5/23/2011

Свински уши

Cotyledon orbiculata (Котиледон орбикулата) е сукулент кој расте брзо. Потекнува од Јужна Африка и најчесто е познат како Pig's Ears. Цвета во зима и поради тоа е популарен кај одгледувачите, кои со неговите цветови во своите сукулентни градини во тој период од годината внесуваат боја.

Сукулент на денот 143/11 е...

Cotyledon orbiculata

Photobucket

Фамилија: Crassulaceae
Род: Cotyledon
Вид: C. orbiculata
Народнo имe: Pig's Ear, Pig's Ears, Round-leafed Navel Wort
Синоними: Cotyledon elata, Cotyledon oblonga, Cotyledon ovata, Cotyledon ramosa, Cotyledon orbiculata var. hinrichseniana, Cotyledon orbiculata subsp. orbiculata, Cotyledon orbiculata var. oophylla, Cotyledon ungulata, Adromischus mucronatus
Потекло: Јужна Афринка
Боја на цветот: Портокалова-црвена
Сезона на цветање: Зима
Висина: до 1,5 m

Photobucket

Одгледување
Се одгледува во супстрат со добра дренажа, на директно сонце или во блага сенка. Толерира суша. Во периодот кога расте се полева редовно, при што помеѓу две полевања супстратот се остава да се исуши. Во зима се намалува полевањето, се полева само повремено, колку да не дојде до овенување на листовите. При полевањето се препорачува да се користи топла вода. Во зима треба да се чува во простории во кои просечната температурата е околу 10°C. Минималната температура која може да ја толерира е -4°C.

Photobucket

Размножување:
Со семе и режење на гранчиња и листови (во периодот пролет-лето)

Надворешен линк: Овде

Овој сукулент има примена и во традиционалната медицина. Месестиот дел од листовите во Јужна Африка се става на плускавци и брадавици. Загреани листови се користат и како облоги за лекување на чиреви и други воспаленија. Листовите може да се јадат и како лек против глисти, сокот се користи за лекување на епилепсија.

Листовите се токсични за овци, кози, коњи и друг добиток, живина и кучиња. Тие содржат bufanolide кој се нарекува cotyledontoxin, кој кај животните предизвикува состојба која е позната како cotyledonosis.

Освен основниот вид, овој сукулент може да се сретне и во повеќе други сорти...

Cotyledon orbiculata 'Boegoeberg'

Photobucket

Фамилија: Crassulaceae
Род: Cotyledon
Вид: C. orbiculata 'Boegoeberg'
Народнo имe: Pig's Ears
Синоними: Cotyledon orbiculata var. oophylla

Cotyledon orbiculata var. dinteri

Photobucket

Фамилија: Crassulaceae
Род: Cotyledon
Вид: C. orbiculata var. dinteri
Боја на цветот: Портокалова
Висина: до 15-45 cm

Cotyledon orbiculata var. oblonga

Photobucket

Фамилија: Crassulaceae
Род: Cotyledon
Вид: C. orbiculata var. oblonga
Народнo имe: Finger Aloe, Grey Sticks
Синоними: Cotyledon oblonga
Боја на цветот: Портокалова-црвена
Сезона на цветање: Пролет-лето
Висина: 15-45 cm

Cotyledon orbiculata var. spuria

Photobucket

Фамилија: Crassulaceae
Род: Cotyledon
Вид: C. orbiculata var. spuria
Народнo имe: Pig's Ears

Cotyledon orbiculata 'Elk Horns'

Photobucket

Фамилија: Crassulaceae
Род: Cotyledon
Вид: C. orbiculata 'Elk Horns'
Народнo имe: Pig's Ears
Сезона на цветање: Средина на-зима
Висина: 15-45 cm

Внимавајте, овде може да се боцнете на еден Мексикански еж! :-) Него, заедно со уште 85 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

КАКТУСАРНИЦА фото на денот

Photobucket

5/19/2011

Мексикански еж

Echinocereus viereckii (Ехиноцереус виреки) е уште еден кактус кој потекнува од Мексико. Многу е лесен за одгледување и е особено популарен кај одгледувачите поради неговите големи розеви или розево-виолетови цветови.

Кактус на денот 139/11 е...

Echinocereus viereckii

Photobucket

Фамилија: Cactaceae
Род: Echinocereus
Вид: E. viereckii
Синоним/и: Echinocereus viereckii subsp. viereckii
Потекло: Мексико (Nuevo Leon, Tamaulipas)
Боја на цветот: Розева, розево-виолетова
Сезона на цветање: Пролет-лето
Висина: 15-45 cm
Дијаметар: до 4 cm

Photobucket

Одгледување
Се одгледува во супстрат со добра дренажа на директно сонце или во блага сенка. Толерира суша и не бара многу вода. Во периодот кога расте (март до октомври) се полева редовно, но умерено. Супстратот помеѓу две полевања се остава да се исуши. Во зима не се полева и се чува во ладни простории. Просечна температура на која треба да се чува во овој период е околу 10 °C. Може да толерира температури и до -7°C.

Photobucket

Размножување:
Со семе, израстоци и режење.

Надворешен линк: Овде

Освен основниот вид, може да се сретнат и неколку подвидови на овој кактус, од кои најпопуларен е...

