2/28/2011

Чај, кафе?

Векот на употреба на старите шољи за чај или кафе може да го продолжите со нивно искористување како саксии за вашите кактуси и сукуленти.

Photobucket

Притоа, не треба да заборавите дека кактусите и сукулентите не сакаат “мокри нозе“. Направете дупка на дното од шољата или кактусот/сукулентот ставете го во шољата, предходно веќе засаден во друга пластична саксија. Тоа ќе овозможи вишокот на вода слободно да истекува.

КАКТУСАРНИЦА фото на денот

Photobucket

2/25/2011

Горчливо Алое

Aloe ferox (Алое ферокс) е уште еден сукулент од родот Aloe, кој е познат по неговите лековити својства. Расте само во една поширока област на Јужна Африка. Се одгледува на природен начин, без употреба на пестициди и хербициди, a при бербата се користат старите методи. Aloe ferox како лековита билка се користи со векови. Го користеле древните Кинези, Индијците и Египќаните. Го користел и Махатма Ганди во периодот кога живеел во Јужна Африка.

Во непреработен сок од лист од Aloe ferox има најмалку три пати повеќе аминокиселини отколку во Aloe vera. Содржи вкупно 34 аминокиселини, меѓу кои и 7 од 8, кои што се од суштинско значење. Во споредба со Aloe vera содржи и повеќе витамини, минерали и полисахариди. Од листовите на Aloe ferox се добива жолт горчлив сок, кој се користи како природен лаксатив и бел Алое гел, кој се користи во медицинските пијалоци и средствата за нега на кожата. Во традиционалната медицина се користи за лекување на исекотини, изгореници, акни и други проблеми со кожата, проблеми со варењето, рак, СИДА...

Сукулент на денот 56/11 е...

Aloe ferox

Photobucket

Фамилија: Asphodelaceae
Род: Aloe
Вид: A. ferox
Народнo имe: Cape Aloe, Bitter Aloe, Red Aloe, Tap Aloe, Bitteraalwyn, Bergaalwyn
Синоним/и: Aloe socotorina, Aloe subferox, Aloe ferox var. subferox, Aloe galpinii, Aloe ferox var. incurva, Aloe ferox var. hanburyi, Aloe ferox var. erythrocarpa, Aloe candelabrum, Aloe supralaevis, Aloe perfoliata var. ferox, Aloe perfoliata var. zeta, Aloe perfoliata var. gamma, Aloe perfoliata var. epsilon, Aloe muricata, Aloe perfoliata, Aloe horrida, Aloe ferox var. galpinii, Aloe pseudoferox
Потекло: Јужно-африканските провинции Западен Кејп, Источен Кејп, Фристејт и КваЗулу-Натал, Лесото
Боја на цветот: Портокалова, но може да се сретне и во црвена, темно црвена и златна
Сезона на цветање: Крај на зима, почеток на пролет
Висина: до 3,6 m
Дијаметар: до 1,5 m

Photobucket

Одгледување:
Ово сукулент расте споро, се одгледува во супстрат со добра дренажа, на места изложени на директно сонце или во блага сенка. Долните листови кои во текот на растењето му се сушат, може да се остранат, за да се открие стеблото. Во периодот кога расте, се полева редовно, но умерено. Помеѓу две полевања супстратот се остава да се исуши. Во зима се полева само повремено со мала количина на вода. Во тој период се препорачува да се чува на просечна температура од 10°C. Во пократок временски интервал може да толерира и температури до -4°C. До оштетување на цветот доаѓа под температури од -2°C.

Photobucket

Размножување:
Се размножува со семе, режење и израстоци.

Надворешен линк: Овде

Освен основниот вид може да се сретнат и повеќе хибриди добиени со негово вкрстување со други видови на Aloe...

Aloe ferox X microstigma

Photobucket

Фамилија: Asphodelaceae
Род: Aloe
Вид: A. ferox X microstigma
Боја на цветот: Црвена, светло жолта
Сезона на цветање: Средина на зима
Висина: 60 - 120 m
Дијаметар: 60 - 120 m

Aloe X principis

Photobucket

Хибрид на Aloe arborescens и Aloe ferox.

Фамилија: Asphodelaceae
Род: Aloe
Вид: A. X principis
Синоним/и: Aloe caesia, Aloe X principes
Боја на цветот: Црвена, светло жолта
Сезона на цветање: Крај на лето, почеток на есен
Висина: 1,2 - 2,4 m
Дијаметар: 0,9 - 1,8 m

Aloe sinkatana X ferox

Photobucket

Фамилија: Asphodelaceae
Род: Aloe
Вид: A. sinkatana X ferox
Боја на цветот: Златна
Сезона на цветање: Средина на пролет

КАКТУСАРНИЦА фото на денот

Photobucket

2/24/2011

Кактусот како инспирација

Кактусите често се инспирација на дизајнерите на мебел и други работи за по дома, какви што се оваа модерна столица...

Photobucket

...и оваа несекојдневна столна ламба.

