Поздрав до Ники! :-)

Никола Трајков живее во Лимингтон, Англија, има само 10 години и веќе е голем љубител на кактуси и сукуленти. Има прекрасна збирка и на мое големо задоволство вечерва просторот на КАКТУСАРНИЦА го разубавувам со неколку фотографии од неговите миленици...

Благодарам Татјана!

Диња

Euphorbia meloformis (Еуфорбија мелоформис) е спорорастечки сукулент кој потекнува од Јужна Африка. Има стебло со 8 до 12 ребра. Познат е како Melon Spurge и наликува на Euphorbia obesa. Карактеристични за Euphorbia meloformis се неговата потемна боја и цветните стебленца кои на него се задржуваат долго време по прецветувањето. И тој и E. obesa имаат еднополни цветови и за да се добие семе од нив, потребно е да има и машко и женско растение.

Сукулент на денот 355/11 е...

Euphorbia meloformis

Фамилија: Euphorbiaceae
Род: Euphorbia
Вид: E. meloformis
Народнo имe: Melon Spurge
Синоними: Euphorbia falsa, Euphorbia infausta, Euphorbia pyriformis
Потекло: Јужна Африка
Боја на цветот: Жолта, светло жолта, жолто-зелена
Сезона на цветање: Од лето до зима
Висина: до 20 cm
Дијаметар: до 12 cm

горе: машко растение, доле: женско растение

Одгледување:
Супстрат со добра дренажа е неопходен за одгледување на овој сукулент. Во топлите периоди од годината се полева редовно, но умерено. Толерира суша и преферира да биде на места изложени на директно сонце. Бидејќи е спорорастечки сукулент, не бара често пресадување, односно во истата саксија и истиот супстрат може да остане и повеќе години. Може да толерира и умерена сенка. Растенијата кои подолго време биле на сенка, пред да се преселат на сонце треба постепено да се прилагодат на новите услови, бидејќи може да дојде до изгореници доколу преселувањето се направи одеднаш. Просечната температура на која треба да се чува во зимскиот период е 7°C. Не толерира смрзнување и треба да се избегнува изложување дури и на температури кои се околу 0°C.

Размножување:
Се размножува со семе, режење и со израстоци.

Надворешен линк: Oвде

Освен основниот вид на Euphorbia meloformis, може да се сретнат и еден подвид и една форма...

Euphorbia meloformis ssp. valida

Овој подвид во минатото бил познат како Euphorbia valida и бил сметан за посебен вид, се до 1998 година кога бил деградиран во подвид на Euphorbia meloformis. за разлика од основниот вид, овој подвид може да достигне височина и до 45 cm.

Фамилија: Euphorbiaceae
Род: Euphorbia
Вид: E. meloformis ssp. valida
Синоними: Euphorbia valida
Потекло: Јужна Африка
Боја на цветот: Светло зелена
Сезона на цветање: Од лето до есен
Висина: до 45 cm

Освен овој подвид може да се сретне и...

Euphorbia meloformis f. cristata

Фамилија: Euphorbiaceae
Род: Euphorbia
Вид: E. meloformis f. cristata

Една Бразилска имела може да видите овде. Неа, заедно со уште 108 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

КАКТУСАРНИЦА фото на денот

КАКТУСАРНИЦА фото на денот

КАКТУСАРНИЦА фото на денот

КАКТУСАРНИЦА фото на денот

КАКТУСАРНИЦА фото на денот

КАКТУСАРНИЦА фото на денот

КАКТУСАРНИЦА фото на денот

Цвеќе кое расте од љубов, а преку цветот искажува благодарност

За Вики Цветановска, кактусот е цвеќе кое расте во зависност од тоа колку љубов ќе му понудите, а цвета како благодарност за целиот труд и целото внимание кое низ годините ќе му ги посветите.

Вики има кактуси и сукуленти во различна големина од 15-тина различни видови. Почнала да ги одгледува пред 15 години, кога имала само неколку од нив. Со времето, како што растела нејзината љубов кон нив, се зголемувал и нивниот број.

Денеска во КАКТУСАРНИЦА имате можност да уживате гледајќи дел од нејзините кактуси и сукуленти преку фотографиите направени во нејзината градина...

Благодарам Вики!

