Доколку сакате да пресадите некој од Вашите боцкави миленици, а немате ракавици...решението е во старите весници!
Одиме со ред...
Чекор 1: Доколку новата саксија е со поголемо дупче како на сликата...за да не испаѓа супстратот, покријте го со парче мрежа, камче или сличен предмет.
Чекор 2: Покријте го дното на саксијата со малку супстрат.
Чекор 3: Тука доаѓа до израз стариот весник (се разбира може и нов) :-)...
Чекор 4: Притиснете ја саксијата за да се одлепи супстратот. Држете го весникот цврсто околу кактусот и полека извадете го кактусот од саксијата.
Чекор 5: Ставете го полека кактусот во новата саксија, притоа внимавајќи да биде на средината.
Чекор 6: Дополнете ја саксијата со супстрат.
Чекор 7: Натапкајте го малку супстратот.
Чекор 8: На крајот, за попривлечен изглед може да ставите и камчиња околу кактусот.
Чекор 9: Како што веќе пишував, кактусите не треба да се полеваат веднаш по пресадувањето. Почекајте неколку денови (5-7). Се разбира со малку вода може да ја измиете нечистотијата која произлегла од пресадувањето.
Ако ги пренесувате кактусите...старите весници можат да се искористат и во тој случај...
Во случајов весниците го заштитуваат кактусот да не се оштети од неговите боцки...ептен практично!
No comments:
Post a Comment