Џинот Сребре

Opuntia robusta (Опунција робуста) е кактус кој потекнува од Мексико. Во природни услови расте во форма на грмушка која може да биде висока до 4 m и до 3 m широка. Освен со латинското име, овој кактус во светот е познат и под неколку други имиња како што се Silver Dollar Prickly Pear или Giant Prickly Pear Cactus, но во КАКТУСАРНИЦА ќе си го викаме Џинот Сребре.

Кактус на денот 298/12 е...

Opuntia robusta

Фамилија: Cactaceae
Род: Ountia
Вид: O. robusta
Народнo имe: Silver Dollar Prickly Pear, Wheel Cactus, Giant Prickly Pear Cactus, Nopal Tapón, Bartolona, Dinner Plate Cactus, Camuesa, Sweet Purple Cactus, Wheel Pear
Синоними: Opuntia guerrana, Opuntia robusta var. guerrana
Потекло: Мексико
Боја на цветот: Жолта
Сезона на цветање: Средина на пролет
Висина: 1 - 3 (4) m
Дијаметар: до 30 (40) cm

Одгледување
Овој брзорастечки кактус не бара некоја посебна грижа и е многу едноставен за одгледување. Бидејќи кактусите не сакаат мокри нозе, се засадува во супстрат со добра дренажа кој при полевањето обезбедува исцедување на вишокот на вода. Отпорен е на суша и ужива да биде на места изложени на директно сонце. Во периодот кога расте се полева редовно, а помеѓу две полевања супстратот се остава да се исуши. Во зимскиот период се чува на температура од 5-10°C. Кратко може да толерира и температури до -5°C. Во зимскиот период се полева само повремено и со мала количина на вода.

Размножување:
Со режење и со семе.

Надворешен линк: Овде

Освен основната сорта на овој кактус, може да се сретнат и други сорти и вариетети...

Opuntia robusta 'Monstrosa'

Фамилија: Cactaceae
Род: Ountia
Вид: O. robusta 'Monstrosa'
Висина: 30 - 60 cm

Opuntia robusta var. maxima

Фамилија: Cactaceae
Род: Ountia
Вид: O. robusta var. maxima
Боја на цветот: Жолта
Сезона на цветање: Средина на пролет
Висина: 90 - 180 cm

Единствената разлика помеѓу овој вариетет и основната сорта е во големината на листовите. Кај основната сорта дијаметарот може да биде до 30 cm, додека кај овој вариетет може да достигне и до 50 cm.

Овде може да видите и една Индијанска глава. Неа, заедно со уште 118 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

Точно во десет

Точно во десет

Точно во десет

Точно во десет

Точно во десет

Точно во десет

Точно во 10:30

Поздрав до Ники! :-)

Никола Трајков живее во Лимингтон, Англија, има само 10 години и веќе е голем љубител на кактуси и сукуленти. Има прекрасна збирка и на мое големо задоволство вечерва просторот на КАКТУСАРНИЦА го разубавувам со неколку фотографии од неговите миленици...

Благодарам Татјана!

Црвеникава боцкава круша

Opuntia rufida (Опунција руфида) е кактус кој потекнува од делови на Мексико и САД. Понекогаш може да се сретне како сорта на Opuntia microdasys, под името Opuntia microdasys var. rufida. Името му е изведено од латинскиот збор “rufus“ кој во превод значи “црвеникав“. Поради тоа што се верува дека неговите ситни боцки (кои при дување на ветар или удар лесно се одделуваат од него) може да предизвикаат слепило кај животните, меѓу народот е познат и како Blind Prickly Pear, Blind Pear или Cow blinder.

Кактус на денот 116/12 е...