Рубриката Вашите кактуси и сукуленти во мојата КАКТУСАРНИЦА е секогаш отворена за вашите приказни и фотографии од вашите миленици. Може да ми ги праќате на kaktusarnica@gmail.com, Facebook…

Африканско млечно дрво

Euphorbia trigona (Еуфорбија тригона) е сукулент кој многу често се меша со Euphorbia lactea. Конфузијата е разбирлива, бидејќи стеблата им се многу слични. Разликите помеѓу нив, јасно може да се воочат дури кога ќе се разгранат. Гранките кај Euphorbia trigona растат паралелно со стеблото, додека кај Euphorbia lactea гранките се шират од стеблото под одреден агол и заземаат поголем простор. Euphorbia trigona е како некој микс од грмушка и дрво. Неговото стебло има 3-4 страни (најчесто 3) и е со изразени ребра, мали боцки на рабовите и со мали листови на врвовите.

Сукулент на денот 293/11 е...

Euphorbia trigona

Фамилија: Euphorbiaceae
Род: Euphorbia
Вид: E. trigona
Народнo имe: African Milk Tree
Потекло: Западна Африка
Боја на цветот: Бела, жолтеникава (цвета само во природни услови)
Висина: до 1,8 m
Дијаметар: до 6 cm

Одгледување
Се одгледува на места изложени на директно сонце или во делумна сенка, во супстрат со добра дренажа. Во летните месеци се полева редовно и обилно. Со намалување на температурите, се намалува и полевањето. Според некои препораки, во летниот период полевањето треба да се врши на една недела, а во поладниот период на секои две недели. Мојата препорака е, при полевањето да се раководите според супстратот, односно помеѓу две полевања да го оставите да се исуши. Во зима не се полева или се полева само повремено со мала количина на вода. Просечната температура на која треба да се чува во зимските месеци е 12 °C. Бидејќи не е отпорен на смрзнување, треба да се заштити од можност за изложување на температури од околу (и под) 0 °C.

Размножување:
Лесно се размножува со режење.

Надворешен линк: Овде

Белиот млечен сок на овој сукулент е токсичен и поради тоа треба да се избегнува неговиот директен допир со кожата.

Освен основниот вид може да се сретнат и некои други сорти и форми...

Euphorbia trigona 'Red Devil'

Фамилија: Euphorbiaceae
Род: Euphorbia
Вид: E. trigona 'Red Devil'
Висина: до 1,8 m

Euphorbia trigona f. rubra

Фамилија: Euphorbiaceae
Род: Euphorbia
Вид: E. trigona f. rubra
Народнo имe: African Milk Tree
Висина: 3 - 4,7 m

Еден Позлатен Боливиец може да видите овде. Него, заедно со уште 100 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

Euphorbia trigona 'Ghost'

Четири Филипинки

Мојата дигитална колекција од вечерва е побогата за уште еден сет од 4 поштенски марки со кактуси и сукуленти на нив. Марките се издадени во 2003 година во Филипини и се со вредност од 6 филипински пеза.

Првите две марки се со сукулентите Aloe humilis и Euphorbia golisana, а на другите две се кактуси, Gymnocalycium spinosissima!? и Mammillaria spinosissima.

Освен поради тоа што овие поштенски марки се со кактуси и сукуленти на нив, сетот е интересен и поради уште еден момент. Имено, кактус од родот Gymnocalycium со име “spinosissima“ (кое може да се прочита на едната од марките) нема или барем не можат да се сретнат информации за таков вид. Веројатно станува збор за печатна грешка која се провлекла поради името на видот на кактусот Mammillaria spinosissima, кој е на другата поштенска марка.

Потрагата по марката која била издадена во 1986 од поштата на тогашна Југославија, со голем Cereus во средината продолжува! :-)

Африканка

Euphorbia fasciculata (Еуфорбија фасцикулата) е сукулент кој потекнува од Јужна Африка. Многу е сличен на нешто поголемиот Euphorbia shoenlandii. Освен големината, друга воочлива разлика помеѓу овие два сукуленти, е тоа што боцките кај E. shoenlandii се модифицирани стерилни цветни дршки, додека кај E. fasciculata цветните дршки се плодни и произведуваат цветови. Цветните дршки кај E. fasciculata по зреењето на семето овенуваат, но никогаш не се развиваат во боцки.

