Поздрав од Бермуда

Новата поштенска марка во мојата дигитална колекција е издадена и испратена од Бермуда и е во вредност од еден Бермудски долар. Кактусот на неа е од видот Opuntia stricta, кој е познат и под синонимот Opuntia dillenii.

Потрагата по марката која била издадена во 1986 од поштата на тогашна Југославија, со голем Cereus во средината продолжува! Следува награда за тој што ќе ја најде!

Четири Филипинки

Мојата дигитална колекција од вечерва е побогата за уште еден сет од 4 поштенски марки со кактуси и сукуленти на нив. Марките се издадени во 2003 година во Филипини и се со вредност од 6 филипински пеза.

Првите две марки се со сукулентите Aloe humilis и Euphorbia golisana, а на другите две се кактуси, Gymnocalycium spinosissima!? и Mammillaria spinosissima.

Освен поради тоа што овие поштенски марки се со кактуси и сукуленти на нив, сетот е интересен и поради уште еден момент. Имено, кактус од родот Gymnocalycium со име “spinosissima“ (кое може да се прочита на едната од марките) нема или барем не можат да се сретнат информации за таков вид. Веројатно станува збор за печатна грешка која се провлекла поради името на видот на кактусот Mammillaria spinosissima, кој е на другата поштенска марка.

Потрагата по марката која била издадена во 1986 од поштата на тогашна Југославија, со голем Cereus во средината продолжува! :-)

Русинка

Уште една Русинка во мојата дигитална колекција на поштенски марки. И оваа со Mammillaria swinglei на неа, како и предходната, е издадена во 1994 година и е со вредност од 100 рубљи.

Уште сум во потрага по марката која била издадена во 1986 од поштата на тогашна Југославија, со голем Cereus во средината.

Русинка

Мојата дигитална колекција ја збогатувам со оваа поштенска марка со Пејоти (Lophophora williamsii) на неа. Издадена е во Русија во 1994 година, со вредност од 100 рубљи.

Ако имате некоја слична на овие, може да се менуваме :-), особено ако ја имате марката која била издадена во 1986 од поштата на тогашна Југославија, со голем Cereus во средината.

Виетнамки

Во мојата колекција на поштенски марки со кактуси и сукуленти, вечерва додавам уште седум издадени во Виетнам...

Ако имате некоја слична на овие, може да се менуваме :-), особено ако ја имате марката која била издадена во 1986 од поштата на тогашна Југославија, со голем Cereus во средината.

Нови марки

Мојата дигитална колекција на поштенски марки од вечерва е побогата за уште две со кактуси на нив.

Едната е од Малезија со Epiphyllum oxypetalum на неа, а другата е со Opuntia basilaris, издадена во САД.

СЕ БАРА поштенската марка издадена во 1986 од поштата на тогашна Југославија, со голем Cereus во средината...следува награда! :-)

Бугарска марка

Во мојата дигитална колекција на поштенски марки придодавам уште една. Овојпат станува збор за поштенска марка издадена во 2009 година од поштата на соседна Бугарија ...

Сеуште сум во потрага по марката која била издадена во 1986 од поштата на тогашна Југославија, со голем Cereus во средината.

Поштенска марка од Куба

Уште една марка во мојата дигитална колекција на поштенски марки. Издадена е во Куба во 1978, со кактус Opuntia militaris (Opuntia triacantha) на неа...

Освен тие 7 од Танзанија и 6 од Бенин за марката која била издадена во 1986 од поштата на тогашна Југославија, со голем Cereus во средината, давам и уште 6 од Суринам. :-)

Собирам поштенски марки

Вчера случајно налетав на една страница каде на продажба покрај билки и книги се нудат и поштенски марки со кактуси и сукуленти на нив. Излезе дека бројот на вакви поштенски марки бил многу голем, а листата на држави кои ги имаат издадено прилично долга.

Ми се видоа интересни и решив да почнам да си ги собирам...засега колекција ми е скромна, ама така се почнува. :-)

Ако имате некоја слична на овие, може да се менуваме. Давам 7 од Танзанија и 6 од Бенин, за поштенската марка која била издадена во 1986 во тогашна Југославија (во која беше и Македонија) со голем Cereus во средината. :-)