Opuntia rufida

Фамилија: Cactaceae
Род: Ountia
Вид: O. rufida
Народнo имe: Blind Prickly Pear, Blind Pear, Cow blinder, Rufida Cactus, Cactus Red Bunny Ears, Cinnamon Bunny Ears, Cinnamon Pear, Clock Face Cactus, Nopal Cegador, Nopalillo Cegador, Nopal Rojizo, Fuchsrote, Fuchsrote Opuntie, Fuchsroter, Fuchsroter Feigenkaktus
Синоними: Opuntia herfeldtii, Opuntia lubrica
Потекло: Мексико (Coahuila и Chihuahua) и САД (Тексас)
Боја на цветот: Светло жолта до портокалова
Сезона на цветање: Средина на пролет
Висина: до 1,5 m
Ширина: до 1,8 m

Одгледување
Се одгледува во супстрат со добра дренажа. Најдобро место за неговото одгледување е отворен простор изложен на сонце. Толерира суша. Во периодот кога расте се полева редовно. Помеѓу две полевања, супстратот треба добро да се исуши. Во зима се полева само доколку се примети појава на брчки по него. Во тој период, во услови на сув студ и сув супстрат, во краток временски период може да толерира и температури до -8°C. Сепак не се препорачува негово изложување на температури под 0°C.

Размножување:
Сe размножува со режење и со семе.

Надворешен линк: Овде

Освен во основниот вид, овој кактус може да се сретне и во некои други форми, како што е...

Opuntia rufida f. dwarf

Фамилија: Cactaceae
Род: Ountia
Вид: O. rufida f. dwarf
Народнo имe: Desert Gem
Синоними: Opuntia rufida var. minor, Opuntia microdasys var. rufida f. monstruosa
Висина: 15 - 30 cm

Овде е патот кој води до едно Слатко срце. Него, заедно со уште 115 други видови на кактуси, сукуленти и некои други ксерофити, детално презентирани, може да ги најдете во КАКТИПЕДИЈА.

Opuntia rufida

Пик, треф, каро, срце

Празнично

За вљубените...

...и за градинарите, лозарите и меанџиите.

Поздрав од Бермуда

Новата поштенска марка во мојата дигитална колекција е издадена и испратена од Бермуда и е во вредност од еден Бермудски долар. Кактусот на неа е од видот Opuntia stricta, кој е познат и под синонимот Opuntia dillenii.

Потрагата по марката која била издадена во 1986 од поштата на тогашна Југославија, со голем Cereus во средината продолжува! Следува награда за тој што ќе ја најде!

Од една мајска фотосесија

Минатата година при секое одење во Пехчево правев голем број на фотографии на кои во главна улога се моите кактуси и сукуленти, за кои во мое отсуство се грижат мајка ми и татко ми...поздрав до нив! :-)

За денес направив избор од фотографиите кои сум ги направил кон крајот на месец мај.

Повеќе фотографии од мојата сукулентна градина може да видите овде.

Снежна идила

Освен тоа што кактусите можат да толерираат долги сушни периоди и високи температури, дел од нив се отпорни и на температури кои се и по неколку степени под нулата.

Во делови од светот каде тие растат на отворено во природни услови  (ги има и во Македонија), во зимскиот период може да се видат и вакви слики...

Има и поубави, ама нејзините се најубави

Николина Петкова од Скопје одгледува кактуси и сукуленти само една година, но веќе има прекрасна збирка од околу триесетина различни видови, на кои им се восхитува секој ден. Кога би имала можност, би одгледувала барем уште толку. Ретко ги купува, бидејќи и е поголем меракот кога ќе добие некој кактус или сукулент на подарок.

Од тоа што може да се види во него, албумот во кој има повеќе од 50 фотографии од нејзините миленици, со право го носи насловот “Има и поубави, ама моите се најубави“. Поради тоа, ни малку не ми беше лесно да направам избор на 10 фотографии, кои вечерва имате можност да ги видите во овој запис...

Благодарам Николина!

Рубриката Вашите кактуси и сукуленти во мојата КАКТУСАРНИЦА е секогаш отворена за фотографии од вашите миленици. Може да ми ги праќате на kaktusarnica@gmail.com, Facebook…