Џиновска морска ѕвезда

Stapelia grandiflora (Стапелија грандифлора) е сукулент со голем и атрактивен цвет. Потекнува од Јужна Африка и е сличен и во тесна врска со Stapelia hirsuta. Според некои кажувања, племото Зулу користи делови од него како лек за хистерија, па поради тоа е познат и како Giant Zulu.

Сукулент на денот 125/12 е...

Stapelia grandiflora

Фамилија: Apocynaceae
Род: Stapelia
Вид: S. grandiflora
Народнo имe: Carrion Plant, Carrion Flower, Starfish Flower, Starfish Cactus, Giant Zulu, Giant Toad plant, Maroon Bell
Синоними: Stapelia flavirostris, Stapelia desmetiana, Stapelia ambigua, Stapelia obscura, Gonostemon grandiflorus
Потекло: Јужна Африка (Northern cape, Eastern Cape and Free State)
Боја на цветот: Портокалова, темно црвена, темно кафеава-виолетова до чоколадна (цвет со дијаметар до 15 cm)
Сезона на цветање: Крај на лето и есен
Висина: 9-10 (30) cm

Одгледување:
Се одгледува на сончеви места или во блага сенка, во супстрат со добра дренажа. Во сезоната кога расте бара редовно полевање. Со намалување на темературите, се намалува и со полевањето. Во зима се полева само повремено или воопшто не се полева. Во услови на ладно време треба да се избегнува супстратот да биде влажен. Во зима нема никакви проблеми доколку се чува на осветлени места каде температурата не паѓа под 5 °C. Се препорачува негово пресадување на секои две години.

Размножување:
Најлесно се размножува со режење на стеблото. Резниците се остават најмалку еден ден да се исушат и потоа се засадуваат во супстрат. Се размножува и со семе.

Надворешен линк: Овде

Внимавајте овде да не се боцнете на една Црвеникава боцкава круша. Неа, заедно со уште 116 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

Слатко срце

Hoya kerrii (Хоја кери) е интересно растение со сукулентни листови кои се во форма на срце. Потекнува од југо-источниот дел на Азија. Името го носи во чест на Arthur Francis George Kerr, британски собирач на растенија и автор на книги од областа на ботаниката. Поради обликот на листовите, ова растение често се нарекува и Sweetheart Hoya или Lucky-heart. Неговите листови се и причина во Европа најмногу да се продава за Свети Валентин.

Сукулент на денот 97/12 е...

Hoya kerrii

Фамилија: Apocynaceae
Род: Hoya
Вид: H. kerrii
Народнo имe: Wax Hearts, Sweetheart Hoya, Valentine Hoya, Sweetheart Plant, Wax Plant, Porcelain Flower, Heart leaf, Lucky-heart, Heart-Shaped Hoya
Потекло: Јужна Кина, Виетнам, Лаос, Камбоџа, Тајланд и островот Јава во Индонезија
Боја на цветот: Бела со виолетово-кафеава круна
Сезона на цветање: Лето
Висина: до 4 m

Одгледување:
Се одгледува на места кои се целосно или делумно изложени на сонце. Може да се одгледува и на места кои се во блага сенка. Супстратот во кој е засаден, треба да биде средно порозен. Има просечна потреба за вода. Се полева редовно, а притоа треба да се обезбеди вишокот на вода да се исцеди од супстратот. Помеѓу две полевања супстратот се остава да се исуши. Просечната температура на која се препорачува да се чува во зимскиот период е околу 10 °C. Треба да се избегнува негово изложување на температури под 4,5 °C.

Размножување:
Се размножува со семе и со режење на стебло или лист (се одрежува заедно со мал дел од стеблото)

Надворешен линк: Овде

Освен во основниот вид, ова Слатко срце може да се сретне и во уште една друга сорта...

