Кактусите и сукулентите во март

Март е време кога кактусите и другите сукуленти кои ги чувате дома, треба да почете да ги преместувате на места каде што има повеќе сонце или барем поблиску до прозорците.

Изложеноста на поголема светлина продуцира поголема топлина, која пак од друга страна го поттикнува развојот на нивниот корен. Супстратот сеуште се одржува сув.

Повеќе може да прочитате во Календар за кактусар(к)и.

Кактусите и сукулентите во февруари

Февруари е месец кога кактусите сеуште се во зимски сон.

Порано кога се препорачувало кактусите да се полеваат, овој месец бил познат како “месец на смртта“. Но, доколку ги почитувате современите препораки (да ги оставите Вашите билки да презимат во сув супстрат), сега таа опасност веќе ја нема.

Ако кактусите во овој период ги чувате на собна температура, препорачливо е еднаш месечно да ги освежите со мала количина на вода.

Повеќе може да прочитате во Календар за кактусар(к)и.

Дополнително осветлување

Од условите во кои се одгледуваат кактусите и другите сукуленти, зависи дали тие нормално ќе се развиваат или ќе стагнираат. Најважен фактор за нивниот раст е адекватната светлина.

За собните кактуси, најмалата количина на светлина која се препорачува е 150 вати на метар квадратен. Флуо-цевките треба да бидат оддалечени од 25 до 30 cm од врвот на билката. Ако користите сијалици со висок интензитет, треба да ги оддалечите во сразмер со јачината. Билките растат подобро ако (во зависност од годишното време) дневната светлина е помалку или повеќе константна. Користете тајмер подесен на 12 до 18 часа дневно. Најголемиот дел од билките најдобро се развиваат доколку светло-темниот период одговара на нивното природно опкружување. Кога користите вештачко осветлување, светлината со рефлектори треба да ја насочите кон билките. Билките треба да се ротираат (свртуваат) на секои две недели, за да бидат рамномерно осветлени. Кактусите, како и повеќето други билки, се осетливи на одредени фреквенции (бои) на светлината, особено на син и црвен спектар. Најдобри резултати се постигнуваат со користење на grow-light или metal-halide цевки. Овие цевки произведуваат повеќе светлина која им одговара на билките. Metal-halide осветлувањето дава и топлина и UV зрачење кои кактусите ги сакаат.

Светлината е извор на енергија која им е потребна на билките да произвдуваат храна. Осветлувањето се изразува во фут-кандела (foot-candel, ft-c) според англо-саксонските мерни единици, односно во лукс (lux) во SI метричкиот систем. Внатрешноста на добро осветлена просторија, обично е помалку од 100 ft-c, додека светлината на еден сочев ден е повеќе од 10.000 ft-c. Билките имаат различни потреби за светлина. Собните билки се делат според количината која им е потребна за раст:

• Ниска (најмалку 100 ft-c, 150 до 200 за добар раст ≈ 1.500 до 2.000 лукса)
• Средна (најмалку 100 до 150 ft-c, 200 до 500 за добар раст ≈ 2.000 до 5.000 лукса)
• Висока (најмалку 150 до 1.000 ft-c, 500 до 1.000 за добар раст ≈ 5.000 до 10.000 лукса)
• Многу висока (најмалку 1.000 ft-c, односно повеќе од 10.000 лукса).

Foot-candle не е SI мерка, но сеуште се користи во САД, Велика Британија и нејзините бивши колонии. Околу 100 ft-c во текот на 12 часа дневно на билката и е потребно за раст во текот на целата година, а најмалку 200 ft-c во текот на 12 часа дневно за билките да ги искористат хранливите материи. За планиран раст на билките е важна јачината на светлината. Мерната единица lux претставува количник од осветлувањето (lumen) и осветлената површина (lux = lm/m²). Ако како мерка за јачина на осветлувањето користиме lux, вредноста изразена во ft-c треба да се помножи со 10,764 (за полесно пресметување ≈10).

За полесна ориентација и одредување колку светлина им е потребна на билките, еве неколку параметри:

• Полна дневна светлина над 10.760 lux
• Утринска светлина 10.760 lux
• Осветлена соба 3.500 lux
• Прозор свртен на север 2.000 lux.

Вештачкото осветлување се користи да ја замени или дополни природната светлина. Многу собни билки растат добро под вештачка светлина од флуо-цевки и други специјални ламби и сијалици. Понудата на вакви разноразни ламби е широка. Philips прави ламби под називот "Agro-Lite" , кои се помала варијанта на Gro-Lux (ламба со широк спектар на светлина). На пример, цевките на Philips овозможуваат од 2 до 10 % поголем раст, отколку што овозможуваат други слични решенија (тврдат дека експериментите се потврдени во нивните лаборатории).

