5/31/2009

Првите цветови

Пред две недели кај неколку од моите кактуси се појавија првите пупки во оваа година...денеска го имам задоволството да Ви ги покажам и првите цветови кои се појавија кај еден од нив.

Цветањето трае веќе неколку денови и еве како изгледа кактусот во текот на денот низ објективот на мојот фотоапарат...

Photobucket

Photobucket

...а таму некаде во ноќта кога дождот ќе престане, изгледа вака...

Photobucket

5/25/2009

Морска ѕвезда

Во КАКТУСАРНИЦА и денеска еден сукулент на Ваше барање. Овојпат тоа е омилениот “кактус“ на Краљ, за кој тој вели дека “има најубав цвет од сите можни цветови на секое можно растение на планетава“. Во суштина оваа билка не е кактус, туку спаѓа во групата на други сукуленти. Овој вид како и сите други од родот Stapelia се препознатливи токму по убавината и атрактивноста на цветот. Со ваков изглед овој цвет едноставно мами да биде помирисан, но ако го направите тоа ќе се соочите со еден малку непријатен мирис (на расипано месо). Зачи...уживајте во глетката, но не мора да мирисате! :-)

Сукулент на денот 145/09 е...

Stapelia variegata

Photobucket

Фамилија: Apocynaceae
Род: Stapelia
Вид: S. variegata
Народнo имe: Starfish Plant, Starfish Cactus, Carrion cactus, Carrion flower, Toad Cactus, Toad Plant
Синоними: Orbea variegata, Stisseria variegata
Потекло: Јужна Африка
Боја на цветот: Црвеникаво-костенлива/Виолетово-кафеава
Сезона на цветање: Доцно лето или есен
Висина: до 30 cm

Photobucket

Одгледување:
Овој сукулент е многу лесен за одгледување, идеален е за почетници. Се одгледува на места директно изложени на сонце или блага сенка, во супстрат со добра дренажа. Се полева редовно во сезоната кога расте, а во текот на зимата супстратот се одржува сув. Отпорен е на високи температури. Толерира и прилично ниски температури, дури и благо смрзнување доколку билката е во добра кондиција.

Размножување:
Претежно се размножува со режење. Семето изртува само доколку се засее додека е свежо.

Надворешен линк: Овде

5/23/2009

Одличен (5)

Поттикнат од напливот на нови блогови и креативни постови испорачани од часовите по информатика, денеска решив и јас дадам мал придонес со нешто слично...

Прашање: Кога во Photoshop ќе се вкрстат жаба и кактус, што се добива во саксијата?
Одговор: Се добива нов вид кој се нарекува Frogtus.
Оценка: Одличен (5) 

Photobucket

Уште многу вакви необични вкрстувања може да видите ако кликнете овде.

5/22/2009

Акупунктура

Американските научници велат дека гладот може да помогне во создавање на помнењето и сеќавањето на порано меморираните содржини...придонес кон тоа може да дадат и кактусите... :-)

Photobucket

5/21/2009

Капиталец

Пред некој ден имав мали проблеми со колата...додека шетав по мајстори низ градов, налетав на еден капитален примерок на кактус, стар 7-8 години и висок над 1,5 метри.

Освен него, на истото место имаше и неколку други сукулентни билки (пред него може да приметите едно Змејово дрво), но овој доминираше со својата импозантност. За жал просторот беше многу тесен и не успеав да фатам некој поубав кадар, но и покрај тоа фотографијата заслужува место во мојата КАКТУСАРНИЦА.

Сопственичката беше многу љубезна и ми дозволи да одделам од него два мали израстоци...што значи дека некаде одприлика за 7-8 години и јас ќе имам ваков примерок. :-)

Photobucket

5/20/2009

Како да ги полеете засадените кактуси и сукуленти?

По малку подолга пауза, продолжувам со серијалот Видео лекција во КАКТУСАРНИЦА...

Кога одделените израстоци од примарната билка ќе ги посадите (независно дали станува збор за кактуси или други сукуленти) после неколку денови треба да ги полеете со вода. Но, бидејќи билките сeуште немаат развиена коренова маса и не се зацврстени во супстратот, полевањето треба да го направите внимателно.

Повеќе совети поврзани со полевањето може да слушнете и видите ако ја погледнете денешната Видео лекција со добро познатата кактусарка-експерт Nicole Pantaleon...