Hoya kerrii 'Variegata'

Фамилија: Apocynaceae
Род: Hoya
Вид: H. kerrii 'Variegata'
Народнo имe: Wax Hearts, Sweetheart Hoya, Valentine Hoya, Wax Plant, Porcelain Flower
Боја на цветот: Бела со виолетово-кафеава круна
Сезона на цветање: Лето
Висина: 2,4 - 3 m

Овде можете да откриете една Боливиско-аргентинска грмушка. Неа, заедно со уште 114 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

Боцкаво Алое

Aloe aculeata (Алое акулеата) е сукулент од родот Алое, препознатлив по боцките кои се распоредени по површината на неговите листови. Бидејќи е единствениот вид чии боцки излегуваат од џумки со бела основа, тој за разлика од другите слични видови лесно се идентификува. Името на видот “aculeata“ доаѓа од латинскиот јазик и во превод значи “боцкав“. Овој сукулент бил прикажан на стара монета од 10 центи, што веројатно го прави да биде најпознатиот вид на Алое во Јужна Африка.

Сукулент на денот 60/12 е...

Aloe aculeata

Фамилија: Asphodelaceae
Род: Aloe
Вид: A. aculeata
Народнo имe: Ngopanie, Sekope, Red Hot Poker Aloe
Потекло: Неколку области во Јужна Африка (Northern Province, Mpumalanga) и во делови на Зимбабве
Боја на цветот: Варијабилна: црвено-портокалова до црвено-жолта
Сезона на цветање: Мај до јули
Висина: до 60 (100) cm
Дијаметар: до 30 (100) cm

Одгледување:
Се одгледува во супстрат со добра дренажа. Расте добро на места кои се од блага сенка до целосно сончеви. Изложеноста на сончевите зраци може да предизвика појава на убава портокалова до црвена боја на некои делови од листовите. Бојата се појавува и во случај на недостаток на вода или при ниски температури. Се полева редовно во периодот кога расте. Во зима кога не е активен му треба многу малку вода. Ако се чува на температура од околу 4°C нема потреба да се полева воопшто. Не е отпорен на смрзнување и затоа треба да се избегнува секакво негово изложување на температури под 0°C.

Размножување:
Исклучиво со семе.

Надворешен линк: Овде

Овде може да се запознаете со еден Влакнест Рипсалис. Него, заедно со уште 112 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

Надуена Хавортија

Дополнувањето на КАКТИПЕДИЈА со презентација на нови видови на кактуси и сукуленти во 2012 година го започнувам со Haworthia turgida (Хавортија тургида). Интересен сукулент кој потекнува од Јужна Африка. Расте во форма на розети и има проѕирни зелени листови со кристална текстура.

Сукулент на денот 23/12 е...

Haworthia turgida

Фамилија: Asphodelaceae
Род: Haworthia
Вид: H. turgida
Синоними: Haworthia turgida var. turgida, Haworthia caespitosa, Haworthia rodinii, Haworthia laetevirens, Haworthia caespitosa, Aloe turgida, Aloe laetevirens
Потекло: Јужна Африка
Боја на цветот: Бела
Сезона на цветање: Пролет
Висина: под 15 cm
Дијаметар: 5-10 cm

Одгледување
Овој сукулент расте од есен до пролет, кога светлината е послаба, а супстратот е посув. Се одгледува во супстрат со добра дренажа, на места во блага сенка или на места каде што има делумно сонце. Неговото прекумерно изложување на сонце може да предизвика појава на црвена боја по листовите, а во зависност од интензитетот, може да доведе и до посериозни изгореници, дури и негово умирање. Во летниот период треба да се полева умерено. Влажен супстрат, во зимските месеци, особено при ниски температури може да доведе до трулење на коренот и стеблото. Минималната температура која може да ја толерира е -1 °C.

Размножување:
Со семе и израстоци.

Надворешен линк: Овде

Освен основниот вид на овој сукулент, може да се сретнат и други вариетети и форми, но и хибриди добиени со негово вкрстување со некои други видови од овој род...

