Моето срце

Серијалот I heart you е резервиран за кактуси во облик на срце. Досега на такви примероци имав можност да налетам само на интернет, но денеска во КАКТУСАРНИЦА со вас споделувам две фотографии од еден мој кактус (Opuntia microdasys), кој го купив оваа година. На мое задоволство, еден од неговите нови израстоци кои се појавија оваа пролет е токму во форма на срце.

Розево е...

Појавувањето на нови пупки и цветови кај сукулентното друштво на мојата тераса продолжува...денеска КАКТУСАРНИЦА во впечатлива розева боја...

Интелегентен кактус

Think about what is that.....think.... use your "brain"...е коментарот на креаторот...

Други интелегентни фотошоп-креации може да видите ако кликнете овде.

Главата на Медуза

Денеска Ви презентирам еден сукулент со многу интересен изглед кој потсетува на легендарната Медуза, најстрашната од трите Горгони која освен поглед кој ги скаменувал луѓето, на главата наместо коса имала змии...

Сукулент на денот 164/09 е...

Euphorbia flanaganii

Фамилија: Euphorbiaceae
Род: Euphorbia
Вид: E. flanaganii
Народнo имe: Medusa Head, Medusa's Head, Medusa Plant
Синоними:
Потекло: Јужна Африка
Боја на цветот: Жото-зелена
Сезона на цветање: Средина на лето
Висина: 15 до 30 cm

Одгледување:
Се одгледува на места во блага сенка, во супстрат со добра дренажа. Се полева редовно, притоа помеѓу две полевањa супстратот треба да се исуши. Се додава вода додека не се појави на долниот дел од саксијата, при што вишокот треба да се истури. Иако може да толерира температури од околу 2°C, во текот на зимата препорачливо е да се чува на температура од околу 10°C.

Размножување:
Се размножува со режење и семе.

Надворешен линк: Овде

Првите цветови...целосно отворени

Цветовите на еден од моите кактуси кои се појавија пред десетина дена, поради врнежливото време во тој период не се отвораа целосно...затоа денеска Првите цветови уште еднаш во КАКТУСАРНИЦА...овојпат во целосно отворено издание...

Слободно праќајте ми фотографии и од Вашите (расцветани и нерасцветани) кактуси и други сукуленти...ќе ми биде задоволство да ја красат мојата КАКТУСАРНИЦА!

Смоквата на Читателката

Веројатно веќе дел од Вас на блогот кај неа го видовте расцветаниот кактус-капиталец на Читателката. Таа беше љубезна и ми испрати уште неколку фотографии. Денеска со нејзина дозвола мојата КАКТУСАРНИЦА ќе ја красат три од нив.

Станува збор за кактус од родот Opuntia. Повеќето од овие кактуси се јадат и може да се сретнат и под името Индиска смоква, Бодликава круша или Свекрвин јазик.

Благодарам Читателке, чувајте ми едно дете! :-)

Стари чизми

Кога е во прашање нивната основна намена, парот чизми подолу веќе одамна го истерал векот, но нивната употребна вредност тука не завршила...не фрлајте ги, старите чизми можат да станат интересен детал во Вашиот двор...

Нова министерска канцеларија

За жал, со нова зграда на министерството и канцеларија во случајов нема да се офајди некој наш министер, туку тоа задоволствто ќе го има Министерот за земјоделство на Катар.

Освен карактеристичниот изглед во форма на кактус, кактусите, односно начинот на кој тие успешно преживуваат во топли и суви средини е искористен и во однос на функционалноста на овој спектакуларен објект.

Во функција на енергетска ефикасност на прозорците ќе има засенувачи, кои во текот на денот во зависност од интензитетот на сонцето ќе се отвораат и затвораат. Повеќе можете да видите и прочитате ако кликнете овде.