КАКТУСАРНИЦА фото на денот

Свилено перниче за игли

Mammillaria bombycina (Мамиларија бомбицина) е еден од најпопуларните и најубавите видови на кактуси од родот Mammillaria. Особено е атрактивен со цветовите, кои во пролет се распоредуваат околу круната на постарите билки. Потекнува од Мексико и е познат како Silken Pincushion.

Кактус на денот 153/11 е...

Mammillaria bombycina

Фамилија: Cactaceae
Род: Mammillaria
Вид: M. bombycina
Народно име: Silken Pincushion
Синоним: Chilita bombycina, Escobariopsis bombycina, Ebnerella bombycina, Neomammillaria bombycina
Потекло: Мексико (Coahuila, San Luis Potosí)
Боја на цветот: Розева, виолетова, бела
Сезона на цветање: Пролет
Висина: до 20 cm
Дијаметар: до 6 cm

Одгледување:
Овој вид на кактус е еден од најлесните за одгледување. Лесно расцветува и не бара некој специјален третман. Се одгледува во супстрат кој има добра дренажа, на места изложени на директно сонце или во блага сенка. Кај постарите примероци се препорачува пресадување на секои три години. Во периодот кога расте се полева редовно. Притоа помеѓу две полевања супстратот се остава да се исуши. Во зима супстратот се одржува сув. Температурата на која се препорачува да се чува во тој период е околу 10°C. Минималната температура која може да ја толерира е -4°C.

Размножување:
Со семе, израстоци и со режење на стеблото.

Надворешен линк: Овде

Освен основниот вид може да се сретнат и некои други сорти...

Mammillaria bombycina 'Split spines'

Фамилија: Cactaceae
Род: Mammillaria
Вид: M. bombycina 'Split spines'
Синоним: Mammillaria bombycina cv. Trispina
Боја на цветот: Светло розева
Висина: 7-14 cm
Дијаметар: 5-6 cm

Кој не видел Свински уши, може да ги види овде. Нив, заедно со уште 86 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

КАКТУСАРНИЦА фото на денот

Кактуси на базен

Рубриката Вашите кактуси и сукуленти во мојата КАКТУСАРНИЦА е секогаш отворена за фотографии од вашите миленици. Може да ми ги праќате на kaktusarnica@gmail.com, Facebook...

Вечерва овде имате можност да ги видите фотографиите кои ми ги испрати Горан Видовски. Тој е љубител на сукулентни билки подолго време, но во последните неколку години малку посериозно почнал да се занимава со нивното одгледување. Има околу 30 различни видови на кактуси и други сукуленти.

Еве како изгледаат покрај неговиот базен...

Погледнати од поблиску изгледаат уште поубаво...

Благодарам Горан!

КАКТУСАРНИЦА фото на денот