10/26/2010

КАКТИПЕДИЈА

Од денеска во КАКТУСАРНИЦА, покрај Календар за кактусари/ки, Корисно четиво и Анкета, во менито на страници може да најдете уште една, КАКТИПЕДИЈА.

Photobucket

КАКТИПЕДИЈА е енциклопедија на кактуси, сукуленти и некои други ксерофити (xerophyte – растенија кои можат да поднесат долготрајни суши) кои се презентирани во КАКТУСАРНИЦА како дел од серијалот Кактус/Сукулент на денот.

До овој момент со КАКТИПЕДИЈА се опфатени 34 видови (освен основните видови, дополнително се опфатени и некои од нивните најпопуларните сорти и хибриди) од 23 различни родови. Паралелно со објавувањето на нови записи во серијалот Кактус/Сукулент на денот и КАКТИПЕДИЈА во иднина континуирано ќе се дополнува.

Photobucket

КАКТУСАРНИЦА фото на денот

Photobucket

10/24/2010

Бронзена мачка

Вечерва во КАКТУСАРНИЦА повторно простор за уметник инспириран од кактусите...

Photobucket

Jon Buck
Cactus Cat
Бронза со челични игли
Виси на 56 cm

Поврзани записи:
Изложба
Уметност од коњски потковици
Изложба

КАКТУСАРНИЦА фото на денот

Photobucket

10/22/2010

Те прегрнувам, Ќе ти бидам верен засекогаш

Вечерва повторно се навраќам на Говорот на цвеќето, односно пораките кои може да ги испратите преку него. Многу одамна во Ориентот и Арабија цвеќето се користело за искажување на поетски мисли и праќање на романтични пораки. Секое цвеќе си имало свое значење. Еден букет можел да содржи и цели љубовни писма.

“Те прегрнувам“ ќе кажете ако подарите Свекрвин јазик (Sansevieria trifasciata) или некој друг сукулент од родот Sansevieria.

Photobucket

Со сукулент од родот Kalanchoe ќе пратите порака "Ќе ти бидам верен засекогаш".

Photobucket

Поврзан запис:
Говорот на кактусот

КАКТУСАРНИЦА фото на денот

Photobucket

10/21/2010

Празнични кактуси

Групата на Празнични кактуси ја сочинуваат неколку видови од родот Schlumbergera, како и кактусот од видот Hatiora gaertneri, кои порано често се нарекувале Zygocactus. Според потеклото, овие кактуси се шумски кактуси. Растат како epiphytes (растенија кои растат на друго растение или објект) на надморска височина од 1000 до 1700 метри, северно од Рио де Женеиро во југоисточниот дел на Бразил, каде може да се сретнат како “Flor de maio” (May Flower).

Многу од денешните Празнични кактуси, се хибриди добиени со вкрстување помеѓу Schlumbergera truncata и Schlumbergera russelliana, кои за првпат биле вкрстени пред 150 години во Англија.

Кактус на денот 294/10 е...

Holiday cactus

Photobucket

...група на кактуси кои беа и Кактус на денот 351/08.

Празничните кактуси ги вклучуваат:
  • Christmas Cactus, (Schlumbergera bridgesii, Schlumbergera x buckleyi).
  • Thanksgiving Cactus, Yoke Cactus, Linkleaf Cactus, Crab Cactus, Claw Cactus, (Schlumbergera truncata, порано познат како Zygocactus truncatus).
  • Easter Cactus, (Hatiora gaertneri – порано познат како Rhipsalidopsis gaertneri).
Цветањето на кактусите се совпаѓа со празниците и токму од тука и произлегуваат нивните имиња. Цветовите на овие кактуси се отворени во текот на денот, а се затвораат навечер. Кога не се расцветани, разликата помеѓу Божиќниот и Велигденскиот кактус може да се види од листовите. Кај Божиќниот има позаоблени рабови, за разлика од Велигденскиот кај кој рабовите се пошилести.

Одгледување:
Празничните кактуси се одгледуваат во супстрат кој има добра дренажа, на индиректна светлина во затворен простор или во делумна сенка на отворено. Не сакаат многу директна изложеност на сонце и најдобро растат во индиректно осветлен простор. Изложеност на директно сонце кај овие кактуси може да доведе до изгореници на нивните листови. Се полеваат кога површината на супстратот е сува (на 2-3 дена при високи температури и на една недела при посвежо и облачно време). Во текот на есента и зимата полевањето треба да биде помалку фреквентно. За разлика од другите, овие кактуси не сакаат сув супстрат, но не толерираат и постојано голема влажност на сусптратот и слаба вентилација во просториите во кои се наоѓаат. Не толерираат мраз. Како предуслов за расцветување, препорачливо е да се чуваат на температури од 10-15°C. Кога ќе се појават првите пупки овие кактуси треба да бидат во целосна темнина секој ден по 12 часа. Може да ги покриете со некоја кутија, но притоа треба да имате во предвид дека не треба да ги преместувате.

