Четврти роденден на КАКТУСАРНИЦА

Роденден без торта не бива...

Од тортата слободно може да си исечете парче, а подароците оставајте ги во коментари! :-)

Од мојата сукулентна градина

Вечерва објавувам уште неколку фотографии од моите кактуси и сукуленти, кои ги направив во мојата сукулентна градина за време на Велигденските празници...

Поздрав до мајка ми и татко ми, кои со голема посветеност се грижат за нив! :-)

<<<Претходен - Следен>>>

Пупки и цветови

Велигденските празници ги поминав во Пехчево во кругот на мојата фамилија и моите кактуси и сукуленти. :-) Тие зимата првпат, успешно (само со минимални загуби) ја поминаа надвор во мојата сукулентна градина (пластеник). Од зимскиот сон одамна се разбудија и голем дел од нив уште тогаш беа полни со пупки и цветови.

Во периодот кој следува ќе споделувам со вас од фотографиите кои ги направив и ќе ги правам во иднина...

Среќен роденден КАКТУСАРНИЦА

КАКТУСАРНИЦА за првпат се појави во просторот на blog.mk (blog.com.mk) на 13 мај во 2008 година.

Оттогаш, речиси секојдневно (1070 записи) ја збогатувам со нови информации, занимливости и фотографии, и преку неа споделувам, добивам и пренесувам нови искуства и знаења поврзани со кактусите и сукулентите. Сите оние кои ги одгледуваат, проучуваат или само ја задоволуваат својата љубопитност и им се восхитуваат на овие сукулентни билки и се друго што на некаков начин е поврзано со нив, во КАКТУСАРНИЦА сугурно ќе најдат по нешто интересно или корисно.

Меѓу другото, од оваа година КАКТУСАРНИЦА е збогатена со уште една нова страница. КАКТИПЕДИЈА е енциклопедија на кактуси, сукуленти и некои други ксерофити кои се презентирани во КАКТУСАРНИЦА како дел од серијалот Кактус/Сукулент на денот. КАКТИПЕДИЈА ќе ви помогне да ги идентификувате вашите миленици и да научите нешто повеќе за нив и нивното одгледување.

КАКТУСАРНИЦА може да ја следите и на Facebook, Twitter и NetworkedBlogs (препорачајте им ја и на вашите пријатели ). Освен овде истите содржини може да ги најдете и на kaktusarnica.blog.mk

Божиќни пупки

Татјана со Празничната приказна на нејзиниот Божиќен кактус, ме потсети на оваа фотографија, која ја направив на Бадник во мојата Сукулентна градина...

Среќна Нова година и Среќни празници!

КАКТУСАРНИЦА Ви посакува многу здравје, љубов, среќа и остварени желби во новата 2011 година!

Среќна Нова година и Среќни празници!

Моја земја

Во најновиот број (кој веќе е во продажба) на единственото списание за земјоделство и рурален развој во Македонија “Моја земја“, рубриката “Цвеќарство“ во соработка со КАКТУСАРНИЦА е посветена на одгледување, размножување и заштита на кактусите...

Кактусот од Maxima

Во март оваа година пишував и објавив неколку фотографии од дворот на MAXIMA во кој има разни украсни дрвца и цвеќиња, а меѓу нив и неколку кактуси и сукуленти.

Бидејќи станува збор за габаритни примероци, а немаат соодветни услови да ги чуваат во зимскиот период, минатиот викенд љубезната Снеже која работи во MAXIMA, грижата за еден од нив во иднина ми ја препушти мене...

Благодарам Снеже!

Бела магија

...од мојата сукулентна градина...

КАКТИПЕДИЈА

Од денеска во КАКТУСАРНИЦА, покрај Календар за кактусари/ки, Корисно четиво и Анкета, во менито на страници може да најдете уште една, КАКТИПЕДИЈА.

КАКТИПЕДИЈА е енциклопедија на кактуси, сукуленти и некои други ксерофити (xerophyte – растенија кои можат да поднесат долготрајни суши) кои се презентирани во КАКТУСАРНИЦА како дел од серијалот Кактус/Сукулент на денот.

До овој момент со КАКТИПЕДИЈА се опфатени 34 видови (освен основните видови, дополнително се опфатени и некои од нивните најпопуларните сорти и хибриди) од 23 различни родови. Паралелно со објавувањето на нови записи во серијалот Кактус/Сукулент на денот и КАКТИПЕДИЈА во иднина континуирано ќе се дополнува.

Расцветување

Кактусот е Echinopsis subdenudata, а расцветувањето го уловив вечерта на 15 јули кај мене на тераса. Првите две фотографии се направени два дена порано.

 

Мојата расцветана сукулентна градина (волуме 3)

Вечерва со вас споделувам уште неколку од фотографиите кои на почетокот на минатиот месец ги направив во мојата сукулентна градина...

Поздрав до Pepus!

Мојата расцветана сукулентна градина (волуме 2)

Пред три недели мојата сукулентна градина освен со цветовите од Aloe, блескаше со убавина која произлегуваше и од цветовите кои ги имаше и кај дел од останатите кактуси и сукуленти...

Мојата расцветана сукулентна градина

Проектот “Сукулентна градина“ оваа година влезе во својата трета фаза. Градината повеќе не е на терасата, туку во дел од пластеник кој се наоѓа во дворот кај моите во Пехчево. И ова е само привремено решение и доколку имам време до крајот на годината планирам да ја реализирам и четвртата фаза, која подразбира проширување и уредување на посебен простор врз основа на потребите на кактусите и другите сукуленти.

Теренски координатор на проектот е мајка ми и благодарение на нејзината љубов кон нив и грижата која континуирано им ја посветува, кактусите и сукулентите се во одлична кондиција. Кога бев пред три недели, Сулентната градина беше исполнета со цветови од различните видови на Aloe...еве како тоа изгледаше погледнато од различни агли...

Коските ми се расцветаа

Rhipsalis salicornioides кој е познат и како Dancing Bones Cactus, Drunkard’s Dream и Spice Cactus, а јас си го викам Разиграни коски е кактус кој го имам од 2007 година. Годинава расцвета за првпат...засега има само четири цветови...