Photobucket

КАКТУСАРНИЦА фото на денот

Photobucket

2/23/2011

Тексашка брадавица

Mammillaria prolifera (Мамиларија пролифера) е кактус кој често може да се сретне. Потекнува од Карибите и кај народот е познат како Texas Nipple Cactus.

Кактус на денот 54/11 е...

Mammillaria prolifera

Photobucket

Фамилија: Cactaceae
Род: Mammillaria
Вид: M. prolifera
Народни имиња: Texas Nipple Cactus
Синоними: Ebnerella prolifera, Mammillaria pusilla, Mammillaria prolifera var. multiceps, Chilita multiceps, Neomammillaria multiceps, Cactus multiceps, Ebnerella multiceps, Mammillaria multiceps, Mammillaria glomerata, Escobariopsis prolifera, Neomammillaria prolifera, Chilita prolifera, Cactus proliferus, Mammillaria stellaris, Cactus glomeratus, Mammillaria prolifera subsp. prolifera
Потекло: Карибите
Боја на цветот: Светло жолта, светло розева, крем
Сезона на цветање: Пролет
Висина: до 15 cm
Дијаметар: до 5 cm

Photobucket

Одгледување:
Се одгледува во супстрат со добра дренажа, на места изложени на директно сонце или во блага сенка. Со полевањето не треба да се претерува, особено не во услови на врнежи од дожд и ниски температури. Како што се намалува температурата, така се намалува и неговата потреба за вода. Во летниот период, кога температурите се високи, може да се полева обилно. Температура на која се препорачува да се чува во зимскиот период е 10°C. Во краток временски интервал може да толерира и температури од околу 0°C.

Photobucket

Размножување:
Лесно се размножува од израстоци. Се размножува и со режење и со семе.

Надворешен линк: Овде

Освен во основниот вид, овој кактус може да се сретне и во неколку други подвидови...

Mammillaria prolifera subsp. texana

Photobucket

Фамилија: Cactaceae
Род: Mammillaria
Вид: M. prolifera subsp. texana
Синоними: Mammillaria pusilla var. texana, Mammillaria texana, Mammillaria multiceps var. texana, Escobariopsis prolifera subsp. texana, Cactus stellatus var. texanus
Боја на цветот: Розева, светло розева
Сезона на цветање: Средина на есен
Висина: до 15 cm

Mammillaria prolifera subsp. zublerae

Photobucket

Фамилија: Cactaceae
Род: Mammillaria
Вид: M. prolifera subsp. zublerae
Синоними: Mammillaria zublerae, Mammillaria zubleri
Боја на цветот: Бела
Сезона на цветање: Есен-зима
Висина: до 15 cm

Mammillaria prolifera subsp. texana

КАКТУСАРНИЦА фото на денот

Photobucket

2/22/2011

Божиќни пупки

Татјана со Празничната приказна на нејзиниот Божиќен кактус, ме потсети на оваа фотографија, која ја направив на Бадник во мојата Сукулентна градина...

Photobucket

КАКТУСАРНИЦА фото на денот

Photobucket

2/21/2011

Празнична приказна

По подолго време повторно Вашите кактуси во мојата КАКТУСАРНИЦА. Еден од кактусите на Татјана Тодорова на 12 декември расцветал, односно започнал да ја раскажува неговата празнична приказна.

Таа преку неколку фотографии ја сподели со мене, а јас денес ја преку КАКТУСАРНИЦА јас споделувам и со вас. Приказната ја раскажува еден од Празничните кактуси, претпоставувам дека е Божиќен кактус (некоја сорта или хибрид од видот Schlumergera).

Photobucket

Photobucket

Благодарам Татјана!

КАКТУСАРНИЦА фото на денот

Photobucket

2/18/2011

Кактуси во IKEA

Кога ќе купите кактус, ако не е соодветно спакуван (кај нас најчето ќе ви го спакуваат во кеса), додека да го донесете дома може да дојде до негово оштетување. Притоа, ако станува збор за кактус со големи боцки, може и сериозно да се повредите.

За разлика од тие кои може да ги купите кај нас, еве како на интересен и практичен начин се спакувани кактусите кои може да се купат во IKEA во Швајцарија...

Photobucket

Photobucket

Photobucket

Photobucket

Благодарам Газменд!

КАКТУСАРНИЦА фото на денот

Photobucket

2/17/2011

Алое Вера

Aloe vera (Алое вера) е сукулент кој како лековита билка се користи повеќе од 3000 години. Се спомнува и во Библијата и тоа на дури шест места. На ѕидовите во египетските храмови постојат докази за неговото користење како лек за изгореници, чиреви на кожата и паразити. Во 4 век п.н.е имало толку голема побарувачка на Aloe vera, што тоа било причина Аристотел да го наговори Александар Македонски да го освои островот Сокотра, каде во тоа време се одгледувало Aloe vera.

За лековитите својства на Aloe vera повеќе може да прочитате во Чудо од природата и Алое Вера. Фокусот на овој запис ќе биде неговата презентација како уште еден сукулент од родот Aloe, неговото одгледување и размножување.

Сукулент на денот 48/11 е...

