Вистината за влијанието на компјутерите врз кактусите

Пред некој ден до мене стигна дел од извештај за едно истражување кое го сврте моето кактусарско внимание. Малку прор'чкав и го најдов објавен и на неколку бугарски блогови и страници. Текстот кој овде ви го пренесувам го добив преведен на македонски и не беше во целост, беше и со малку поразлични податоци (па си земав слобода да го корегирам). Овде може да го погледнете во малку пошироко издание на бугарски јазик.

Како вовед во презентацијата на резултатите од истажувањето во извештајот се истакнува дека има многу легенди кои се однесуваат на врската помеѓу компјутерите и кактусите. А во продолжение детално се објаснува експериментот кој бил започнат летото 1995 година и за кој човекот кој го направил (не успеав да најдам информации или да разберам кој е) понатаму ќе каже...

За таа цел набавив еден компјутер AMD 486 на 100 MHz со Windows 98 и 14 инчен монитор KFC. Од двете страни на мониторот на растојание од 15 cm ставив два кактуси: Gymnocalycium mihanovichii и Astrophytum myriostigma.

На следните фотографии го гледате резултатот (хммм...)...

Опитот траеше до 2003 година, кога од безбедносни причини ги уништив кактусите.

Општо познато е верувањето дека големите кактуси од видот Ferocactus и Echinocactus се многу ефикасни за заштита од радијација. Исклучително ефикасен се покажа Astrophytum-от. Тој за кратко време и покрај високата цена се распространи низ целиот свет и успешно се користи за индивидуална заштита. Единствениот негов недостаток е што билката после 4-5 години мора да се уништи. Одлични резултати покажа и родот Uebelmannia.

Можете да се чувствувате сигурни но само ако поставите доволен број на кактуси од родот Uebelmannia меѓу Вас и мониторот. Толку за радијацијата.

Експериментот покажа и некои неочекувани странични резултати, кои ќе ви ги претставам накратко:

• Околу компјутерот во пентаграм поставив пет кактуси од родот Lophophora кои го стабилизираа системот.

• До модемот случајно беше поставен еден Echinofossulocactus (Echinocactus). Опитот покажа дека врската се стабилизира за 8,75%, а од друга страна сметката кон телеком се намали за 0,15%. Да споменам само дека со други кактуси не сум вршел експерименти.
• Echinopsis покажа многу добри резултати при режење дискови, за таа цел пожелно е еден од кактусите да биде блиску до режачот, со што многу се намалува шумот кај музичките дискови.

За сега толку, продолжувам со темата, ќе следуваат и други публикации.

Како што кажа и Ноне кој ми го препрати, текстот е по малку комичен и нема баш некоја научна вредност (којзнае можеби и има!?), во секој случај е интересен и интригантен...јас со љубопитност ги очекувам и ќе ги следам новите публикации на оваа тема. :-)