Генерално, обичните сијалици и флуо-цевките не се препорачуваат за билки. Ефектот не е потполн и доаѓа до деформација на билките (обично се издолжуваат). Недостатокот на светлина може да се надокнади со продолжување на времето на изложување на вештачка светлина. Шеснаесет часа светлина (8 часа мрак) е доволна за повеќето билки. Пожелно е користење на тајмер за добивање на дневен циклус кој ќе им одговара на билките.

Бидејќи цветањето на многу тропски кактуси (кактуси на кои им е потребно малку светлина) директно зависи од должината на денот, на билките кои растат под вештачка светлина во текот на зимата треба да им се намали времето на осветлување. Тајмерот треба да се подеси, така што ќе бидат во мрак и повеќе од 12 часа дневно. Во спротивно кактусите нема да цветаат.

Извор: CactusInfo

Кактусите и сукулентите во јануари

Јануари е месец кога кактусите треба да бидат во мирување. Ако ги чувате во ладна просторија, треба да внимавате температурата да не падне под критичната точка, која за најголем дел од нив се движи од 3 до 5°C.

Кај кактусите и сукулентите кои се чуваат во топли простории постои поголема опасност од напад на разни штетници. Во таков случај треба ведаш да се делува и штетниците да се уништат.

Билките кои се прилагодени на потопли услови, како и кактусите и сукулентите кои растат и цветаат во зима, треба да бидат во топла средина, а супстратот да се одржува умерено влажен.

Повеќе може да прочитате во Календар за кактусар(к)и.

Минимална нега

Во овој период од годината кактусите и другите сукуленти би требало веќе да бидат во затворен простор...

За кактусите и сукулентите кои се сместени во суви и ладни простории, потребна е само минимална нега. Еднаш неделно може да ги прегледате и доколку воочите некој трулеж, треба веднаш да го отсечете заразениот дел. Таквата билка треба да ја пренесте во топла просторија додека не се залечи раната.

Што друго е карактеристично за овој период може да прочитате во Календар за кактусар(к)и

Температурите паѓаат, време е за преселба

Метеоролозите најавуваат дека интензивниот дожд ќе подолжи да врне и утре, до четврток, по што доаѓа засилен северен ветер, а во сабота се очекува утринските температури да паднат и до -3 °C во некои делови од државава.

Тоа значи дека е време да започнете со пренесување на вашите кактуси и другите сукуленти во затворен простор...

Што друго треба да направите може да прочитате во Календар за кактусар(к)и

Овенати цветови

...Цветовите кои веќе овенале треба да ги отстраните, бидејќи може да почнат да скапуваат, а трулежот лесно може да се прошири и на телото на билката...

Што друго е карактеристично за месец септември може да прочитате во Календар за кактусар(к)и.

Летна стагнација

Доколку приметите дека растот на кактусите е успорен, тоа значи дека почнува периодот на летна стагнација. Во тој случај, внимателно со полевањето…во стагнација коренот не работи потполно и лесно може да угине. Во таква ситуација, трулежот понекогаш се шири толку многу брзо, што не останува ништо од билката што би можело да се спаси.

Периодот на летна стагнација е време кога можете и да ги пресадувате кактусите и другите сукулентни билки! Што друго е карактеристично за овој период од годината може да прочитате во Календарот за кактусари(к)и.

Алое

Некаде на средината на минатиот месец имавте можност да прошетате низ сукулентното царство на Jeff Pavlat и да ја слушнете неговата приказна за откривањето на страста кон кактусите и сукулентите...

Вечерва преку оваа Видео лекција од него имате можност да дознаете нешто повеќе за сукулентите од родот Aloe...од каде потекнуваат, како се одгледуваат...

неговата приказна за откривањето на страста кон овие билки

Необични, атрактивни и популарни

Cindy Arredondo од Desert to Tropics повторно гостин во КАКТУСАРНИЦА. Во денешната Видео лекција ќе презентира повеќе видови на необични, атрактивни и многу популарни сукуленти, погодни за одгледување дома, во канцеларии, скулентни градини, дворови...

Спас во последен час

Многу често се случува од преголема грижа (полевање) на кактусите и сукулентите, тие да почнат да скапуваат. Во денешната Видео лекција, Cindy Arredondo од Desert to Tropics ќе ви покаже (доколку се соочите со таков проблем) како да ги спасите вашите билките...