Размножување:
Наједноставен начин за размножување е со режење на гранчиња и листови. Се размножуваат и со семе.

Надворешен линк: Овде

Christmas Cactus

Schlumbergera bridgesii
(Шлумбергера бриджеси)

Photobucket

Фамилија: Cactaceae
Род: Schlumbergera
Вид: S. bridgesii
Народно име: Christmas Cactus
Синоним: Zygocactus bridgesii, Epiphyllum truncatum var. bridgesii
Потекло: Јужна Америка (Бразил)
Боја на цветот: Бела, розева, црвена, портокалова, виолетова и двобојни цветови
Сезона на цветање: Декември
Висина: до 30 cm

Schlumbergera X buckleyi

Photobucket

Фамилија: Cactaceae
Род: Schlumbergera
Вид: S. x buckleyi
Народно име: Christmas Cactus
Синоним: Epiphyllum X buckleyi, Zygocactus X buckleyi
Потекло: хибрид на Schlumbergera russelliana и Schlumbergera truncata
Боја на цветот: Виолетова, црвена, бела
Сезона на цветање: Зима
Висина: 15-30 cm

Thanksgiving Cactus

Schlumbergera truncata
(Шлумбергера трунката)

Photobucket

Фамилија: Cactaceae
Род: Schlumbergera
Вид: S. truncata
Народно име: Thanksgiving Cactus, False Christmas Cactus (и покрај тоа што овој кактус не е Божиќниот кактус, често може да се сретне и како Christmas Cactus), Holiday Cactus, Crab Cactus, Zygocactus Claw Cactus, Holiday Cactus, Linkleaf, Yoke Cactus
Синоним: Epiphyllum bridgesii, Epiphyllum ruckeri, Zygocactus delicatus, Schlumbergera truncata var. delicata, Epiphyllum delicatum, Zygocactus bridgesii, Epiphyllum ruckerianum, Epiphyllum truncatum var. bridgesii, Schlumbergera truncata var. altensteinii, Epiphyllum altensteinii, Zygocactus truncatus, Cactus truncatus, Epiphyllum truncatum, Zygocactus truncatus var. altensteinii, Schlumbergera bridgesii
Потекло: Бразил (Рио де Женеиро)
Боја на цветот: Розова, виолетова, црвена, портокалова, бледо жолта, бела...
Сезона на цветање: Ноември до февруари
Висина: 15-30 cm

Easter Cactus


Hatiora gaertneri
(Хатиора гертнери)

Photobucket

Фамилија: Cactaceae
Род:
Hatiora
Вид:
H. gaertneri
Народно име:
Easter Cactus
Синоним:
Epiphyllopsis gaertneri, Epiphyllum russellianum var. gaertneri, Rhipsalis gaermeri, Schlumbergera gaertneri, Epiphyllum makoyanum, Rhipsalidopsis gaertneri, Epiphyllum gaertneri
Потекло:
Бразил
Боја на цветот:
Розова, црвена
Сезона на цветање:
Пролет
Висина:
30-45 cm

КАКТУСАРНИЦА фото на денот

Photobucket

10/16/2010

Волшебна убавина

Кактусите и сукулентите на Милица повторно во рубриката Вашите кактуси и сукуленти во мојата КАКТУСАРНИЦА...овојпат просторот го разубавувам со букет од три фотографии со волшебни цветови во чија убавина Милица имала можност летово да ужива...

Photobucket

Photobucket

Photobucket

Благодарам Милица!

КАКТУСАРНИЦА фото на денот

Photobucket

10/13/2010

Говорот на кактусот

Говорот на цвеќето може да се пронајде уште во Викторијанската ера. Во тоа време било непристојно маж да и пријде на дамата и да ги изрази неговите чувства, па мажите тоа го правеле на тој начин што избирале цвеќе со соодветно значење и го испраќале како порака.

Според јазикот на цвеќето, кактусот е симбол на топлина, но може да се сретне и како симбол на издржливост.

Photobucket

Подарувајте топлина! :-)

КАКТУСАРНИЦА фото на денот

Photobucket

10/12/2010

Свекрвин јазик

Уште еден Свекрвин јазик во КАКТУСАРНИЦА. Sansevieria trifasciata (Сансеверија трифаскијата) потекнува од тропскиот запад на Африка (од Нигерија до источниот дел на Конго). Поради обликот на листовите, може да сретне како Snake plant или поради нивната острина, како Mother-in-law's tongue, (односно Свекрвин јазик, како што е познат и кај нас). Во Јапонија се нарекува Tigers Tail, во Бразил Espada-de-São-Jorge (Sword-of-Gaint-George)...

