Поздрав до Ники! :-)

Никола Трајков живее во Лимингтон, Англија, има само 10 години и веќе е голем љубител на кактуси и сукуленти. Има прекрасна збирка и на мое големо задоволство вечерва просторот на КАКТУСАРНИЦА го разубавувам со неколку фотографии од неговите миленици...

Благодарам Татјана!

Разубавен работен простор

Како поради атрактивниот изглед, така и поради тоа што се многу едноставни за одгледување, кактусите и сукулентите освен во домовите, многу често може да се видат и како ги красат прозорците и го разубавуваат просторот на многу канцеларии и други работни простории.

Тие симпатични глетки на кои јас наидувам, преку фотографиите објавени во КАКТУСАРНИЦА ги споделувам и со вас. Освен нив, овде секогаш има место и за такви или слични фотографии кои вие ги правите и ми ги праќате. Токму денес со неколку од нив, ви посакувам убаво навивачко попладне (НАПРЕД МАКЕДОНИЈА!) :-) и уште поубав викенд!

Поздрав и благодарност до испраќачот! :-)

П.С. Фотографиите кои вие ги имате или во иднина ќе ги направите, може да ми ги праќате на kaktusarnica@gmail.com.

Цвеќе кое расте од љубов, а преку цветот искажува благодарност

За Вики Цветановска, кактусот е цвеќе кое расте во зависност од тоа колку љубов ќе му понудите, а цвета како благодарност за целиот труд и целото внимание кое низ годините ќе му ги посветите.

Вики има кактуси и сукуленти во различна големина од 15-тина различни видови. Почнала да ги одгледува пред 15 години, кога имала само неколку од нив. Со времето, како што растела нејзината љубов кон нив, се зголемувал и нивниот број.

Денеска во КАКТУСАРНИЦА имате можност да уживате гледајќи дел од нејзините кактуси и сукуленти преку фотографиите направени во нејзината градина...

Благодарам Вики!

Рубриката Вашите кактуси и сукуленти во мојата КАКТУСАРНИЦА е секогаш отворена за вашите приказни и фотографии од вашите миленици. Може да ми ги праќате на kaktusarnica@gmail.com, Facebook…

Има и поубави, ама нејзините се најубави

Николина Петкова од Скопје одгледува кактуси и сукуленти само една година, но веќе има прекрасна збирка од околу триесетина различни видови, на кои им се восхитува секој ден. Кога би имала можност, би одгледувала барем уште толку. Ретко ги купува, бидејќи и е поголем меракот кога ќе добие некој кактус или сукулент на подарок.

Од тоа што може да се види во него, албумот во кој има повеќе од 50 фотографии од нејзините миленици, со право го носи насловот “Има и поубави, ама моите се најубави“. Поради тоа, ни малку не ми беше лесно да направам избор на 10 фотографии, кои вечерва имате можност да ги видите во овој запис...

Благодарам Николина!

Рубриката Вашите кактуси и сукуленти во мојата КАКТУСАРНИЦА е секогаш отворена за фотографии од вашите миленици. Може да ми ги праќате на kaktusarnica@gmail.com, Facebook…

Приказна

Просторот во мојата КАКТУСАРНИЦА и денес е посебно убав благодарение на вашите кактуси и сукуленти. Фотографиите кои денес имате можност да ги видите се од албумот на Симона Кириќ од Скопје.

Нејзината сукулентна приказна започнала пред неколку години кога добила еден кактус на подарок. Остатокот од приказната, во продолжение преку фотографииите ја раскажуваат нејзините миленици...

Благодарам Симона!

Рубриката Вашите кактуси и сукуленти во мојата КАКТУСАРНИЦА е секогаш отворена за фотографии од вашите миленици. Може да ми ги праќате на kaktusarnica@gmail.com, Facebook…

Екстра колекција

Лазар Плетварски (оригинал кавадарчанец кој веќе 5 години е аеродромец :-)) со растенијата е од кога знае за себе. Поради ограничениот простор на терасата и станот во кој сега живее, решил во него да најдат место само растенија кои се (како што ќе каже) екстра добри и посебни.

Токму тоа е и причината зошто Лазар во последните години им се посветил само на кактусите и сукулентите. Набавува исклучиво мали билки, па си ги расте. :-) Во својата екстра колекција има 35-40 видови на кактуси и 3 други сукуленти.

Вечерва во КАКТУСАРНИЦА имате екстра можност да видите неколку од нив...

Рубриката Вашите кактуси и сукуленти во мојата КАКТУСАРНИЦА е секогаш отворена за фотографии од вашите миленици. Може да ми ги праќате на kaktusarnica@gmail.com, Facebook…

Благодарам Лазар!

Мало ама убаво

Наташа Лозановска од Битола е голем љубител цвеќиња. Во куќата кај што сега живее има голем број на сардели, бегонии, адами, еви... Од пред две години својата колекција почнала да ја збогатува и со кактуси и сукуленти. Во овој момент има 14 посебно засадени и уште неколку аранжмани со повеќе мали кактуси и сукуленти засадени во стаклени коцки и плитки саксии.

За ова свое Aloe aristata, Наташа вели дека е мало ама убаво. Ништо помалку не е убава и мајка му...

Освен нив, Наташа во својата колекција има и Austrocylindropuntia subulata...

...Graptopetalum paraguayense...

...и еден прекрасен Празничен кактус...

Благодарам Наташа!

Вистински убавец

Овој убавец од родот Echinopsis кој вечерва преку фотографија имате можност да го видите во КАКТУСАРНИЦА, во живо може да се види во дворот на Олгица Илиевска, каде покрај големиот број на цвеќиња, го имаат овој и уште неколку други кактуси.

Олгица ја пронашла КАКТУСАРНИЦА на Facebook, каде поттикната од (како што вели) ептен убавиот цвет, несебично ги сподели овие неколку фотографии. Кактусот (особено вака расцветан) е дефинтивно вистински убавец и затоа со големо задоволство фотографиите ги објавувам и овде. :-)

Во продолжение и уште две фотографии од него, со датум од мината година...

...и една фотографија со Echinopsis chamaecereus и Mammillaria со зрели плодови.

Благодарам Олгица!