Разубавен работен простор

Како поради атрактивниот изглед, така и поради тоа што се многу едноставни за одгледување, кактусите и сукулентите освен во домовите, многу често може да се видат и како ги красат прозорците и го разубавуваат просторот на многу канцеларии и други работни простории.

Тие симпатични глетки на кои јас наидувам, преку фотографиите објавени во КАКТУСАРНИЦА ги споделувам и со вас. Освен нив, овде секогаш има место и за такви или слични фотографии кои вие ги правите и ми ги праќате. Токму денес со неколку од нив, ви посакувам убаво навивачко попладне (НАПРЕД МАКЕДОНИЈА!) :-) и уште поубав викенд!

Поздрав и благодарност до испраќачот! :-)

П.С. Фотографиите кои вие ги имате или во иднина ќе ги направите, може да ми ги праќате на kaktusarnica@gmail.com.

Нека ни е честит Јубилејот!

Минатиот месец Татјана Анакиева ми испрати две посебни фотографии, кои ги имав малку подзаборавено. Направени се на врвот Тумба на Беласица, кој се наоѓа на тромеѓето помеѓу Македонија, Бугарија и Грција. Денес во вистински момент се сетив на нив, бидејќи и овој ден е исто така посебен.

Во чест на јубилејот “20 години самостојна и независна Република Македонија“ , во КАКТУСАРНИЦА имате несекојдневна и ексклузивна можност да видите сукуленти од родот Sempervivum како цветаат на надморска височина од дури 1881 метри.

Благодарам Татјана!

НЕКА НИ Е ЧЕСТИТ ДЕНОТ НА НЕЗАВИСНОСТА!
НЕКА НИ Е ВЕЧНА РЕПУБЛИКА МАКЕДОНИЈА!

Воајер во Тројан

Во рубриката Воајер вечерва ја објавувам оваа фотографија, која ја направив во мај оваа година додека престојував во Тројан во соседна Бугарија.

Шетајќи низ центарот на градот, меѓу другите интересни работи, моето внимание и објективот на фотоапаратот го привлече и една тераса која беше украсена со неколку кактуси и други цвеќиња...

Вера од Континентал

За вечерва избрав нешто од мојата воајерска архива. Овие три фотографии на кои може да се видат два вида на сукуленти од родот Aloe, сум ги направил на почетокот на ноември 2009 година во хотел Континетал во Скопје.

Првиот сукулент е Aloe vera...

...а другиот Aloe arborescens...

Рубриката Воајер е отворена и за вашите фотографии...може да ми ги праќате на kaktusarnica@gmail.com.

Уште еден Ушник

Гостин во рубриката Воајер на КАКТУСАРНИЦА вечерва повторно е Мартина со две фотографии од Ушник кој го уловила пред расцветување, овојпат шетајќи низ улиците.

Како бонус фотографија од тие што ми ги има испратено, ја избрав и оваа со една боцкава Mammillaria со зрели црвени плодови.

Благодарам Мартина!

Од Данаил за КАКТУСАРНИЦА, волуме 2

Вечерва КАКТУСАРНИЦА ја украсувам со уште неколку од фотографиите што ми ги испрати Данаил...

Благодарам Данаил!

Поврзан запис:
На пазар во Воден
Од Данаил за КАКТУСАРНИЦА

Од Данаил за КАКТУСАРНИЦА

Бидејќи секогаш кога ќе ги види, кактусите го потесутуваат на неа, на две места Данаил специјално за КАКТУСАРНИЦА направил и неколку фотографии кои ми ги испрати....еве дел од нив...

Благодарам Данаил!

Поврзан запис:
На пазар во Воден

Бијонсе во Лисабон, специјално за КАКТУСАРНИЦА

Додека Бијонсе се шетала низ Caiscais, монденско место во околината на Лисабон, поминала и покрај многу убав парк, во кој меѓу другото имало и неколку големи сукуленти од видот Agave americana.

Освен што уживала во глетката и (не знам дали таа или некој друг!?) ги пробала како боцкаат :-), специјално за КАКТУСАРНИЦА ги направила и овие фотографии...

Благодарам Бијонсе!

Ушникот на мајка и

Во записот за Пустинскиот на Мартина ви кажав дека освен од него, таа ми испрати и фотографии од други кактуси и сукуленти. Дел од нив ги направила кај мајка и (која е голем љубител на цвеќиња), а дел ги направила додека шетала низ улиците.

За вечерва направив избор од фотографиите што ги направила кај мајка и. Еден од нејзините сукуленти е од родот Sempervivum (Чувар на куќа), а од Мартина дознав дека е познат и како Ушник...

Благодарам Мартина! Поздрав до мајка ти! :-)

Разгледница од Спанчево

Спанчево е село во општина Чешиново-Облешево. Познато е по тоа што во негова близина на ритчето кај црквата “Свети Атанасие” е откриена населба која, најверојатно, датира од енеолитот, односно од периодот 4000 години пр.н.е. Деновиве можеше да се сретне информации дека датира од пред 5000, односно 7000 години пр.н.е.

Во населбата не сум бил, но пред две недели бев во селото, во близина на една куќа која посебно го привлече моето внимание. Во дворот и на терасата на таа куќа имаше неколку кактуси и сукуленти. Меѓу нив особено доминантен беше еден капитален примерок од родот Echinopsis...

Поздрав до љубезните сопственици!

На лице место на ридот во Долно Барбарево

Во февруари оваа година ве запознав со ридот во атарот на пробиштипското село Долно Барбарево (или можеби Горно Барбарево...остана неразјаснето), еден од листата на ридови во Македонија освоени од кактуси од родот Opuntia. Фотографиите кои тогаш ги споделив со вас ги добив од уште еден љубител на кактуси и сукуленти, мојот пријател Марјан од кого дознав за овој (уште еден малку необичен за овие простори) рид.

На 15 овој месец (или пред точно две недели) заедно со него и девојка ми Ирена имав несекојдневна можност да прошетам низ тој дел од Македонија исполнет со природни убавини, и да го видам ридот и кактусите распослани по него. Местото од Пробиштип е оддалечено дваесетина минути возење со автомобил по асвалтиран планиниски пат кој завршува на само стотина метри пред кактусите.

Кактусите се групирани во две купчиња, ова е поголемото...

...ова е дел од второто, помало купче...

...кактусите беа полни со плодови (каква ли само глетка имало кога цветале)...

...некои од нив веќе беа и зрели...

...не носев ракавици, но не пропуштив можност да си наберам неколку и покрај тоа што сериозно се избоцкав додека ги берев... :-)

Благодарам Марјан!

Поврзани записи:
Кактуси освоија рид во Клисура
Уште еден рид е освоен

На пазар во Воден

Еден мој пријател правел истажување за цреша во добрососедска Грција, поточно во Воден. Во рамки на тоа истражување поминал и низ локалниот пазар каде меѓу другото имало и кактуси и сукуленти.

Бил воодушевен од глетката и специјално за мене и мојата КАКТУСАРНИЦА ги направил овие две фотографии...

Благодарам Данаил!

Опашката на сестра ми

Сестра ми е сопственик на еден капитален примерок на кактус од видот Disocactus flagelliformis кој е познат и како Опашка на стаорец. Стар е околу осум години, размножен е од кактусот што го има мајка ми и годинава е полн со цветови. Еве како изгледал во саботата...

За жал фотографијата е направена е со мобилен и цветовите не се гледаат баш убаво.

На трети овој месец кога јас го фотографирав изгледаше вака...

Освен Опашката (меѓу другото) терасата на сестра ми ја красат и Чувар на куќа...

...и еден Echinopsis.