Призма

Кактус на денот, 290 е...

Leuchtenbergia principis

Потекнува од централниот и северниот дел на Мексико. Името го добил по Maximilian Eugen Joseph (1817-1852), принц од Leuchtenberg кој бил ботаничар аматер. Поради изгледот, може да се сретне и како Агаве кактус или Призма кактус.

Овој кактус со несекојдневен изглед, расте многу споро и може да достигне височина до 75 cm. После 4 или повеќе години може да се појават и првите цветови, кои се со жолта боја и дијаметар од 5-6 cm.

Коктел

Доколку дома Ви се наоѓаат чаши кои не ги користите, еве Ви идеја како да им додадете функционална вредност...смучкајте во нив малку песок, земја, камчиња...и во тој коктел посадете го Вашиот омилен кактус...наздравје!

На сличен начин може да ги направите функционални и старите тегли.

Бебешки прсти

Fenestraria rhopalophylla (Фенестрарија ропалофила) потекнува од Намибија и Намакуаланд во Јужна Африка. Може да се сретне и како Babies toes или Window plant. На врвот на секој лист има провидна област, како прозорец, според што (од латинскиот збор "fenestra") и го добил иметo. Многу е сличен, речиси идентичен со Frithia pulchrа, разликата може да се примети преку цветот, кој кај Fenestraria rhopalophylla е бело-жолт, а кај Frithia pulchrа е розев.

Сукулент на денот 282 е...

Fenestraria rhopalophylla

Фамилија: Aizoaceae
Род: Fenestraria
Вид: F. rhopalophylla
Народнo имe: Baby Toes, Baby's Toes, Sand, Window plant
Синоними: Fenestraria rhopalophylla subsp. rhopalophyllav
Потекло: Намибија и Намакуаланд во Јужна Африка
Боја на цветот: Бела со светло жолта во средината
Сезона на цветање: Есен
Висина: до 15 cm

Одгледување:
Бебешките прсти најмногу растат во текот на зимата и како и секој кактус, односно сукулент се многу едноставни за одгледување. Се одгледува во супстрат со добра дренажа, на места изложени на сонце или делумна сенка. Се полева редовно, притоа се внимава да не се предозира со вода. Минималната температира на која е препорачливо да се чуваат е 8°C.

Размножување:
Се размножува со семе, со режење

Надворешен линк: Овде

Во продолжение и еден подвид на овој сукулент...

Fenestraria rhopalophylla subsp. aurantiaca

Фамилија: Aizoaceae
Род: Fenestraria
Вид: F. rhopalophylla subsp. aurantiaca
Народнo имe: Baby's Toes
Синоними: Fenestraria rhopalophylla f. aurantiaca, Fenestraria aurantiaca
Боја на цветот: Жолта и бела
Сезона на цветање: Средина на лето до средина на есен
Висина: до 15 cm

Пуштање јазик

Ретко кој останува рамнодушен кога ќе види кактуси...оваа млада дама не крие дека целосно е освоена од овој секси кактус, па своето восхитување, покрај страстната прегратка го манифестира и со пуштање јазик...

Календар за кактусари/ки: Октомври

Време е да започнете со пренесување на кактусите и другите сукуленти во затворен простор. Доколку во текот на зимата имате можност да ги чувате во осветлени простории на температури од околу 8°C (што е најдобро), пред пренесувањето во нив оставете ги уште неколку денови во топла просторија за да може супстратот добро да им се исуши.

Истото треба да го направите и ако презимувате билки со оголен корен.

Билките израснати од семе, доколку е можно ставете ги помеѓу прозори и држете ги во спор раст.

Извор: Gajenje kaktusa - Fleischer/Schütz