7/03/2008

Халуциноген туризам

Во рамки на текстовите на македонски јазик за кактуси, сукуленти и се што се врти околу нив, а кои успеав да ги најдам досега, Ви го пренесувам и овој за Халуциноген туризам, кој бил објавен на on.net во 2007 година…а сега, во екот на туристичката сезона уште повеќе ќе го поттикне Вашиот (аван)туристички дух...

Популарноста на романот “Страв и параноја во Лас Вегас” се покажа штетна по посевите на Peyote (Lophophora williamsii) во северно Мексико, бидејќи од издавањето на романот до денес, туристите не престануваат да доаѓаат во пустините и да го уништуваат овој вид на кактус.

Photobucket

Масовната потрага по Peyote започна во текот на ’70-те години, откако писателот Хантер С. Томпсон детално ги опиша неповторливите халуциногени искуства кои ги нуди кактусот. Од тогаш, туристите од целиот свет не престануваат да доаѓаат во северно Мексико за да можат со часови да халуцинираат во пустината.

Photobucket

Иако Peyote атракцијата му донесе голема заработка на мексиканскиот град Реал де Каторсе, сепак локалните власти предупредуваат дека неконтролираната жетва на растението го загрозува неговото природно живеалиште. Потребни се 10 до 15 години за да се регенерира растението.

Тоа особено ги засегнува индијанските шамани кои го користат Peyote при своите ритуали. Во текот на последните неколку години, Индијанците од племето Виксарика се потешко го наоѓаат халуциногениот кактус, поради што побараа од владата нивниот регион да биде прогласен за заштитена зона.

No comments:

Post a Comment

Related Posts Plugin for WordPress, Blogger...