5/18/2009

Пејоти

На барање на ми текна, денеска во КАКТУСАРНИЦА еден по многу нешта популарен кактус. Меѓу другото тој е тема и на есејот "Врати на перцепција (The Doors of Perception)" од Aldous Huxley, а токму овој есеј го инспирирал Jim Morrison да и го даде името на својата група The Doors.

Кактус на денот 138/09 е...

Lophophora williamsii

Photobucket

Пејоти (Peyote) е мал кактус без стебло. Со векови се користи поради психоделичните ефекти кои ги предизвикува при неговото внесување.Од цветовите на кактусот понекогаш се развиваат розеви овошки, кои личат на феферонки и имаат сладок вкус. Растението има мали, црни семки на кои им треба влажност и топлина за да изртат, што е и една од причините за тоа што се поретко може да се најде на своите природни наоѓалишта. Нивниот број се намалува и поради нивната комерцијална експлоатација. Пејоти содржи многу типови на фенетиламин алкалоиди, од кои најзастапен е мескалинот. Сите видови од родот Lophophora во природа растат многу полека, често им се потребни и до триесет години додека да почнат да цветаат (до тој момент без коренот имаат големина колку едно голф топче). Додека оние видови кои ги одгледуваат луѓето растат значително побрзо. Вообичаено им се потребни шест до десет години од никнувањето додека да ги дадат првите цветови. Поради многу спориот раст на Пејоти и прекумерното берење, се смета дека постои опасност од истребување на овој кактус.

Photobucket

Фамилија: Cactaceae
Род: Lophophora
Вид: L. williamsii
Народнo имe: Peyote, Mescal Button, Dumpling Cactus, Peyotl, Jiculi
Синоними: Echinocactus lewinii, Lophophora williamsii var. lutea, Echinocactus williamsii var. luteus, Mammillaria lewinii, Lophophora williamsii var. lewinii, Lophophora lewinii, Anhalonium lewinii, Lophophora jourdaniana, Lophophora diffusa ssp. fricii, Peyotl zacatensis var. fricii, Lophophora fricii, Lophophora williamsii var. echinata, Lophophora echinata, Lophophora lutea, Mammillaria williamsii, Anhalonium williamsii, Lophophora williamsii var. fricii
Потекло: Тексас и Ново Мексико во САД и централниот дел на Мексико
Боја на цветот: Розева
Сезона на цветање: Мај до Септември
Висина: до 6 cm
Дијаметар: до 12 cm

Photobucket

Одгледување:
Овој кактус расте добро во секој супстрат со добра дренажа. Се одгледува на места кои се директно изложени на сонце. Освен во зимскиот период бара редовно полевање, при што супстратот се остава целосно да се исуши помеѓу две полевања. Минималната темепература на која е препорачливо да се чува во текот на зимата е 8 °C, а во краток временски интервал може да толерира и пониски температури.

Размножување:
Се размножува со семе и од израстоци.

Надворешен линк: Oвде

5/17/2009

Пупки

Мај е период кога се појавуваат и првите цветови кај дел од катусите...кај три од оние што ја красат мојата тераса, пупките го најавуваат нивното скорешно расцветување...

Photobucket

Photobucket

Photobucket

5/16/2009

Прстен

Освен што го разубавуваат просторот, кактусите може да се сретнат и како моден детаљ... :-)

Photobucket

5/13/2009

Една година КАКТУСАРНИЦА

На денешен ден пред точно една година и еден час сум ја отворил мојата КАКТУСАРНИЦА.

Photobucket

Драго ми е што во изминатиот период (некогаш повеќе, некогаш помалку) содржините во неа го привлекуваа Вашето внимание и со тоа КАКТУСАРНИЦА полека станува место каде што можат да навратат сите оние кои ги одгледуваат, проучуваат или само ја задоволуваат својата љубопитност и им се восхитуваат на кактусите и другите сукулентни билки и се друго што на овој или на оној начин е поврзано со нив.

Ви благодарам на сите што дадовте свој придонес преку споделување на Вашите искуства, знаења, информации, прашања...и фотографии од Вашите миленици.

Иако имаше моменти кога бев мрзлив :-) или немав многу слобoдно време, сепак бројката од 227 постови покажува дека сум бил прилично присутен и активен во изминатата година. Од тоа како корисно четиво Ви препорачувам да прочитате: Кактуси, основни информации, Сукуленти, Полевање, Болести, Размножување, Супстрат (Земја). Погледнете ги и серијалите: Кактус/Сукулент на денот, I heart you, Вашите кактуси и сукуленти во мојата КАКТУСАРНИЦА, Видео лекција. За се што треба да направите за Вашите кактуси и други сукуленти во текот на овој месец и месеците кои следуваат може да видите во Календарот за кактусари/ки.

