Прошетка низ ботаничката градина Jochum-Hof

Денеска ви препорачувам една кратка прошетка низ ботаничката градина Jochum-Hof. Градината која има долга историја, се наоѓа во Tegelen, село во Холандија. Најстарите делови во градината датираат уште од 1799 година, кога просторот на кој сега се наоѓа имал друга намена.

Многу подоцна, во 1933 година свештеникот Peter Jochum кој бил страствен љубител на растенијата, како поддршка на образованието по биологија кое се одвивало во манастирот, на тој простор почнал да ја гради ботаничката градина. Во нејзиното збогатување помош добивал и од мисионерите, кои му носеле растенија и семиња од сите делови на светот.

Подоцна во рамки на градината бил направен и стакленик во кој има и колекција на кактуси и други сукуленти. Дел од нив и нивните цветови може да ги видите преку оваа денешна видео прошетка...

Забава во Ботаничката градина во Скопје

Насловот не се однесува на ботаничката градина (која деновиве беше актуелна) за која беше најавено дека следната година треба да почне да се гради во Зоолошката градина, туку за веќе постоечката Ботаничка градина во Скопје, која јас за жал сеуште ја немам посетено. Многу малку луѓе воопшто и знаат дека постои, а од малиот број на инфомации кои може да се најдат за градината, може да се дознае дека таа е распослана на површина од 450 m², со 22 систематски полиња и функционира во рамки на Институтот за биологија при Природно-математичкиот факултет.

Фотографијата која може да ја видите овде, не е од градината во Скопје. Како изгледа таа, има само еден начин да се дознае! :-) Во контекст на тоа, денес до мене стигна една информација, која може да биде интересна и за возрасните и за децата. Имено, група на индивидуалци и невладини организации решиле да дадат свој придонес во популаризацијата на Ботаничката градина и нејзиното значење, преку организирање на забава токму во неа. КАКТУСАРНИЦА со задоволство ја поздравува иницијативата и упатува поддршка до организаторите. Во таа насока во продолжение ви ја пренесувам информацијата во целост...

Почитувани,

Скопје има прекрасна Ботаничка градина за која 90% од граѓаните не знаат за жал. Неколку индивидуалци и невладини организации се решија конечно да преземат нешто и да ја промовираат оваа градина со едукативно, рекреативно и естетско значење за целата заедница.

Промоцијата ќе се состои од мала коктел забава во недела (4.12.11) во 12 часот во Ботаничката градина. Замислата е сите родители да дојдат со своите деца и да поминат некое време во Ботаничката градина, да дознаат дека постои, да ја запознаат нејзината убавина и да научат нешто повеќе за ендемичните растенија, за Секвојата, за месојадните растенија и слично...

Целиот настан ќе биде надополнет со кловнови и музика за најмладите, но и пијалаци и панел дискусии за повозрасните. Она што ние Ве замолуваме е да бидете поддршка во остварувањето на нашите цели (подигање на јавната свест за постоењето на Ботаничката градина и нејзината потреба во секојдневното живеење).

Се залагаме и се грижиме за  животната средина во Р.М., за културата на Р.М. и што е најважно за децата и студентите на Република Македонија кои досега живееле без да знаат дека постои Ботаничка градина. Ќе имате можност за поставување на банери, слободно ќе можете да извршите анкети и да и се доближите на публиката која се грижи за животната средина, културата и иднината на Република Македонија.

Доколку сте заинтересирани за контакт или средба пишете на овој меил, tamara.kostadinovska@hotmail.com.

Од се‘ срце Ви благодарам, 

Тамара Костадиновска

Прошетка низ Jardín de Cactus

Guatiza се наоѓа во провицијата Las Palmas на Канарските острови. Популарноста на ова место пред се, се должи на неговата ботаничка градина Jardín de Cactus. Оваа атрактивна градина изгледа како амфитеатар и зафаќа простор од 5.000 метри квадратни. Во неа, на едно место се собрани околу 10.000 кактуси, од повеќе од 1.400 различни видови кои потекнуваат од Канарските острови, Америка и Мадагаскар.

