КАКТУСАРНИЦА: Graptopetalum

Showing posts with label Graptopetalum. Show all posts

3/11/2012

3/10/2012

3/09/2012

3/08/2012

3/07/2012

3/06/2012

3/05/2012

9/21/2011

Graptopetalum paraguayense (Граптопеталум парагуаензе) е сукулент кој потекнува од Мексико. Познат е како Mother-of-pearl-plant или Ghost plant и има бели цветови во форма на ѕвезда петокрака.

Сукулент на денот 264/11 е...

Graptopetalum paraguayense

Фамилија: Crassulaceae
Род: Graptopetalum
Вид: G. paraguayense
Народнo имe: Mother of Pearl Plant, Ghost plant
Синоним(и): Sedum weinbergii
Потекло: Мексико
Боја на цветот: Бела, црвена
Сезона на цветање: Средина на лето
Висина: до 30 cm

Одгледување:
Се одгледува во супстрат со добра дренажа, на места изложени на директно сонце или во блага сенка. Во периодот кога расте се полева редовно, но умерено. Супстратот помеѓу две полевања треба да се остави да се исуши. Не заборавајте да го намалите полевањето во текот на зимата. Во овој период потребно е да се полева само повремено, колку да не дојде до сушење на неговите листови. Минималната температура која може да ја толерира е -5°C.

Размножување:
Со семе. Лесно се размножува и со режење на листови и гранчиња.

Надворешен линк: Овде

Освен основниот вид може да се сретнат и неколку други сорти и хибриди...

Graptopetalum paraguayense 'Pinky'

Фамилија: Crassulaceae
Род: Graptopetalum
Вид: G. paraguayense 'Pinky'
Народнo имe: Ghost Plant, Mother of Pearl Plant
Боја на цветот: Светло розева
Сезона на цветање: Средина на пролет
Висина: 30-45 cm

Graptopetalum paraguayense 'Variegata'

Фамилија: Crassulaceae
Род: Graptopetalum
Вид: G. paraguayense 'Variegata'
Народнo имe: Ghost Plant, Mother of Pearl Plant
Боја на цветот: Розева, кремава
Сезона на цветање: Лето-есен
Висина: 15-30 cm

X Graptoveria paraguayense x ciliata

Хибрид помеѓу Graptopetalum paraguayense и Echeveria ciliata.

Фамилија: Crassulaceae
Род: X Graptoveria (хибрид помеѓу Graptopetalum и Echeveria)
Вид: X Graptoveria paraguayense x ciliata
Висина: до 15 (15-30) cm

X Graptoveria paraguayense x gigantea

Хибрид помеѓу Graptopetalum paraguayense и Echeveria gigantea.

Фамилија: Crassulaceae
Род: X Graptoveria (хибрид помеѓу Graptopetalum и Echeveria)
Вид: X Graptoveria paraguayense x gigantea
Висина: до 15 (15-30) cm

Со едно Брадесто џуџе може да се сретнете овде. Него, заедно со уште 95 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

8/31/2011

Разгледница од Фурка

Овој месец десетина дена ги полнев батериите, се разладував и фаќав боја во Фурка во Грција.

Освен батериите, полнев и очи гледајќи сукуленти и кактуси кои ги имаше таму насекаде и во голем број. Најзастапени беа сукулентите од видот Agave americana, кои привлекуваа внимание со својата големина и атрактивност.

Дел од тоа што имав можност да го видам, пренесено преку објективот на фотоапаратот изгледаше вака…

8/09/2011

Мало ама убаво

Наташа Лозановска од Битола е голем љубител цвеќиња. Во куќата кај што сега живее има голем број на сардели, бегонии, адами, еви... Од пред две години својата колекција почнала да ја збогатува и со кактуси и сукуленти. Во овој момент има 14 посебно засадени и уште неколку аранжмани со повеќе мали кактуси и сукуленти засадени во стаклени коцки и плитки саксии.

За ова свое Aloe aristata, Наташа вели дека е мало ама убаво. Ништо помалку не е убава и мајка му...

Освен нив, Наташа во својата колекција има и Austrocylindropuntia subulata...

...Graptopetalum paraguayense...

...и еден прекрасен Празничен кактус...

Благодарам Наташа!

11/09/2010

КАКТУСАРНИЦА фото на денот

10/08/2010

Убавина и мистерија

Татјана Тодорова од Неготино е уште еден љубител на кактуси и сукуленти. Вели дека ја привлекле со нивната разновидност, убавина и на моменти мистерија...како секој од нив во себе да крие некоја своја приказна што ја раскажува преку цветовите.

Годинава почнала поактивно да се грижи и да истражува за нив. Вечерва мојата КАКТУСАРНИЦА ја разубавувам и збогатувам со неколку фотографии од нејзината колекција, во која засега има 20 видови...