Echinocereus viereckii subsp. morricalii

Photobucket

Фамилија: Cactaceae
Род: Echinocereus
Вид: E. viereckii subsp. morricalii
Народно име: Hedgehog
Синоним/и: Echinocereus morricalii, Echinocereus viereckii var. morricalii
Потекло: Мексико
Боја на цветот: Розева, розево-виолетова
Сезона на цветање: Пролет-лето
Висина: до 50 cm
Дијаметар: до 7,5 cm

Photobucket

Надворешен линк: Овде

Слонова грмушка може да видите овде...слонот го нема. :-) Неа, заедно со уште 84 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

КАКТУСАРНИЦА фото на денот

Photobucket

5/18/2011

Сукулентни перници

Освен во саксии, сукулентите може да ги засадите речиси секаде и во се што ќе ви се најде при рака. Треба само да бидете креативни. Со тоа ќе му дадете живот и дополнително ќе ги разубавите просторот и работите кои се наоѓаат во него.

Еден таков пример се и овие атрактивни сукулентни перници...

Photobucket

Еве како биле направени...

Photobucket

Photobucket

Photobucket

Полнењето во кое се засадуваат сукулентите е навлажнет мов. Повеќе за овој проект може да прочитате овде.

КАКТУСАРНИЦА фото на денот

Photobucket

5/17/2011

Пупки и цветови

Велигденските празници ги поминав во Пехчево во кругот на мојата фамилија и моите кактуси и сукуленти. :-) Тие зимата првпат, успешно (само со минимални загуби) ја поминаа надвор во мојата сукулентна градина (пластеник). Од зимскиот сон одамна се разбудија и голем дел од нив уште тогаш беа полни со пупки и цветови.

Во периодот кој следува ќе споделувам со вас од фотографиите кои ги направив и ќе ги правам во иднина...

Photobucket

Photobucket

Photobucket

Photobucket

Photobucket

КАКТУСАРНИЦА фото на денот

Photobucket

5/16/2011

Слонова грмушка

Portulacaria afra (Портулакарија афра) е популарен сукулент со мали ливчиња, кој често се користи за правење на бонсаи. Потекнува од Јужна Африка и најчесто е познат како Elephant Bush, Elephant Food или Porkbush.

Сукулент на денот 136/11 е...

Portulacaria afra

Photobucket

Фамилија: Portulacaceae
Род: Portulacaria
Вид: P. afra
Народнo имe: Elephant Bush, Elephant Food, Elephant's Food, Elephant Plant, Miniature Jade, Dwarf Jade, Dwarf Jade Plant, Spekboom, Small Leaf Jade, Porkbush
Синоним/и: Crassula portulacaria
Потекло: Јужна Африка
Боја на цветот: Розева
Сезона на цветање: Крај на пролет, почеток на лето
Висина: до 4 m

Photobucket

Одгледување:
Може да се одгледува и надвор и во затворен простор, независно од интензитетот на светлината и изложеноста на сонцето. Супстратот треба да има добра дренажа. Има висока издржливост на суша. Во летните месеци се полева редовно, при што помеѓу две полевања супстратот се остава да се исуши. Премногу вода може да доведе до опаѓање на листовите. Во зимскиот период се полева само повремено со мала количина на вода (колку да не дојде до овенување на листовите). Минималната темпреатура која може да ја толерира е -1°C.

Photobucket

Photobucket

Размножување:
Лесно се размножува со режење на гранчиња или листови (во април и мај).

Надворешен линк: Овде

Освен основниот вид на овој сукулент, може да се сретнат и повеќе други сорти...

Portulacaria afra 'Variegata'

Photobucket

Фамилија: Portulacaceae
Род: Portulacaria
Вид: P. afra 'Variegata'
Народнo имe: Elephant Bush, Elephant Food, Elephant Plant, Miniature Jade Plant, Spekboom, Small leaf Jade
Синоним/и: Crassula portulacaria
Боја на цветот: Розева
Висина: до 1,8 m

Portulacaria afra 'Aurea'

Photobucket

Фамилија: Portulacaceae
Род: Portulacaria
Вид: P. afra 'Aurea'
Висина: 15-30 cm

Portulacaria afra 'Macrophylla'

Photobucket

Фамилија: Portulacaceae
Род: Portulacaria
Вид: P. afra 'Macrophylla'
Висина: 15-45 cm

Овде може да видите еден Фалтиран Цереус. Него, заедно со уште 83 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

КАКТУСАРНИЦА фото на денот

Photobucket

5/13/2011

Среќен роденден КАКТУСАРНИЦА

КАКТУСАРНИЦА за првпат се појави во просторот на blog.mk (blog.com.mk) на 13 мај во 2008 година.

Оттогаш, речиси секојдневно (1070 записи) ја збогатувам со нови информации, занимливости и фотографии, и преку неа споделувам, добивам и пренесувам нови искуства и знаења поврзани со кактусите и сукулентите. Сите оние кои ги одгледуваат, проучуваат или само ја задоволуваат својата љубопитност и им се восхитуваат на овие сукулентни билки и се друго што на некаков начин е поврзано со нив, во КАКТУСАРНИЦА сугурно ќе најдат по нешто интересно или корисно.

Photobucket

Меѓу другото, од оваа година КАКТУСАРНИЦА е збогатена со уште една нова страница. КАКТИПЕДИЈА е енциклопедија на кактуси, сукуленти и некои други ксерофити кои се презентирани во КАКТУСАРНИЦА како дел од серијалот Кактус/Сукулент на денот. КАКТИПЕДИЈА ќе ви помогне да ги идентификувате вашите миленици и да научите нешто повеќе за нив и нивното одгледување.

КАКТУСАРНИЦА може да ја следите и на Facebook, Twitter и NetworkedBlogs (препорачајте им ја и на вашите пријатели :-)). Освен овде истите содржини може да ги најдете и на kaktusarnica.blog.mk
Related Posts Plugin for WordPress, Blogger...