Освен овде, КАКТУСАРНИЦА може да ја сретнете и на Blogger каде повремено реобјавувам дел од постовите и на Facebook и MySpace каде може да им се придружите на отворените групи.

Со оглед на тоа дека станува збор за роденден, а надвор веќе мириса на лето, намето торта овојпат ќе Ве почестам со сладолед...

Photobucket

5/12/2009

Рог на изобилство

Аризона е позната по убавината и спектакуларноста на кактусите кои ги има во изобилство на својата територија. Денеска преку ова 4,5 минутно видео Ве носам токму таму...уживајте во прошетката, музиката и изобилството на кактуси, други сукуленти и нивните цветови во различни бои, облици и големина.


Ви препорачувам да прошетате и до скулентната градина на Bonsai!

5/09/2009

Палма од Мадагаскар

По подолго време продолжувам и со серијалот “Кактус/Сукулент на денот“. Денеска Ви презентирам една интересна билка која личи и на кактус и на палма, но не е ниту едното, ниту другото, туку спаѓа во гупата на други сукулентини билки. Денеска тој ќе ја краси мојата КАКТУСАРНИЦА, а од пред некој ден еден примерок ја краси и мојата тераса.

Сукулент на денот 129/09 е...

Pachypodium lamerei

Photobucket

Фамилија: Apocynaceae
Род: Pachypodium
Вид: P. lamerei
Народни имиња: Madagascar Palm, Club Foot
Синоними: Pachypodium ramosum, Pachypodium menabeum, Pachypodium champenoisianum, Pachypodium rutenbergianum f. lamerei
Потекло: Мадагаскар
Боја на цветот: Бела (цветаат само постарите билки кои достигнале височина до 1.8 m или повеќе)
Сезона на цветање: Од рана пролет до рана есен
Висина: до 2,4 m
Дијаметар: до 30 cm

Photobucket

Одгледување:
Овој сукулент е релативно лесен за одгледување како во надворешни услови, така и во собни услови. Годишниот прираст му е околу 10 cm. Во зима му паѓаат листовите, освен ако е во многу топли области/средини. Се одгледува во супстрат за кактуси со добра дренажа, на места изложени на директно сонце или блага сенка. Бара редовно полевање во периодот кога има листови. Оваа необична палма, има зачудувачки регеративни способности, па поради тоа кај поголемите билки со сечење на врвот може да се стимулира негово разгранување. Препорачливо е да се пресадува на секои 3 години.

Размножување:
Се размножува со семе, со одделување на мали израстоци кои израснуваат во основата на старата билка и со одрежување на врвот.

Photobucket

Надворешен линк: Овде

5/05/2009

Кактусите на Габи

Вашите кактуси и денес се во мојата КАКТУСАРНИЦА. Габриела Данилова има прекрасна збирка од триесетина сукулентни билки, меѓу кои и неколку од Абу Даби и Кенија.

За нив вели дека ги сака најмногу на свет, а од фотографиите што ми ги испрати, кои со нејзина дозвола ги споделувам овде и со Вас, може и сами да видите дека љубов, внимание и соодветна грижа воопшто не им недостига.

Photobucket

Photobucket

Photobucket

Благодарам Габи!

5/02/2009

Проект “Сукулентна градина“

По една малку подолга пауза еве ме повторно назад во мојата КАКТУСАРНИЦА. Велигденските празници ги поминав кај моите во Пехчево, каде меѓудругото реализирав една идеја која подолго време ја вртев низ глава...дел од една голема тераса претворив во сукулентна градина. Во суштина тоа не е целосно реализирање на проектот, но е добар почеток. :-)

Бидејќи терасата е на јужна страна од куќата и во летниот период е иложена на многу силно сонце, ставив мрежа која овозможува 40% засенување, а освен тоа ги заштитува билките и од ветар, дожд и град. Во исто време со својот изгледа го привлекува вниманието и љубопитноста на минувачите. :-)

Како координатор на оваа фаза од проектот “Сукулентна градина“ ја назначив мајка ми, која е голем љубител на цвеќињата и која има неколку капитални примероци на кактуси, стари по повеќе од 10 години, од кои еден можете да видите и на фотографиите подолу.

Во продолжение, приказната и низ неколку фотографии...

Photobucket

Photobucket

Photobucket

Photobucket

Photobucket
Related Posts Plugin for WordPress, Blogger...