Полевање

Златно правило при полевање на кактусите и сукулентите, е “што помалку, тоа подобро“. Можеби понекогаш билките ќе “патат“ поради недостаток на вода, но нема да угинат. Кога полевате тоа нека биде обилно. Водата треба да истече од дупките, а (доколку има) тацната треба да се испразни после неколку минути (кактусите не сакаат “мокри нозе“). Ако се полеваат повеќе пати по малку, тоа доведува до неправилен раст. Како што во пролет се зголемува количеството на светлина, така и билките бараат повеќе вода. Меѓутоа, многу е битно да се има во предвид дека земјата треба да се исуши помеѓу две полевања.

Повеќе за полевањето може да прочитате овде, а во продолжение може да погледнете и една Видео лекција на оваа тема...

Внимателно со сонцето

Доколку сеуште не сте го направиле тоа (и доколку имате услови)...

...време е Вашите кактуси и други сукуленти да ги пренесете на местата (прозор, тераса, двор…) каде што ги чувате во топлиот период од годината (пролет-лето-есен).

...тоа треба внимателно да го направите бидејќи може да дојде до нивно оштетување, односно изгорување од сонцето. Бидејќи за кактусите и сукулентите нема кремови, лосиони или нешто слично за заштита од сонце, моја препорака е кога за прв пат во годината ќе ги изнесете надвор (особено билките кои веќе почнале да растат) еден период да ги оставите во блага сенка, односно постепено да ги привикнувате на сонцето. Ова особено важи за билки кои зимата ја поминале во потполн мрак.

Повеќе за активностите кои се карактеристични за месец Април може да прочитате во Календар за кактусар(к)и.

Кактуси vs. Сукуленти

Сите кактуси се сукуленти, но сите сукуленти не се кактуси...нешто повеќе за разликата помеѓу нив, во денешната Видео лекција ќе ви раскаже мојот пријател од cactusjungle...

Кактусите и светлината

На повеќето кактуси светлината им е потребна колку што е можно повеќе. На другите им треба нешто помалку (но сеуште повеќе отколку на другите билки). Има и такви кои не бараат многу светлина.

Кактуси кои бараат најмногу светлина (ставете ги директно на сончева светлина, што повеќе тоа подобро) се повеќето видови од родовите Parodia (Notocactus), Obregonia, Astrophytum, Pilosocereus (Pilocereus), Myrtillocactus, Ariocarpus, Ferocactus и некои видови од родот Mammillaria. Во оваа категорија на кактуси влегуваат и Saguaro (Carnegia gigantea) и Prickly pear (Opuntia ficus - indica) кои истотака можат да бидат потполно изложени на сончева светлина. Кактусите со многу боцки, тврда дебела кожа (кора) и кактуси со сино или бело тело истотака се дел од оваа категорија.

Во категоријата на кактуси кои бараат помалку светлина, спаѓаат кактусите од родовите Disocactus (Aporocactus) и Echinopsis (Chamaecerus), некои од родот Gymnocalycium и слични на нив. Овие кактуси може да ги ставите на прозор, но препорачливо е да се заштитат од директна сончева светлина (со некоја фолија или слично).

Кактуси кои не бараат многу светлина се лиснати кактуси кои растат во дождовните шуми (сончевата светлина може да ги убие). Овие кактуси најдобро е да се чуваат во затворен простор, подалеку од сонцето.

Многу важно: кога ги полевате или оросувате вашите кактуси и сукуленти, правете го тоа по залезот на сонцето, бидејќи капките се однесуваат како сочива и можат (да ги изгорат) да предизвикаат оштетување на билките.

Извор: CactusInfo

Која големина?

Во минатата Видео лекција имавте можност да научите како да ги пресадите вашите кактуси и сукуленти. Вечерашната Видео лекција повторно е на истата тема и дава одговор на прашањето “Колкава треба да биде големината на саксијата во која ќе пресадувате?“...

Пресадување

Ова е период кога може да ги пресадите вашите кактуси (јас денес пресадив еден :-)) и сукуленти...како да го направите тоа имате можност да научите од вечерашната Видео лекција...

Суви листови

Доколку долните листови кај вашите сукуленти се сушат, нема простор за загриженост...нешто повеќе за тоа ќе дознаете во денешната Видео лекција...

Што после режење?

Во една од предходните Видео лекции имавте можност да видите како растат одрежаните делови при размножување со режење на кактуси и сукуленти. Во оваа Видео лекција имате можност да видите што се случува во меѓувреме со примарната билка од која се одрежуваат...

Потреба за светлина

Какви барања имаат кактусите и сукулентите кога е во прашање светлината, имате можност да дознаете преку денешната Видео лекција...