Денеска, на крајот од работната недела ви препорачувам една видео прошетка низ оваа импресивна градина...

Кокошки и пилиња во мојата сукулентна градина (2)

Кокошките и пилињата кои ги сликав во мај оваа година во мојата сукулентна градина, денес по вторпат се во КАКТУСАРНИЦА. Овојпат имате можност да погледнете како изгледале од друг агол и од малку поблиску...

Натурализиран Португалец во мојата сукулентна градина

Aichryson laxum е сукулент кој потекнува од Канарските острови, а е натурализиран во Португалија. Еден таков успешно натурализирав и во мојата сукулентна градина. :-) Во мај оваа година беше во пол цвет...

Кокошки и пилиња во мојата сукулентна градина

Таму некаде од средината на месец мај оваа година, во мојата сукулентна градина можеше да се видат и овие Кокошки и пилиња, односно расцветан сукулент од видот Sempervivum arachnoideum, кој е познат и како Cobweb houseleek или Spider Web Hens and Chicks...

Од мојата сукулентна градина vol. 8

По малку подолга пауза еве го и осмиот дел од серијалот “Од мојата сукулентна градина“. И овие фотографии се од фотосесијата направена на з јуни...

<<<Претходен – Следен>>>

Од мојата сукулентна градина vol. 7

Уште неколку од фотографиите направени на з јуни оваа година…

Сите записи од серијалот “Од мојата сукулентна градина“ може да ги погледнете со килкнување на контролите “Претходен – Следен“

<<<Претходен – Следен>>>

Од мојата сукулентна градина vol. 6

Кикириките годинава расцветаа како никогаш досега. Фотографиите се направени на з јуни...

<<<Претходен – Следен>>>

Од мојата сукулентна градина vol. 3

Фотографииите се направени на 22 мај оваа година...

 

<<<Претходен - Следен>>>

Од мојата сукулентна градина vol. 2

Нови фотографии од серијата направени во месец април оваа година во мојата сукулентна градина во Пехчево...

 

<<<Претходен - Следен>>>

Од мојата сукулентна градина

Вечерва објавувам уште неколку фотографии од моите кактуси и сукуленти, кои ги направив во мојата сукулентна градина за време на Велигденските празници...

Поздрав до мајка ми и татко ми, кои со голема посветеност се грижат за нив! :-)

<<<Претходен - Следен>>>

Пупки и цветови

Велигденските празници ги поминав во Пехчево во кругот на мојата фамилија и моите кактуси и сукуленти. :-) Тие зимата првпат, успешно (само со минимални загуби) ја поминаа надвор во мојата сукулентна градина (пластеник). Од зимскиот сон одамна се разбудија и голем дел од нив уште тогаш беа полни со пупки и цветови.

Во периодот кој следува ќе споделувам со вас од фотографиите кои ги направив и ќе ги правам во иднина...

Божиќни пупки

Татјана со Празничната приказна на нејзиниот Божиќен кактус, ме потсети на оваа фотографија, која ја направив на Бадник во мојата Сукулентна градина...

Мала сукулентна градина во вашиот дом

Кога условите дома не ви дозволуваат да имате голема, може да си направите малa сукулентна градина во која ќе ги сместите вашите кактуси и други сукуленти.

Еве неколку идеи, кои може да ги прилагодите на вашиот простор и потреби...

Градините на Маракеш

Во Маракеш се сместени повеќе градини, меѓу нив се издвојуваат градините Menara – изградени во 1869 година. Menara е маслинова градина со езерце, некогашно скривалиште на султанот Mohammed V. Овие градини се наоѓаат на излезот од градот, тие се влезна врата спрема планината Атлас.

Градините Majorelle се изградени околу арт-деко работилница обоена во сино, од 1980 му припаѓаат на Yves Saint Laurent. Главна атракција е градината со кактуси.

Текстот со наслов “Маракеш - место од бајките“ во целост, пропратен и со други фотографии може да го прочитате на кантар.мк