Чудесно слоново стапало

Frithia pulchra (Фритија пулхра) е џуџест повеќегодишен сукулент кој расте во форма на розета. Потекнува од Јужна Африка и кај народот најчесто е познат како Fairy Elephant's Feet. Во природните живеалишта листовите му се речиси целосно во земјата. На површината од земјата, видливи се само нивните транспарентни врвови.

Многу е сличен на Fenestraria rhopalophylla. Разликата помеѓу нив е најзабележлива кога се расцветани. Кај Fenestraria rhopalophylla цветот е бело-жолт, а кај Frithia pulchrа е розево-жолт.

Сукулент на денот 158/11 е...

Frithia pulchra

Фамилија: Aizoaceae
Род: Frithia
Вид: F. pulchra
Народнo имe: Window Plants, Baby Toes, Fairy Elephant's Feet, Transvaal Fairy Elephant's Feet
Потекло: Јужна Африка
Боја на цветот: Розева со бела или светло жолта боја во средината
Сезона на цветање: Мај
Висина: околу 3 cm

Одгледување:
Овој сукулент е лесен за одгледување. Расте во лето, се полева редовно, но умерено (внимателно со полевањето, особено кога временските услови се карактеризираат со пониски температури и влажен воздух). Помеѓу две полевања супстратот е најдобро да се остави да се исуши. Се препорачува пресадување на секои три години. Во зима, во периодот кога одмора бара само повремено полевање со мала количина на вода. Се одгледува во супстрат со добра дренажа, на места изложени на сонце или во блага сенка. Минималната температура која може да ја толерира во зимскиот период е -4°C.

Размножување:
Со семе и вегетативно со разделување на розети (притоа внимавајте, листовите се лесно кршливи)

Надворешен линк: Овде

Овде има едно Свилено перниче за игли...внимавајте да не се боцнете на некоја игла! :-) Него, заедно со уште 87 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.