потекнува од Јужна Америка, се неговите кратки и остри златно-жолти боцки.

Кактус на денот 332/11 е...

Cleistocactus winteri

Photobucket

Фамилија: Cactaceae
Род: Cleistocactus
Вид: C. winteri
Народнo имe: Golden Rat Tail
Синоним: Hildewintera aureispina, Loxanthocereus aureispinus, Winterocereus aureispinus, Borzicactus aureispinus, Winteria aureispina, Cleistocactus aureispinus
Потекло: Аргентина до Уругвај
Боја на цветот: Портокалова до светло розева, светло розева, црвенкаста
Сезона на цветање: Пролет-лето
Висина: до 1 m (може да се сретнат и повисоки примероци)
Дијаметар: до 6 cm

Photobucket

Одгледување
Лесен е за одгледување и се препорачува за почетници. Се одгледува во супстрат со добра дренажа, во блага сенка или на места изложени на директно сонце. Во летниот период се полева редовно. Притоа супстратот помеѓу две полевања се остава да се исуши. Во зима подобро е да не се полева воопшто или да се полева само повремено со мала количина на вода. Бидејќи станува збор за брзорастечки кактус, тој има потреба и од простор за неговите корења. Поради тоа треба да се пресадува секоја година или кога растението ќе ги надмине димензиите на саксијата во која е засаден. Во зима се препорачува да се чува на температура од околу 10°C. Минималната температура која може да ја толерира е -2°C.

Photobucket

Размножување:
Во пролет лесно се размножува со режење (резиците се оставаат да се засушат на крајот кај што се пресечени, односно не се засадуваат додека местото не стане тврдо). Се размножува и со семе (семките р'тат од 14-28 дена на температура од 20°C).

Надворешен линк: Овде

Освен основниот вид на овој кактус, многу популарна е и формата Cleistocactus winteri f. cristata, која најчесто е калемена на стебло на Hylocereus undatus.

Cleistocactus winteri f. cristata

Photobucket

Фамилија: Cactaceae
Род: Cleistocactus
Вид: C. winteri f. cristata
Народнo имe: Crested Golden Rat Tail
Синоним: Hildewinteria aureispina f. cristata, Cleistocactus aureispinus f. cristata, Borzicactus aureispinus, Loxanthocereus aureispinus f. cristata, Synonym:Winteria aureispina f. cristata
Висина: 15-30 cm

Освен оваа форма (иако многу ретко) може да се сретне и еден подвид...

Cleistocactus winteri subsp. colademono

Photobucket

Photobucket

Фамилија: Cactaceae
Род: Cleistocactus
Вид: C. winteri subsp. colademono
Синоним: Hildewintera colademononis, Hildewintera polonica
Потекло: Јужна Америка
Боја на цветот: Портокалова, црвена
Висина: 15-45 cm

Cleistocactus winteri (пред рекласификацијата Hildewintera aureispina) е стар вид кој интензивно бил вкрстуван со други кактуси (особено со видови од родовите Echinopsis и Lobivia, но и со видови и од Matucana, Cleistocactus (Akersia), а и некои други), што резултирало со добивање на голем број на атрактивни и интересни хибриди. Познати се како Cleistocactus Hybrids (сеуште многу почесто се среќаваат со името кое ги имале пред да бидат рекласифицирани, Hildewintera Hybrids) и се одликуваат со восхитувачки цветови во различни бои.

Cleistocactus hybrid 'Alpha'

Photobucket

Cleistocactus hybrid 'Hunke Klein Gelbe'

Photobucket

Cleistocactus hybrid 'Rubin'

Photobucket

Cleistocactus hybrid 'Aurora'

Photobucket

Cleistocactus hybrid 'Hermann Helm'

Photobucket

Cleistocactus hybrid 'Noeller'

Photobucket

Cleistocactus hybrid 'Pink Traisen'

Photobucket

Една необична Влакнеста морска ѕвезда може да видите овде. Неа, заедно со уште 105 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

КАКТУСАРНИЦА фото на денот

Photobucket

11/24/2011

Зошто кактусот е толку популарен?

Најинтересниот одговор на оваа прашање е даден преку една епизода од серијалот (на кратки анимирани филмови за деца) Just So Darwin на BBC.

Приказната во филмот започнува еден ден кога дедото Чарли, една постара желка и неговиот внук Сем ги зафатил силен дожд...