Haworthia turgida var. suberecta

Фамилија: Asphodelaceae
Род: Haworthia
Вид: H. turgida var. suberecta
Синоними: Haworthia turgida var. pallidifolia, Haworthia pallidifolia
Висина: под 15 cm

Haworthia turgida var. longibracteata

Фамилија: Asphodelaceae
Род: Haworthia
Вид: H. turgida var. longibracteata
Висина: под 15 cm

Haworthia turgida f. variegata

Haworthia maughanii x turgida

Хибрид добиен со вкрстување на Haworthia maughanii и Haworthia turgida.

Внимателно, овде има еден опасен Рогат јарец. Него, заедно со уште 110 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

Наежено Агаве

Agave stricta (Агаве стрикта) е сукулент кој потекнува од централните делови на Мексико. Најчесто е познат како Hedgehog Agave. Сличен е на Agave striata, но за разлика од него има поголем број на листови кои имаат позаоблена и посиметрична форма. Кај постарите растенија, таа разлика е многу поизразена.

Сукулент на денот 339/11 е...

Agave stricta

Фамилија: Agavaceae
Род: Agave
Вид: A. stricta
Народнo имe: Hedgehog Agave, Hedgehog Century Plant, Needle Agave, Needle Leaf Agave, Globe Agave
Синоними: Agave striata var. stricta, Agave hystrix, Agave striata var. echinoides
Потекло: Централно Мексико
Боја на цветот: Црвена, црвено-кафеава, виолетова
Сезона на цветање: Јули-септември (цветаат кога ќе наполнат 8-10 години)
Висина: до 60 cm
Дијаметар: до 90 cm

Одгледување:
Се одгледува во супстрат со добра дренажа, на места изложени на директно сонце. Многу е толерантен на суша. Од време, на време, дури и преферира да има сушни периоди. Помеѓу две полевања, супстратот се остава целосно да се исуши. Во зима се полева еднаш на секои 1-2 месеци. Просечната температура на која се препорачува да се чува во зимскиот период е 10°C. Отпорен е и на смрзнување. Кога супстратот му е сув, може да толерира температури и до -4°C.

Размножување:
Релативно лесно се размножува со израстоци (доколку ги има). Се размножува и со семе.

Надворешен линк: Овде

Освен основниот вид, може да се сретнат и некои други сорти на овој сукулент...

Agave stricta var. nana

Фамилија: Agavaceae
Род: Agave
Вид: A. stricta var. nana
Народнo имe: Hedgehog Agave, Rabo de leon
Висина: 20 до 30 cm

Agave stricta var. rubra

Фамилија: Agavaceae
Род: Agave
Вид: A. stricta var. rubra
Висина: до 30 cm

Agave stricta var. falcata

Фамилија: Agavaceae
Род: Agave
Вид: A. stricta var. falcata
Висина: 30 до 60 cm

Овде има една Златна опашка на стаорец. Само опашката е, стаорецот го нема! :-) Неа, заедно со уште 106 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

Влакнеста морска ѕвезда

Stapelia hirsuta (Стапелија хирсута) е сукулент со цвет кој наликува на морска ѕвезда. Цветот е карактеристичен за сите видови од родот Stapelia. Освен по атрактивниот изглед на цветот, за жал овој сукулент е препознатлив и по неговиот непријатниот мирис (за среќа мирисот не е многу изразен и може да се почувствува само ако се помириса од блиску), па освен како Starfish flower, кај народот е познат и како Carrion Plant. Името “hirsuta“ истотака го добил поради цветот и значи “влакнест“. Stapelia hirsuta е тесно поврзан и е многу сличен со видот Stapelia grandiflora.

Сукулент на денот 326/11 е...