Сукулент на денот 95/11 е...

Euphorbia fasciculata

Фамилија: Euphorbiaceae
Род: Euphorbia
Вид: E. fasciculata
Потекло: Јужна Африка
Боја на цветот: Зелена
Сезона на цветање: Крај на зима-почеток на пролет
Висина: 15-30 cm (до 50 cm)

Одгледување:
Се одгледува во супстрат кој има добра дренажа, на места изложени на директно сонце или во блага сенка. Толерира суша. Во летниот период треба да се полева редовно, но умерено. Помеѓу две полевања супстратот се остава да се исуши. Не толерира смрзнување. Може да дојде до негово оштетување дури и при температури околу О°C.

Размножување:
Се размножува со семе и со израстоци.

Надворешен линк: Oвде

Во продолжение и кратка презентација на...

Euphorbia shoenlandii
(Еуфорбија шенланди)

Фамилија: Euphorbiaceae
Род: Euphorbia
Вид: E. shoenlandii
Потекло: Јужна Африка
Боја на цветот: Светло жолта
Сезона на цветање: Крај на есен-почеток на зима
Висина: до 1,8 m
Дијаметар: до 20 cm

Еднa Стара жена која често може да се сретне и вие може да ја сретнете овде. Неа, заедно со уште 73 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

Уште една сукулентна дружина

Уште една од вашите сукулентни дружини во мојата КАКТУСАРНИЦА. Вечерва тоа се кактусите и сукулентите на Фиданка Трајкова од Струмица. Млечката (Euphorbia) од првата фотографија и е омилена...ја “зафатила“ од гранче со само неколку листови.

Освен овие кои може да ги видите на фотографиите подолу, во оваа дружина има и нови членови...наскоро кога Фиданка ќе ги изнесе надвор, очекуваме нови фотографии! :-)

Благодарам Фиданка!

Круна од трње

Euphorbia milii (Еуфорбија мили) кој е познат и како Crown-of-thorns или Christ Plant е џбунест сукулент кој потекнува од Мадагаскар. Легендата вели дека круната од трње која Исус Христос ја имал на главата при негото распетие, била направена токму од овој сукулент.

Сукулент на денот 42/11 е...

Euphorbia milii

кој беше и Сукулент на денот 217/09.

Фамилија: Euphorbiaceae
Род: Euphorbia
Вид: E. milii
Народнo имe: Crown of Thorns, Christ Plant, Christ Thorns, Siamese Lucky Plant
Синоними: Euphorbia splendens var. milii
Потекло: Мадагаскар
Боја на цветот: Розева, црвена, светло жолта, бела
Сезона на цветање: Цвета постојано во текот на цела година
Висина: до 1,8 m (може да се сретнат и повисоки примероци)

Одгледување:
Се одгледува во супстрат со добра дренажа. Преферира да биде изложен на директно сонце, но ќе преживее и во блага сенка. Редовното полевање го намалува опаѓањето на листовите и го поттикува цветањето. Како и сите други и овој сукулент не сака "мокри нозе". Препорачлива температура на која треба да се чува во текот на зимата е 10°C. Може да толерира и температури од -1°C, но во таков случај голема е веројатноста да дојде и до негово оштетување.

Размножување:
Лесно се размножува со режење. Се размножува и со семе.

Надворешен линк: Овде

Освен основниот вид, може да се сретнат и поголем број на други сорти и хибриди на овој сукулент...

Euphorbia milii 'Millionnaire'

Фамилија: Euphorbiaceae
Род: Euphorbia
Вид: E. milii 'Millionnaire'
Народнo имe: Crown of Thorns, Christ Plant, Siamese Lucky Plant
Боја на цветот: Светло розева
Сезона на цветање: Крајот на зимата до почеток на пролет
Висина: до 45 cm

Euphorbia milii x lophogona

Фамилија: Euphorbiaceae
Род: Euphorbia
Вид: E. milii x lophogona
Боја на цветот: Розева, црвена
Сезона на цветање: Во текот на цела година
Висина: до 1.8 m

Euphorbia milii 'Amarillo'

Фамилија: Euphorbiaceae
Род: Euphorbia
Вид: E. milii 'Amarillo'
Народнo имe: Crown of Thorns, Christ Plant, Siamese Lucky Plant
Боја на цветот: Светло жолта