КАКТУСАРНИЦА фото на денот

Photobucket

11/22/2011

Влакнеста морска ѕвезда

Stapelia hirsuta (Стапелија хирсута) е сукулент со цвет кој наликува на морска ѕвезда. Цветот е карактеристичен за сите видови од родот Stapelia. Освен по атрактивниот изглед на цветот, за жал овој сукулент е препознатлив и по неговиот непријатниот мирис (за среќа мирисот не е многу изразен и може да се почувствува само ако се помириса од блиску), па освен како Starfish flower, кај народот е познат и како Carrion Plant. Името “hirsuta“ истотака го добил поради цветот и значи “влакнест“. Stapelia hirsuta е тесно поврзан и е многу сличен со видот Stapelia grandiflora.

Сукулент на денот 326/11 е...

Stapelia hirsuta

Photobucket

Photobucket

Фамилија: Apocynaceae
Род: Stapelia
Вид: S. hirsuta
Народнo имe: Starfish flower, Carrion Plant
Синоними: Stapelia comata, Stapelia depressa, Stapelia patula, Stapelia lanifera, Stapelia elongata
Потекло: Јужна Африка (Cape Province)
Боја на цветот: Темно црвена, магента (розево виолетова), виолетова-кафеава
Сезона на цветање: Крај на лето и есен
Висина: 15-30 cm

Photobucket

Одгледување:
Овој сукулент е еден од најраспространетите и најодгледуваните видови од родот Stapelia. Се одгледува во супстрат кој има добра дренажа, на мeста во делумна или блага сенка. Може да се одгледува и на места изложени на директно сонце, но изложеноста на многу силно сонце може да предизвика потемнување на стеблото. Треба да се полева умерено во периодот кога расте. Толерира суша, но во лето кога температурите се највисоки треба да се полева почесто и пообилно и дополнително да се прихрани. Со тоа ќе се поттикне цветањето. На секои две години треба да се пресади. Во зима, во зависност од температурата, се полева само повремено со мала количина на вода. При ниски температури, супстратот не треба да биде сув, бидејќи може да дојде до оштетување на корењата. Просечната температура на која е препорачливо да се чуваат во зимскиот период е околу 10°C. Нема потреба за загриженост и доколку температурите паѓаат до 5°C, но треба да се избегнува изложеност на температури околу 0°C.

Photobucket

Размножување:
Многу лесно се размножува со режење на стеблото. Резниците треба да се остават најмалку еден ден да се исушат и потоа да се засадат. Се размножува и со семе, кое се засејува во пролет.

Надворешен линк: Овде

Stapelia hirsuta е многу варијабилен вид. Освен основниот вид, може да се сретнат и голем број на други сорти и хибриди добиени со природно или вештачко вкрстување...

Stapelia hirsuta var. gariepensis

Photobucket

Фамилија: Apocynaceae
Род: Stapelia
Вид: S. hirsuta var. gariepensis
Синоними: Stapelia gariepensis
Потекло: Јужна Африка и Намибија

Stapelia hirsuta var. baylissii

Photobucket

Фамилија: Apocynaceae
Род: Stapelia
Вид: S. hirsuta var. baylissii
Потекло: Јужна Африка

Stapelia hirsuta var. tsomoensis

Photobucket

Фамилија: Apocynaceae
Род: Stapelia
Вид: S. hirsuta var. tsomoensis
Потекло: Јужна Африка

Stapelia hirsuta var. vetula

Photobucket

Фамилија: Apocynaceae
Род: Stapelia
Вид: S. hirsuta var. vetula
Потекло: Јужна Африка

Stapelia gigantea X Stapelia hirsuta

Photobucket

Еден мексикански Каиш, може да видите овде. Него, заедно со уште 104 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

КАКТУСАРНИЦА фото на денот

Photobucket

11/18/2011

Каиш

Disocactus ackermannii (Дизокактус акермани) е споро-растечки повеќестеблест кактус. Неговото стебло најчесто е рамно, во форма на каиш, но може да биде и тространо. Потекнува од дождовните шуми во Мексико и порано бил познат како Epiphyllum ackermannii.

Кактус на денот 322/11 е...

Disocactus ackermannii

Photobucket

Фамилија: Cactaceae
Род: Disocactus
Вид: D. ackermannii
Народнo имe: Orchid Cactus, Strap Cactus
Синоними: Epiphyllum ackermannii, Phyllocactus weingartii, Nopalxochia ackermanni, Phyllocactus ackermanni, Disocactus ackermannii var. ackermannii, Cactus ackermanii, Cereus ackermanii, Nopalxochia conzattianum
Потекло: Мексико (Veracruz и Oaxaca)
Боја на цветот: Црвена, портокалова, магента, црвено-портокалова (ако има бела боја на цветот, тогаш тоа е некој хибрид)
Сезона на цветање: Пролет-лето
Висина: 15-75 cm

Photobucket

Одгледување
Се одгледува во супстрат кој има добра дренажа, на места каде има силна, но филтрирана светлина (блага сенка). Најдобро расте во висечки саксии, во средина во која има постојана топлина и влажност. Има умерена потреба за вода. Во перидот кога расте треба да се полева редовно. Помеѓу две полевање супстратот треба да се остави да се исуши. Во зимскиот период треба да се чува во простор во кој просечната температура е околу 10-15 °C. Може да толерира и пониски температури, но не е отпорен на смрзнување.