Aloe vera

Photobucket

Фамилија: Asphodelaceae
Род: Aloe
Вид: A. vera
Народнo имe: Aloe Vera, Medicinal Aloe, Barbados Aloe, Chinese Aloe, Indian Aloe, Medicine plant, True Aloe, Burn Aloe, First Aid Plant, Bitter Aloe, Wand of Heaven, Miracle Plant, Savila
Синоним/и: Aloe vera var. chinensis, Aloe vulgaris, Aloe vera var. lanzae, Aloe indica, Aloe barbadensis var. chinensis, Aloe vera var. wratislaviensis, Aloe elongata, Aloe vera var. littoralis, Aloe perfoliata var. vera, Aloe perfoliata var. barbadensis, Aloe flava, Aloe chinensis, Aloe barbadensis, Aloe lanzae
Потекло: Северна Африка (Алжир, Мароко, Тунис, островите на Зелен 'Рт, Канарските остврови, Мадеира)
Боја на цветот: Цветовите на вистинското Aloe vera имаат жолта боја, но голем број од постоечките колонови имаат портокалова боја
Сезона на цветање: Крај на пролет, почеток на лето
Висина: 60 - 100 cm

Photobucket

Одгледување:
Овој сукулент е многу лесен за одгледување. Расте брзо, толерира слаба почва и суша, но бара одлична дренажа. Се одгледува во блага сенка. Во периодот кога расте, се полева обилно. Во зимскиот период се препорачува да се чува на температура од околу 10°C. Може да толерира и температури до -3°C. Под таа температура доаѓа до оштетување на листовите.

Photobucket

Размножување:
Се размножува со израстоци, режење и со семе.

Надворешен линк: Овде

Освен основниот вид на Алое Вера, може да се сретнат и некои други сорти и хибриди...

Aloe vera var. chinensis

Photobucket

Фамилија: Asphodelaceae
Род: Aloe
Вид: A. vera var. chinensis
Синоними: Aloe barbadensis var. chinensis
Боја на цветот: Портокалова, златно-жолта
Висина: 15 - 45 cm

Aloe vera X brevifolia

Photobucket

Фамилија: Asphodelaceae
Род: Aloe
Вид: A. vera X brevifolia
Синоними: Aloe barbadensis var. brevifolia
Висина: 15 - 45 cm

Чудо од природата

КАКТУСАРНИЦА фото на денот

Photobucket

2/16/2011

Уште еден Ушник

Гостин во рубриката Воајер на КАКТУСАРНИЦА вечерва повторно е Мартина со две фотографии од Ушник кој го уловила пред расцветување, овојпат шетајќи низ улиците.

Photobucket

Photobucket

Како бонус фотографија од тие што ми ги има испратено, ја избрав и оваа со една боцкава Mammillaria со зрели црвени плодови.

Photobucket

Благодарам Мартина!

КАКТУСАРНИЦА фото на денот

Photobucket

2/15/2011

Сивиот дух

Кактусите од родот Stenocereus растат споро и се лесни за одгледување. Овој релативно мал род на кактуси бил проширен со додавање на видовите од неколку други родови (Lemaireocereus, Machaerocereus, Rathbunia, Hertrichocereus, Ritterocereus, Marshallocereus). Stenocereus pruinosus (Стеноцереус пруиносус) е кактус од овој род, кој потекнува од Мексико и е познат и како Grey Ghost. Во Мексико е познат и како Pitayo de Octubre, што укажува дека плодовите на овој кактус (кои се слични на Змејов плод) зреат во октомври.

Кактус на денот 46/11 е...
Stenocereus pruinosus

Photobucket

Фамилија: Cactaceae
Род: Stenocereus
Вид: S. pruinosus
Народнo имe: Grey Ghost, Gray Ghost Organ Pipe, Pitayo de Octubre, Pitayo
Синоними: Rathbunia pruinosa, Cereus edulis, Lemaireocereus pruinosus, Echinocactus pruinosus, Ritterocereus pruinosus, Cereus pruinosus
Потекло: Мексико (Chiapas, Puebla)
Боја на цветот: Светло розева, бела
Сезона на цветање: Крај на пролет, почеток на лето (цвета ноќе)
Висина: до 6 m

Photobucket

Одгледување:
Се одгледува директно изложен на сонце, во супстрат со добра дренажа. Во периодот кога расте се полева редовно, но во умерени количини. Помеѓу две полевања супстратот се остава да се исуши. Во зимскиот период не се препорачува полевање. Толерира благо смрзнување.

Photobucket

Размножување:
Со режење и со семе.

Надворешен линк: Овде

КАКТУСАРНИЦА фото на денот

Photobucket

2/14/2011

Љубов, вино и кактуси

Во чест на Св. Трифун и Св. Валентин, денес КАКТУСАРНИЦА ви покажува малку љубов...

Photobucket

...и ве почестува со вино направено од ферментиран џус од плодови (Prickly pears) од кактус од родот Opuntia и од Змејови плодови...

PhotobucketPhotobucket
Photobucket

Плодовите од кактусите годинава нека бидат поблаги, а бочвите уште пополни со вино! :-)
Related Posts Plugin for WordPress, Blogger...