Stapelia hirsuta

Фамилија: Apocynaceae
Род: Stapelia
Вид: S. hirsuta
Народнo имe: Starfish flower, Carrion Plant
Синоними: Stapelia comata, Stapelia depressa, Stapelia patula, Stapelia lanifera, Stapelia elongata
Потекло: Јужна Африка (Cape Province)
Боја на цветот: Темно црвена, магента (розево виолетова), виолетова-кафеава
Сезона на цветање: Крај на лето и есен
Висина: 15-30 cm

Одгледување:
Овој сукулент е еден од најраспространетите и најодгледуваните видови од родот Stapelia. Се одгледува во супстрат кој има добра дренажа, на мeста во делумна или блага сенка. Може да се одгледува и на места изложени на директно сонце, но изложеноста на многу силно сонце може да предизвика потемнување на стеблото. Треба да се полева умерено во периодот кога расте. Толерира суша, но во лето кога температурите се највисоки треба да се полева почесто и пообилно и дополнително да се прихрани. Со тоа ќе се поттикне цветањето. На секои две години треба да се пресади. Во зима, во зависност од температурата, се полева само повремено со мала количина на вода. При ниски температури, супстратот не треба да биде сув, бидејќи може да дојде до оштетување на корењата. Просечната температура на која е препорачливо да се чуваат во зимскиот период е околу 10°C. Нема потреба за загриженост и доколку температурите паѓаат до 5°C, но треба да се избегнува изложеност на температури околу 0°C.

Размножување:
Многу лесно се размножува со режење на стеблото. Резниците треба да се остават најмалку еден ден да се исушат и потоа да се засадат. Се размножува и со семе, кое се засејува во пролет.

Надворешен линк: Овде

Stapelia hirsuta е многу варијабилен вид. Освен основниот вид, може да се сретнат и голем број на други сорти и хибриди добиени со природно или вештачко вкрстување...

Stapelia hirsuta var. gariepensis

Фамилија: Apocynaceae
Род: Stapelia
Вид: S. hirsuta var. gariepensis
Синоними: Stapelia gariepensis
Потекло: Јужна Африка и Намибија

Stapelia hirsuta var. baylissii

Фамилија: Apocynaceae
Род: Stapelia
Вид: S. hirsuta var. baylissii
Потекло: Јужна Африка

Stapelia hirsuta var. tsomoensis

Фамилија: Apocynaceae
Род: Stapelia
Вид: S. hirsuta var. tsomoensis
Потекло: Јужна Африка

Stapelia hirsuta var. vetula

Фамилија: Apocynaceae
Род: Stapelia
Вид: S. hirsuta var. vetula
Потекло: Јужна Африка

Stapelia gigantea X Stapelia hirsuta

Еден мексикански Каиш, може да видите овде. Него, заедно со уште 104 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

Розев килим

Delosperma cooperi (Делосперма купери) е џуџесто повеќегодишно сукулентно растение кое потекнува од Јужна Африка. Цветовите кои се во магента или розева боја се најбрилијантиниот аспект на овој сукулент. Многу често, речиси целосно тие ги покриваат неговото стебло и листови и поради тоа е познат како Pink Carpet.

Сукулент на денот 306/11 е...

Delosperma cooperi

Фамилија: Aizoaceae
Род: Delosperma
Вид: D. cooperi
Народнo имe: Trailing Ice Plant,  Pink Carpet, Hardy Ice Plant, Hardy Purple Ice Plant, Cooper's Ice Plant
Синоними: Mesembryanthemum cooperi
Потекло: Јужна Африка
Боја на цветот: Магента, розева, виолетова
Сезона на цветање: Јули-септември
Висина: 10 - 15 cm

Одгледување:
Овој сукулент е љубител на сонце и многу добро напредува во сува и топла средина. Се одгледува во супстрат со добра дренажа. Толерира суша. Во периодот кога расте се полева редовно и обилно. Помеѓу две полевања супстратот се остава да се исуши. Премногу вода може да доведе до трулење на корењата. Во есен треба да се намали со полевањето, за да му се овозможи полека да се подготви за зимското мирување. За разлика од некои други сукуленти кои толерираат ниски температури, Delosperma cooperi (според некои информации) во зимските месеци може да толерира и температури дури до -28 °C. Поради ниските температури, во тој период листовите му добиваат црвена боја.

