Ова змијовидно растение потекнува од Нигерија и источниот дел на Конго. Поради обликот на листовите, може да сретне како Snake plant или поради нивната острина како Mother-in-law's tongue, односно Свекрвин јазик, како што е познато и кај нас. Во Јапонија се нарекува Tigers Tail, во Бразил espada-de-são-jorge (sword-of-saint-george)...
Сукулент на денот, 341 е уште еден вид од родот
Sanseveria...
Sansevieria trifasciata
Може да се сретнат повеќе форми на овој вид...на сликата тргнувајќи од горе-лево во правец на стрелките на часовникот, ги гледате Sansevieria trifasciata 'Black Coral', 'Laurentii' и 'Futura'.
Фамилија: Ruscaceae, Agavaceae
Род: Sansevieria
Вид: S. trifasciata
Народнo имe: Snake plant, Mother in law's tongue, Espada de São Jorge (Sword of Saint George), Espada de Santa Barbara (Sword of Saint Barbara)
Потекло: Тропскиот запад на Африка (од Нигерија до Конго)
Боја на цветот: Зеленкасто бела
Сезона на цветање: Пролет
Висина: 60-70 cm
Одгледување:
Sansevieria trifasciata е многу популарно собно растение поради тоа што толерира мала светлина и нередовно полевање. Во периодот кога расте треба да се полева еднаш на две недели, а во зимскиот период само еднаш на неколку месеци. Доколку се предозира со вода лесно може да му скапат корењата.
Размножување:
Се размножува во било кое време од годината со режење и одделување на израстоци.
Овој сукулент се користи и како филтер на воздухот бидејќи има тенденција да ги апсорбира отровните супстаници од него.