Euphorbia milii 'Peppermint Candy'

Фамилија: Euphorbiaceae
Род: Euphorbia
Вид: E. milii 'Peppermint Candy'
Народнo имe: Crown of Thorns, Christ Plant, Siamese Lucky Plant
Боја на цветот: Црвена
Сезона на цветање: Во текот на цела година
Висина: 45-60 cm

Euphorbia milii 'Forever Green'

Фамилија: Euphorbiaceae
Род: Euphorbia
Вид: E. milii 'Forever Green'
Народнo имe: Crown of Thorns, Christ Plant, Siamese Lucky Plant
Боја на цветот: Светло зелена
Сезона на цветање: Лето-есен
Висина: 30-45 cm

Euphorbia milii 'Aureo-variegata'

Фамилија: Euphorbiaceae
Род: Euphorbia
Вид: E. milii 'Aureo-variegata'
Народнo имe: Crown of Thorns, Christ Plant, Siamese Lucky Plant
Боја на цветот: Розева, црвена

Euphorbia milii 'Breon'

Фамилија: Euphorbiaceae
Род: Euphorbia
Вид: E. milii 'Breon'
Народнo имe: Crown of Thorns, Christ Plant, Siamese Lucky Plant
Боја на цветот: Црвена
Висина: до 1,8 m

Кошаркарска топка

Euphorbia obesa (Еуфорбија обеса) е уште еден сукулент од родот Euphorbia. Освен изгледот со кој потсетува на кошаркарска топка, карактеристично за овој сукулент е тоа што е дводомно (Dioecious) растение, што значи дека има исклучиво еднополни цветови, односно еден сукулент може да има или само машки или само женски цветови.

Сукулент на денот 35/11 е...

Euphorbia obesa

кој беше и Сукулент на денот 195/09.

Фамилија: Euphorbiaceae
Род: Euphorbia
Вид: E. obesa
Народнo имe: Basketball, Sea Urchin, Baseball, Living Baseball, Gingham, Golf ball, Vetmensie
Потекло: Јужна Африка
Боја на цветот: Сиво-зелена
Сезона на цветање: Средина на лето
Висина: 15-30 cm
Дијаметар: 9-10 cm

Одгледување:
Овој сукулент сака да биде изложен на сонце, но толерира и блага сенка. Се одгледува во супстрат со добра дренажа. Умерено се полева во летните месеци, а супстратот се остава сув во текот на зимата. Расте многу споро, има долг животен век и не бара често пресадување, односно промена на супстратот. Минимална температура на која е препорачливо да се чува во текот на зимата е 7°C, но во пократок временски интервал може да толерира и температура од -5°C (-10°C ако е сув супстратот).

Размножување:
Се размножува со режење и со семе.

Надворешен линк: Кликнете овде

Освен основниот вид, може да се сретнат и еден подвид и неколку форми на овој сукулент...

Euphorbia obesa ssp. symmetrica

Фамилија: Euphorbiaceae
Род: Euphorbia
Вид: E. obesa ssp. symmetrica
Синоним/и: Euphorbia symmetrica
Потекло: Јужна Африка
Висина: 6-8 cm
Дијаметар: 8-10 cm

Euphorbia obesa f. caespitosa

Фамилија: Euphorbiaceae
Род: Euphorbia
Вид: E. obesa f. caespitosa
Висина: до 20 cm
Дијаметар: до 30 cm

Euphorbia obesa f. cristata

Фамилија: Euphorbiaceae
Род: Euphorbia
Вид: E. obesa f. cristata
Народнo имe: Sea Urchin, Baseball, Vetmensie
Висина: до 20 cm
Дијаметар: до 9 cm

Euphorbia obesa f. polytomica

Фамилија: Euphorbiaceae
Род: Euphorbia
Вид: E. obesa f. polytomica
Народнo имe: Sea Urchin, Baseball, Vetmensie
Висина: до 20 cm
Дијаметар: до 20 cm

Euphorbia obesa f. prolifera

Фамилија: Euphorbiaceae
Род: Euphorbia
Вид: E. obesa f. prolifera
Народнo имe: Basketball, Sea Urchin, Baseball, Living Baseball, Gingham, Golf ball