Размножување:
Се размножува со семе, израстоци и со режење.

Надворешен линк: Овде

Освен основниот вид на овој сукулент, може да се сретна и други сорти...

Delosperma cooperi 'Purple Ice'

Фамилија: Aizoaceae
Род: Delosperma
Вид: D. cooperi 'Purple Ice'
Народнo имe: Ice Plant
Синоними: Mesembryanthemum cooperi
Боја на цветот: Виолетова
Сезона на цветање: Пролет-есен
Висина: до 15 cm

Delosperma cooperi 'Mesa Verde'

Фамилија: Aizoaceae
Род: Delosperma
Вид: D. cooperi 'Mesa Verde'
Народнo имe: Ice Plant
Синоними: Mesembryanthemum cooperi
Боја на цветот: Розева, кајсија
Сезона на цветање: Пролет-есен
Висина: до 15 cm

Еден дебел боцкав Машки палец може да видите овде. Него, заедно со уште 102 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

Африканско млечно дрво

Euphorbia trigona (Еуфорбија тригона) е сукулент кој многу често се меша со Euphorbia lactea. Конфузијата е разбирлива, бидејќи стеблата им се многу слични. Разликите помеѓу нив, јасно може да се воочат дури кога ќе се разгранат. Гранките кај Euphorbia trigona растат паралелно со стеблото, додека кај Euphorbia lactea гранките се шират од стеблото под одреден агол и заземаат поголем простор. Euphorbia trigona е како некој микс од грмушка и дрво. Неговото стебло има 3-4 страни (најчесто 3) и е со изразени ребра, мали боцки на рабовите и со мали листови на врвовите.

Сукулент на денот 293/11 е...

Euphorbia trigona

Фамилија: Euphorbiaceae
Род: Euphorbia
Вид: E. trigona
Народнo имe: African Milk Tree
Потекло: Западна Африка
Боја на цветот: Бела, жолтеникава (цвета само во природни услови)
Висина: до 1,8 m
Дијаметар: до 6 cm

Одгледување
Се одгледува на места изложени на директно сонце или во делумна сенка, во супстрат со добра дренажа. Во летните месеци се полева редовно и обилно. Со намалување на температурите, се намалува и полевањето. Според некои препораки, во летниот период полевањето треба да се врши на една недела, а во поладниот период на секои две недели. Мојата препорака е, при полевањето да се раководите според супстратот, односно помеѓу две полевања да го оставите да се исуши. Во зима не се полева или се полева само повремено со мала количина на вода. Просечната температура на која треба да се чува во зимските месеци е 12 °C. Бидејќи не е отпорен на смрзнување, треба да се заштити од можност за изложување на температури од околу (и под) 0 °C.

Размножување:
Лесно се размножува со режење.

Надворешен линк: Овде

Белиот млечен сок на овој сукулент е токсичен и поради тоа треба да се избегнува неговиот директен допир со кожата.

Освен основниот вид може да се сретнат и некои други сорти и форми...

Euphorbia trigona 'Red Devil'

Фамилија: Euphorbiaceae
Род: Euphorbia
Вид: E. trigona 'Red Devil'
Висина: до 1,8 m

Euphorbia trigona f. rubra

Фамилија: Euphorbiaceae
Род: Euphorbia
Вид: E. trigona f. rubra
Народнo имe: African Milk Tree
Висина: 3 - 4,7 m

Еден Позлатен Боливиец може да видите овде. Него, заедно со уште 100 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

Euphorbia trigona 'Ghost'

Футрола за стрели

Aloe dichotoma (Алое дихотома) е веројатно еден од најпознатите видови на Aloe кои може да се најдат во Јужна Африка и Намибија. Кај народот најчесто е познат како Quiver tree или Kokerboom. Младите цветни пупки на овој сукулент кои имаат сличен изглед и вкус како аспарагусот, може да се јадат. Староста која може да ја доживее Aloe dichotoma е околу 80 години. Од неговите гранки, Бушманите прават футроли за нивните стрели, а со длабење на дебелите трупци прават природни фрижидери во кој чуваат вода, зеленчук и месо.