Photobucket

Размножување:
Со семе и режење.

Надворешен линк: Овде

Освен основниот вид може да се сретне и една друга сорта од овој кактус...

Disocactus ackermannii var. conzattianus

Фамилија: Cactaceae
Род: Disocactus
Вид: D. ackermannii var. conzattianus
Народнo имe: Orchid Cactus, Strap Cactus
Синоними: Pseudonopalxochia conzattiana, Disocactus ackermannii var. conzattianum, Nopalxochia ackermannii var. conzattiana, Nopalxochia conzattiana
Потекло: Мексико (Veracruz и Oaxaca)
Боја на цветот: Црвена, темно црвена
Сезона на цветање: Пролет-лето
Висина: 30-90 cm

Orchid Cactus-ите се многу распространети, но всушност најголемиот број од тие што се среќаваат се хибриди кои се познати под името Disocactus X hybridus (голема е веројатноста некоја од фотографиите погоре да не е од Disocactus ackermannii, туку од некоја сорта од хибридите). Хибридите долго време погрешно биле сметани дека се Disocactus ackermannii. Тие се создадени со вкрстување на Disocactus phyllanthoides и Disocactus speciosus. Нивната распространетост и популарност се должи на тоа што тие за разлика од Disocactus ackermannii (кој бара поспецифични услови), лесно се одгледувваат и може да преживеат и цветаат во многу различни услови. Вкрстувањето било повторувано повеќе пати, што резултирало со голем број на сорти, од кои некои денес не може да се идентификуваат и доведуваат до забуни.

Во продолжение кратко ви презентирам две сорти кои во своето име го имаат зборот "Ackermannii". Повеќе информации за овие хибриди и други идентификувани нивни сорти, може да најдете овде.

Disocactus X hybridus 'Ackermannii'

Photobucket

Фамилија: Cactaceae
Род: Disocactus
Вид: D. X hybridus 'Ackermannii'
Народнo имe: Orchid Cactus
Боја на цветот: Портокалова до црвена

Стеблото на оваа сорта е рамно или триаголно. Цветот е мал до средно голем. Во именикот на Epiphyllum Society of America оваа сорта е заведена како 'Ackermannii Hybridus'.

Disocactus X hybridus 'Ackermannii Alba'

Photobucket

Фамилија: Cactaceae
Род: Disocactus
Вид: D. X hybridus 'Ackermannii Alba'
Народнo имe: Orchid Cactus
Боја на цветот: Бела со розеви надворешни цветни ливчиња

Еден фасцинантен Розев килим може да видите овде. Него, заедно со уште 103 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

КАКТУСАРНИЦА фото на денот

Photobucket

11/15/2011

Провокативен едиторијал за долна облека

Модната куќа The Lake and Stars снимила провокативен едиторијал за својата нова колекција на долна облека. Интересно и несекојдневно е тоа што за него не позирале професионални модели, туку првите сосетки на сопственикот на модната куќа, една 19-годишна тинејџерка и нејзината мајка.

Во оваа информација нема ништо што е посебно интересно за КАКТУСАРНИЦА, освен една фотографија која е дел од тој едиторијал...

Photobucket

Повеќе фотографии, информации и рекацииите кои тие ги предизвикале, може да најдете овде.

КАКТУСАРНИЦА фото на денот

Photobucket

11/11/2011

Прошетка низ Jardín de Cactus

Guatiza се наоѓа во провицијата Las Palmas на Канарските острови. Популарноста на ова место пред се, се должи на неговата ботаничка градина Jardín de Cactus. Оваа атрактивна градина изгледа како амфитеатар и зафаќа простор од 5.000 метри квадратни. Во неа, на едно место се собрани околу 10.000 кактуси, од повеќе од 1.400 различни видови кои потекнуваат од Канарските острови, Америка и Мадагаскар.

Денеска, на крајот од работната недела ви препорачувам една видео прошетка низ оваа импресивна градина...


КАКТУСАРНИЦА фото на денот

Photobucket
Related Posts Plugin for WordPress, Blogger...