Кога подарувате ваков Свекрвин јазик, преку пораката што овој сукулент ја носи во себе, всушност вие кажувате “Те прегрнувам“.

Сукулент на денот 285/10 (по втор пат, овојпат во проширено и надградено издание) е уште еден вид од родот Sanseveria...

Sansevieria trifasciata

Photobucket

кој беше и Сукулент на денот 341/08.

Фамилија: Ruscaceae, Agavaceae
Род: Sansevieria
Вид: S. trifasciata
Народнo имe: Snake plant, Mother in law's tongue, Good luck plant, Tigers Tail, Espada de São Jorge (Sword of Saint George), Espada de Santa Barbara (Sword of Saint Barbara), Birds nest Sanseviera
Синоним: Sansevieria zeylanica, Sansevieria zeylandica
Потекло: Тропскиот запад на Африка (од Нигерија до Конго)
Боја на цветот: Крем, зеленкасто бела
Сезона на цветање: Средина на лето
Висина: 45-120 cm

Photobucket

Одгледување:
Sansevieria trifasciata е многу популарно собно растение, пред се, поради тоа што толерира мала количина на светлина и нередовно полевање (суша). Се одгледува во блага сенка, во супстрат кој има добра дренажа. Во периодот кога расте треба да се полева еднаш на две недели, а во зимскиот период само еднаш на неколку месеци. Доколку се предозира со вода лесно може да му скапат корењата. Во зима, во кратки временски интервали е отпорен и на температури до -2°C.

Размножување:
Се размножува во било кое време од годината, со режење и одделување на израстоци.

Надворешен линк: Овде

Sansevieria trifasciata се користи и како филтер на воздухот, бидејќи има тенденција да ги апсорбира отровните супстаници од него.

Покрај основниот вид, може да се сретнат и голем број на други сорти. Во продолжение ви презентирам и некои од најпопуларните...

Sansevieria trifasciata 'Laurentii'

Photobucket

Фамилија: Ruscaceae, Agavaceae
Род: Sansevieria
Вид: S. trifasciata 'Laurentii'
Народнo имe: Gold Edged Snake Plant, Mother-in-Law's Tongue
Синоним: Sansevieria trifasciata var. laurentii
Боја на цветот: Светло зелена
Сезона на цветање: Средина на пролет
Висина: 45-90 cm

Sansevieria trifasciata 'Hahnii Silver Frost'

Photobucket

Фамилија: Ruscaceae, Agavaceae
Род: Sansevieria
Вид: S. trifasciata 'Hahnii Silver Frost'
Народнo имe: Bird's Nest, Snake Plant, Good Luck Plant
Синоним: Sansevieria zeylandica
Боја на цветот: Светло зелена
Сезона на цветање: Средина на пролет
Висина: 15-30 cm

Sansevieria trifasciata 'Moonshine'

Photobucket

Фамилија: Ruscaceae, Agavaceae
Род: Sansevieria
Вид: S. trifasciata 'Moonshine'
Народнo имe: Bird's Nest, Snake Plant, Good Luck Plant
Боја на цветот: Бела
Сезона на цветање: Пролет - лето
Висина: 45-60 cm

Sansevieria trifasciata 'Golden Hahnii'

Photobucket

Фамилија: Ruscaceae, Agavaceae
Род: Sansevieria
Вид: S. trifasciata 'Golden Hahnii'
Народнo имe: Bird's Nest, Snake Plant, Good Luck Plant
Боја на цветот: Бела
Сезона на цветање: Средина на пролет
Висина: под 15 cm

Sansevieria trifasciata 'Crane's Black Sport'

Photobucket

Фамилија: Ruscaceae, Agavaceae
Род: Sansevieria
Вид: S. trifasciata 'Crane's Black Sport'
Народнo имe: Snake Plant, Black Sword, Banded Nelsonii
Висина: 15-45 cm

КАКТУСАРНИЦА фото на денот

Photobucket

10/08/2010

Убавина и мистерија

Татјана Тодорова од Неготино е уште еден љубител на кактуси и сукуленти. Вели дека ја привлекле со нивната разновидност, убавина и на моменти мистерија...како секој од нив во себе да крие некоја своја приказна што ја раскажува преку цветовите.

Годинава почнала поактивно да се грижи и да истражува за нив. Вечерва мојата КАКТУСАРНИЦА ја разубавувам и збогатувам со неколку фотографии од нејзината колекција, во која засега има 20 видови...

Photobucket

Photobucket

Photobucket

Photobucket

Photobucket

Photobucket

Photobucket

Благодарам Татјана!
Related Posts Plugin for WordPress, Blogger...