Сукулент на денот 286/11 е...

Aloe dichotoma

Фамилија: Asphodelaceae
Род: Aloe
Вид: A. dichotoma
Народнo имe: Quiver tree, Kokerboom, Tree Aloe, Choje
Синоним(и): Aloe montana, Aloe ramosa, Aloe dichotoma var. montana, Rhipidodendrum dichotomum
Потекло: Јужна Африка (Namaqualand, Bushmanland), Намибија
Боја на цветот: Светло жолта
Сезона на цветање: Зима (првите цветови се појавуваат кога билките ќе наполнат околу 20-30 години)
Висина: до 9 m
Дијаметар: до 1 m

Одгледување:
Лесно се одгледува во супстрат со добра дренажа, на места изложени на директно сонце или во блага сенка. Во лето толерира полевање еднаш неделно. Во зимските месеци се полева еднаш месечно или воопшто не се полева. Може да издржи подолг период без вода. Редовното полевање во сезоната кога расте е во прилог на подобро напредување и цветање. Неправилно полевање, слаба дренажа или премногу сенка може да доведе до појава на болести и штетници. Во зимскиот период се препорачува да се чува во простории на температура од околу 10°C. Минималната температура која може да ја толерира е -5°C.

Размножување:
Лесно се размножува со семе. Се размножува и со режење и израстоци (доколку ги има)

Надворешен линк: Овде

Почнувајќи од мај оваа година, Kew World Checklist of Selected Plant Families препознава три подвидови на овој сукулент: Aloe dichotoma subsp. dichotoma, Aloe dichotoma subsp. pillansii и Aloe dichotoma subsp. ramosissima. Предходно тие беа третирани како три посебни видови: Aloe dichotoma, Aloe pillansii и Aloe ramosissima. Во продолжение следува кратка презентација и на другите два...

Aloe dichotoma subsp. pillansii

Фамилија: Asphodelaceae
Род: Aloe
Вид: A. dichotoma subsp. pillansii
Народнo имe: Giant Quiver Tree
Синоним(и): Aloe pillansii
Потекло: Јужна Африка, Намибија
Боја на цветот: Светло жолта
Сезона на цветање: Пролет
Висина: до 12 m

Надворешен линк: Овде

Aloe dichotoma subsp. ramosissima

Фамилија: Asphodelaceae
Род: Aloe
Вид: A. dichotoma subsp. ramosissima
Народнo имe: Maiden's Quiver Tree
Синоним(и): Aloe ramosissima
Потекло: Јужна Африка, Намибија
Боја на цветот: Светло жолта
Сезона на цветање: Зима
Висина: до 1,8 (може да се сретнат и примероци до 2,4) m

Надворешен линк: Овде

Mоже да се сретнат и неколку хибриди добиени со вкрстување на овој сукулент со други видови на Aloe. Два од нив се добиени со вкрстување на Aloe dichotoma и Aloe barberae...

Aloe dichotoma x barberae 'Rex'

Фамилија: Asphodelaceae
Род: Aloe
Вид: A. dichotoma x barberae 'Rex'

Aloe barberae x dichotoma 'Hercules'

Фамилија: Asphodelaceae
Род: Aloe
Вид: A. barberae x dichotoma 'Hercules'
Боја на цветот: Портокалова
Сезона на цветање: Зима
Висина: до 12 m

Една малку поинаква Орхидеја може да видите овде. Неа, заедно со уште 98 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.